依家既佢.. 就係我隔離..靜靜地訓得好甜.. 呢排唔知因為d乜事..

硬係覺得佢好信唔過.. 我好唔相信我同佢之前既感情..suppose..

2 月1 號就係佢既生日.. 應該好開心可以同佢過第一年既生日.. 但

唔知點解. 我都仲係咁. 一見到佢電話晌我又擔心.近期佢講親電話

都笑得好大聲.. 又好開心咁講人是非..如果唔係既話. 就會好正經地

傾緊借錢個d野. 其實我知佢錢有好大既問題.. 但我真係唔可以再幫了

今日同佢去食早餐..原本是開開心心的.. 一早飛出去見佢黎食飽飽..

但一傾到公司野.. 我即刻黑晒口面.. 佢留意到呀!仲問我一句野..

"老婆係咪唔鍾意聽到公司野呀?咁不如我地走了去買野先啦咁!"

比佢發現左添..本身唔係架.. 我都好留意佢講佢公司d野.. 之但係

佢話睇下公司升佢咩title.如果唔駛升sen就可以血super佢就留多半年

唉..咪即係又留低囉..我一聽到又好唔開心.因為佢既意思即係唔會轉工

會仲同8婆同一間公司..我真係喊了出來..我唔想見到佢地一齊做野呀

我唔係自私..除左咁.. 佢係公司咁辛苦又咁少人工.. 真係想趁新年

個個轉工佢都去試下丫ma! 但我都估到佢唔會聽我講架了.. 我都係死心

如果佢真係再做.. 我會同佢嘈交嗎?我會喊嗎? 離開佢好嗎?? 好亂

我唔識答了....

新既一年.. 都要黎一黎呢度講聲新年快樂! 我鍾意呢個日記係因為無人黎睇xd

所以我可以講我喜愛的事... 回憶返呢一年.. 真係有開心. 唔開心.. 煩惱.. 興奮..

開心既係.. 我可以有好多朋友陪我過.. 多謝我既契妹.. 多謝老公既照顧...

唔開心既係.. 比爸媽嘈.. 無錢用..  比老公個ex蝦.. 比人誤會.. 最後要去讀書again..

煩惱既係.. 借晒錢比老公佢唔還.. 要幫老公揹起條數.. 唔知咩uni 肯收我...

興奮既係.. 終於我都有人要! 有人理! 去到澳門! 同我鍾意既人去旅行! 同妹玩到癲!

發覺真係好多野都睇唔出的.. 先先講丫.. 尋日聽到老公佢講.. 話大帝同埋alfred妹..

竟然返左大陸" 尋開心 "! 真係.. 我覺得男人玩ons 好正常.. 但我唔鍾意人叫雞囉..

仲要係大陸叫雞.. 好嘔=.= 搞到我唔想見佢地囉.. 另外.. 估唔到老公咁爛賭..

要我揹起咁大條數.. 識開咁多男人原來十個十個都係玩女人=.= 連我隻佬在內.

佢後生的時候.. 都叫雞-.- 好撚嘔呀-,-死啦.. 會唔會今次如果散左.. 我以後唔再拍拖

次次都唔係好想自己返黎呢度.. 因為唔開心既時間我就返黎打字

即係一返黎=我唔開心了..次次唔開心仲為左d 乜呀?? 咪又係佢=,=

我知道. 佢同ex 一齊左4-5年.. 唔係一時半刻可以完全忘記晒d感情

但係, 一日佢地一齊同一間公司. 我真係好唔開心架.. 因為..個8婆..

係上司.. 真係玩乜野都要聽佢話.. 依家. 無端端為左見我隻佬又改

改左更表一齊返通宵. 又為左怕俾人誤會搵我個妹黎過橋叫埋妹返

唉~! 仲因為咁樣. 知我隻佬買左nds 佢又買nds一齊玩.. 救命..

仲要打黎搵我隻佬問有冇玩任天狗呀? 有咩game好玩呀?

又sms 訓醒覺打俾我呀... 我睇見真係眼火爆.. 我好記得個次..

個8婆同我嘈.. 話佢得唔到既野.. 我都唔駛旨意會得到..

我真係好驚佢會用盡方法搶走我老公... 老公呀老公.. 真希望..

你生生性性夠定力.. 唔係我真係會喊死....

愛.. .我真係好想同佢講 我好想以後既路陪佢捱下去~~

我覺得.. 佢係我咁多個男朋友之中最細心~~ 好幸福!

可以咁都遇上佢.. 雖然數起佢既缺點有大把..

但愛一個人係要愛埋佢既缺點.. 佢如果改晒d缺點...

一定係一個好男人.. 好男人就要好好捉住唔俾人搶走啦

佢雖然.. 咸濕, 爛賭波, 吸煙, 唔儲錢大駛... 但係..

細心. 溫柔, 可愛, 就我, 佢真係好錫我的呢...

