點解你會知我想食0個款cake架? 好彩我都估到你會想食邊件~ 突然間好鐘意你tim~ 仲有又一齊無電話用, 點解會咁0岩架?

星期五去左剪髮, 而家仲諗緊直定curly好? 其實我想染, 不過最近既頭髮好乾~ 唉~ 煩~ 之後去左板前食飯, 一樣都係咁好食~ 食完飯行左陣就去食甜品就返屋企lu~ 天氣好凍, 不過有你攬住, 我覺得好溫暖~

星期六起身之後去左新屋0個邊, 下星期一就搬啦, 到時pk仔就可以慳返好多的士錢, 咁我地就可以儲多d錢. 你出豉油我出雞~ 哈哈~ 睇左我地既第3套戲- 27 dresses, 好睇過上次睇既神探好多...因為係我想睇既~ 多謝你送比我件褸, 好鐘意~

星期日去左ikea買燈, 買之前一人一隻hot dog加果汁. 之後就去食團年飯, 都ok好食既. 琳琳越黎越cute呀.

琴日係pk仔既生日!!! 因為之前病左, 所以無準備點樣你慶祝好, 連禮物都無買, sorry呀~ 雖然你話唔介意, 但係我始終都覺得唔係咁好, 連carmen同john都話我對你衰, 我可以點補償呀? 不過你個願望我又幾難可以幫你實現到.

請左半日假, lunch去左勝香園食茄蛋麵, 好好食. 不過你又唔比我食咁多~ 哼~ 之後去左旺角打機, 又玩推銀機~ 你又玩灣岸, 又輸!!!! 行左陣比人食哂我買既野就落返cwb. 我又買左野~ 依個月用好多$$$$$$呀, 要慳d先得啦. 因為唔岩時間睇戲, 所以去左mix hea, 最近好鐘意去咁. 食完飯, 食埋蛋糕就返屋企lu.

pk仔, 希望你以後都會開開心心...

星期五食完lunch之後就開始病, 以後都唔再去個間食~ 食到腸胃炎, 攪到我成個weekend都要留係屋企. 本來約好哂食飯架嘛. 唉~ 睇完醫生返到屋企即刻訓, 訓到成11點起身食藥, 之後又再訓...星期六都仲未好返, 原來想返公司做埋d野, 最後都係病都返唔到. 又係訓左1日, 病到連講野都唔想講. 依個weekend除左訓, 乜都唔想做, 連食野都唔想食.

星期日起身就去左六姑媽度, 因為係女麻 女麻既死忌. 咁快2年, 有時都會好掛住佢, 諗起以前暑假返黎同佢一齊住既日子. 食完飯拜完就返工. 多謝pk仔陪我返工, 如果唔係就仲慘啦.

琴晚又同terry&stephen去食飯, 去到尖咀佢地都未到, 所以去左打機~ 最近鐘意玩推銀機, 竟然嬴左jackpot~ 哈~ 之後同佢地去左red ant食飯...今個星期去左2次啦...又傾左好多...同佢地一齊都幾開心, 起碼唔會無野講, 唔似得而家公司有個仆街成日食飯都比少錢~ 超9! 我同carmen都唔想再同佢食飯.

食完飯去左cwb搵溫俊華, 由於我地都好眼訓所以買完野食就返屋企lu. 去到屋企樓下又好似無咁眼訓, 之後又hea左陣至返屋企. 你要訓多d仲有話左既野要做呀!

又開始出智慧齒 = 又有少少痛. 慘~

琴日激嬲左carmen, 都知係自己唔岩, 好彩佢今日無再嬲我~ 我其實都幾怕激嬲人 (pk仔除外), 唔識點樣可以tum返人. 今次都係sms say sorry 咋. 多謝pk仔安慰我~ 只要有你係我身邊, 所有問題都唔係問題. 放左工去左cwb行街, 食飯竟然撞到肥yo, 唔知佢覺得pk仔點呢? 哈~ 之後去左ikea買野再去買甜品就返屋企lu. 次次走都會好唔捨得pk仔, 所以就算早左走返到屋企都成12點幾. 點解會咁唔捨得你既呢?

今日又再次無端端嬲左pk仔, 我知你會覺得好無辜架啦~ 我以後唔會.....你今晚要ot, 我陪唔到你, 但係我會掛住你.

上年記得我有寫2006年回顧, 本來都想寫下2007年發生既事, 但係發覺好似無乜野好寫咁, 係我既記性越黎越差定係我既生活越黎越平淡呢?

真係好想轉工, carmen話走令到我更加想走, 今日係kimie度知道左好多野. 好想即刻resign, 不過又覺得唔抵. 雖然bonus唔會有好多, 但係只係要捱多一陣, 點好呢? 唉~ 好煩好煩~

今晚肥yo黎左我屋企食飯, 之後去左mix飲野傾計. 見到佢咁唔開心自己都好唔開心. 愛情.....比工作更加煩~ 而家既好=將來都好? 以前既我相信有一生一世既愛情, 而家發覺好難. 依一刻可以好鐘意, 下一刻可以變到討厭. 我知咁講pk仔會唔開心, 以前亦都係因為我諗得咁灰令到佢唔開心. 但係我真係控制唔到自己...肥yo我相信你會遇到一個比佢好好多既人...

pk仔你睇完唔好煩呀, 我都係煩今晚架咋~ 其實我都有同肥yo講我都信你會一直對我好, 係唔係? 仲有你要快d病好, 知唔知道?  好想而家你係我身邊......掛住你.....

突然諗起依首舊歌, 覺得好岩而家對你既感覺 - 感激我遇見.

靠向我身邊　你帶笑卻無言
在落寞情況　常贈我明天
縱會有辛酸　有了你
我願擔起每天　狂風中也熱戀

伴我高低起趺幸運及那失意天
並說聲多甘心及情願
過每天

情懷是因你溫暖
衝擊於心裡邊
全情愛我　熱情熱愛加添
唯獨是可愛的臉
手挽手肩並肩
有緣碰見
仍留在我身邊
心　真摰倍添　愛倍添
蕩來這段緣　這段緣
不知怎去講　感激我遇見

pk仔你要快d病好呀, 我地聽晚要一齊count down架~ 記住著多d衫, 再著短袖衫打爆你架我~ 哈...

差d唔記得寫你既白痴野~ 霸王山莊呀~ 下次要睇清楚....

今年係我近幾年過得最開心既christmas. 前兩年既christmas我既記憶裡面只係得醉, 仲要係因為唔開心而想飲醉. 今年因為有你, christmas又變返我最鐘意既節日. 多謝你為我做既一切…希望以後既聖誕節都會係同你一齊過.

平安夜 - 搭左好多次車去左好多地方...我地去左旺角, 西貢同銅鑼灣. 係西貢食左好好味既海鮮餐, 有蝦, 有蟹, 又有魚...仲有pk仔幫我剥蝦...hehe....

聖誕節10點幾就要起身去聖堂, 上次去係easter啦. 其實我唔係唔想去聖堂, 而係唔想早起身, 因為去完聖堂都會有一種特別既感覺. 之後同媽咪去左千兩食lunch. 返屋企hea左陣就去左姑媽度打牌, 打左個幾鐘都無食過糊~唉~ 之後同pk仔去左cwb行街, pk仔好似越黎越細心, 對我都越黎越好, 我都越黎越鐘意佢..哈~ 夜晚去左食buffet, 好好食. 好彩無同姑媽佢地食, 媽咪話唔好食...