做左 2 個月糧地官，終於可以辭去呢d 咁o既職位.....

今次真係一個新開始~ at least 我唔駛再飄浮o係茫茫大海，仲要擔心埋唔知幾時俾個海嘯捲走......

第 1 日返工，覺得呢間公司對員工o既 grooming 捉得唔緊~ 其實.... 都係一件好事，可以唔紮起頭髮，又可以塗鮮色指甲油 & 染髮，如果係以前o個間公司，一定俾人鬧死!!! 不過 d 同事都好 nice，都幾熱情.... =.= 希望會做得開心~ 我唔想又要走呀~

成長 5 小福......

2008 年.... 我地已經相識 22 年喇 !! 冇錯! 係 22 年~

今年終於到家姐 & 啟啟大學畢業喇 !!! 恭喜你地呀~

好開心~ 我地終於可以一齊影相~ 希望下一次唔會係 4 年之後 =.=

 

女人........

「如果 20 幾歲時碰不到好男人，

    那麼 30 幾歲很難和好男人結婚，

    如果 20 幾歲不開始努力累積財富，

    那麼 30 歲時就連十五萬都難以攢在手裡。

    20 幾歲時，即使不做任何事情，都不會遭到白眼，

    甚至做錯事都很容易被原諒。

    一旦過了 20 幾歲，年輕、財富、朋友、美貌，所有的一切都會變得愈來愈遠。」

突然間，覺得自己好快就會老....... 但 20 幾歲o既自己仍然訂立唔到方向，時間愈少，就愈擔心自己將來~ 我唔想到左 30 幾歲先後悔 20 幾歲做錯決定....... 即使有「遺憾」，都唔想有「後悔」。

不經不覺又到左 10月尾......

由充滿歡喜至失望得跌落谷底o既心情都係 2 個月內發生~ 呢 d 都係自己之前一直任性o既結果......... 原來一個人o既任性，後果真係可以好嚴重..... 經過今次呢一個教訓，我會明白凡事要學懂退忍~

p.s. 原來重見天日o既感覺真係好好~

呢個月做左國泰o既常客.... 其實..... 如果唔係因為經濟唔好，我諗我都已經入左 cx 喇! 其實都開心o既，自己都冇諗過空姐、地勤2 個 posts 都可以入到 final round，甚至其中一個 post 已經過埋 body check，但可惜...... 經濟唔好，遲遲都唔肯俾個 offer 我，其實都幾失望...... 不過算啦~ 一開始 apply 2 個 posts 都只係打算試下，但原來自己都可以進身到最 final o既一 part，自己已經好開心..... 證明自己其實都唔弱，對其他 interview o既把握又大左好多~~

希望我快 d 成功啦~~ 唔想再無了期..... 等~

5 個月前的一句大膽問題 : 「你係咪想我而家打呢個電話?」故事就此開始.....

希望個故事繼續發展下去......

2012 ~ 好好記住!

Keep going..... 繼續搵搵搵 ~

我發覺呢個世界真係有好多無理兼無良o既公司.... 呢個星期日日都有 interview，其中 1 間公司真係令我 o 晒咀，我覺得無人能及...

話說今日去左 CWB 某 1 間 property management (係大公司) 見 property officer (其實都唔太想去，但因為有 relatives 叫我去先睇睇)。一入到去，差唔多成班求職者都係男性中年人士，突然間坐o係佢地中間，都顯得我突然古怪。之後填表就直接見個 HR，個 HR 真係更無聊，成個 interview 好似o係度歧視我係 degree holder.... 當我話我好想一路做野一路讀法文時，佢竟然話我已經有 degree，仲讀黎做咩，要讀就應該去考保安牌 ( oh shit =.=")，仲話公司唔會就員工時間俾佢地去讀書，除左 d 唔夠歷o既人.... and then 佢話呢份工好多時都冇野做，叫我有心理準備會悶~ 同埋佢話要 d　女仔去巡邏...... 大佬，我都唔知佢想點，我真係未聽過做 property assistant 都要做埋 security guard o個份，如果係咁，咁點解仲要請 guard ? 我諗，就算我幾梅都好，唔駛做保安咁慘 ar ma ! 我寧願繼續做地勤都唔會做呢份工....... 哈哈哈

MSN 中毒.... 唔敢開 MSN ~~

最近好鍾意轉戰到 facebook，不過.....  facebook 始終太過 open，有時唔想太多人知道自己o既事，都唔敢寫 notes。

休假已經有一個月，仍然好努力搵工，其間走左去幫手做 trade show.... 其實今年比上年難搵左，加上又發生 Lehman brothers 呢件事，令我更加怕搵唔到..... 希望 10 月頭可以返工啦~

今年錯敗太多，可能心理上o既關係，覺得自己冇咩面目見親朋好友，希望你地唔好怪我呢個月都唔約你地出黎見面啦~