今日一見到又有個仆街偷佢msn 個ac 黎上.. 我好嬲lor

不過明知係佢ex個粉皮做. 但佢仲處處幫住佢個ex= ="

唉.. 話佢就女人丫. 定係對個女人仲有意思呀??

話晒佢同個女人仲同一間公司做野.. 好擔心好擔心..

究竟點先為真正既愛情.. 我真係好想知道.. 今日又黎料

又同佢傾左幾句.. 唉~! 本身我想返我屋企 .. 係因為..

佢爸爸今朝同我講, 問我唔駛返屋企架咩. 點解唔返下去

又問我做乜可以留係呢度咁耐.. 我其實都sense到咩事

我就今晚同佢講話我好想返我屋企. 係自己屋企住返幾日

點知佢只係話唔好啦. 你唔好返去啦. 我聽日嘈我爸先

我就係唔想咁呀! 最後我就黑口黑面咁.. 冇出聲

佢就sd sms話佢知佢係自私.. 話對唔住喎! 其實..

我都唔識點答佢. 我只係想講.. 我唔想你屋企人亂諗

但佢就唔知點咁. 又唔想我走. 一聽到話返去幾日.

佢就唔開心咁唔出聲.. 我都好難做架.. 我真係好想問

係唔係一對情侶係埋一齊就係要日日都見面@@?

原來.. 我平時成日都亂諗野. 依家既我終於都可以放鬆

佢個日之後.. 番工個時好緊張我.. 最後呢.. 佢一番去.

以為我係因為打冷個日同妹妹傾既野令到我對佢冇信心

一番到公司就問.. 妹妹話佢好似好驚.. 唔知點做好..

原來佢係咁緊張我架.. 真係估唔到. 以為佢以為風流開..

依家都會係唔會理我點諗. 原來我錯晒.. 佢真係好好的

我搵到呢個好男人都唔識得去珍惜.. 仲唔信佢..

我錯晒啦! 今日佢tum 番我.. 陪左我成晚.. 真係好感動.

對唔住呀老公.. 我知錯啦... 我希望以後一路同你一齊行

快d過埋今年.. 儲錢再結婚.. 還晒d錢之後就可以儲錢了

我好想一周年既時候.. 可以仲係 零吵架次數.. >3<

最後多謝老公既行動証明俾我睇你只愛我.. 我都係!!

我次次都係咁. 當一個人既時候.. 就會亂咁諗野..

屋企既野啦.. 佢既野啦.. 事業啦.. 等等.. 唉...

個次既我.. 亂咁多手.. click 左睇到d 唔應該俾我見到既

我把口話就話唔會理佢之前既野. 仲口口聲聲話

佢係有心俾我知既就會親自同我講. 佢唔同我講既

我亦唔會過問.. 但口個句同心想既都唔同. 我想知道..

但我怕佢會覺得我好多事.. 所以全部既野都留係心..

個兩日佢見到我.. 成個人唔同左. 又唔笑. 唔開心..

佢都覺得奇怪. 其實我同佢既開始真係幾搞笑..

一句問有冇感覺.. 就係埋左一齊. 我今日先同佢講..

如果當初佢冇問呢句.. 我同佢既一切都唔會咁樣發生

係埋左一齊之後.. 亦都好奇怪地互相遷就到對方..

感情可以係話一日千里.. 一個月既慶祝就去左泰國

好有一個衝動走去同佢結婚.. 為佢生仔.. 做一個c9..

但我自問..我妒忌心勁重既人.. 一見到一d ex 既野..

會唔開心. 但又唔問咁收收埋埋.. 不過都係個句..

我係絕對唔會問佢既生活一切. 佢賭波嗎? 佢媾女嗎?

完全唔會問佢去左邊.. 只會講一句.. 我信你!! 亦愛你!!

好希望依家突然間話我知我有左bb.. 可以話俾你d ex聽

"你地死心啦.. 我終於有只屬於我同佢既野.. 你地得咩?"

竟然.. 佢都答一句.. " 我都想你幫我生仔... 希望你幸福"

原來.. 幸福呢兩個字.. 一早已經寫左係我既心入面...

一直我都太執著了......... 熱戀期千萬不要完.....

7 月13號啦, 時間真係過得快.. 好多野都唔知講乜好...

呢排真係好唔開心.. 一唔開心就諗起我可以番黎呢度..

寫低我既唔開心>< 公司既野已經唔再關我事..

是是非非都唔理了. 俾人睇死又好.. 笑我又好.. 話我又好

已經none of my business.. 講起生活.. 煩.....想死.......

唔知點解去完泰國番黎應該好開心好舒服先岩.. 但係..

望見佢講電話.. 次次都係講公司野.. 有咩人講乜是非..

番到黎只係為左公司既野煩.. 即刻令到我自己都唔開心

唔係話自私.. 但係一番到黎香港同佢既話題只得公事..

我都唔敢講我自己既野俾佢知道.. 怕增加佢既壓力..

但我自己仲要"咩" 埋佢既壓力.. 唉.. 覺都訓唔著...