一直以黎我都好重視我既工作同工作態度，耐何近期無心工作啦，可能真係受咗d粉人影響啦，同埋家陣既工作位置，公司只係工程公司，無咗以前比人尊重既設計公司咁好，但好在，d設計公司同管理公司對我都好好，佢地都好幫我，多謝你地呀，佢地好似哥哥咁幫我對付番我自己公司d粉人，真係好攪笑，自己唔幫自己公司，外面d公司又幫自己對付自己公司，好似好衰咁。佢地又叫我申請入去佢地公司做，但我又轉工？我都唔知點好！

  上星期日，放咗工自己一條友走咗去搵書局，係書局打下書釘，買咗四本書，當然唔少得一公升眼淚啦，仲有陶傑既書，跟住行下行下唔知行鬼咗去邊，又唔識路，最終搭巴士返歸啦，點知又搭錯線，不過都好，返正晚黑無野做，咪當遊下咯。

  有時覺得自己真係無家可歸咁，香港已經無地方住啦，呢邊都係寄人籬下，公司安排又有問題，遲下都唔知係咪要返香港返工，妖！人地安排好d野，又有變化，攪到我四處流浪咁，好可憐呀，要一個安定既家都好難，嗚嗚！

  可能居無定所，工作又唔穩定，又遇上粉人，攪到無心工作吧！我依家好似日日等緊比人鬧咁，但我大佬又唔鬧我喎，唉！唔知佢幾先會鬧我呢？今晚唔知表弟得唔得閒同我一齊食飯呢？今日我同佢都要開工，佢就好啦，尋日都放咗假返香港，我已經第三個星期未放假啦，不過就算放假都唔知返香港做咩好，哈哈！

  一連三日，馬交賽車，地方細細既馬交，賽車引致環境嘈雜非常，唉！每日都不停有呼呼的車聲，引擎聲，很煩呀！不論在公司或宿舍都很嘈吵，到地盤又另一種嘈吵聲，天呀！寧靜跑那裡去了？

  又過一星期啦，話快唔快，話耐唔耐啦，呢個星期作病咗幾日，但真正抖下都係得一日，一係唔病，一病就係張床度渡過咗一日啦，一個人係海外，係咁一個病人無水無糧，無能力落床，唯有等有番少少力行去睇醫生啦，其實呢種一個人既生活都習慣咗咯，又唔覺得有咩大不了既，係辛苦啲啦，鬼叫你要病咩，哈哈！

  工作上的粉人多的是，既要應付自己既工作，又要應付啲粉人，唉！工作你話係挑戰咪挑戰咯，鬼叫要搵食咩，辛苦無奈都要頂硬上架啦，希望盡快有好日子過啦，工作開心就最好啦！

  各位朋友，你們工作順利嗎？你們身邊有沒有粉人呀？教我兩招對付粉人們吧！！哈哈！

星期日帶病工作中

  不知不覺離港工作已有兩個多月了，很多人以為只有在香港工作才辛苦，其實只要你公司是香港人或中國人經營打理的，你都難逃辛苦拼搏的命運，每天都工作十小時以上，每天只有工作和睡覺，沒有其他活動，宿舍沒有了你家為你而設的一切所需，只有傢俱和電器，沒有什物，很簡潔，回宿舍只有三幾件事可做，沖涼、看電視、洗衣服和睡覺，沒有電腦，沒有小動物，這是人們最簡單的生活方式，是我們為自己添置太多煩惱吧。

  工作上有些很不合作的同事，討厭自私、善妒，設陷阱給同事的人，一個男人要是做到這樣，真的很討厭。

  這夜，工作完畢， 回了香港自己的家已是十二時了，跟朋友們網上聊聊，關心一下朋友們的近況，一個人離港工作，難免有些寂寞，沒有了大貓與小狗，又要應付工作，應付突發情況，人很累了。

  明天也得努力工作，昨夜算是我們有一點共識，也是我們吵架後一個緩衝，最終也是不想離開對方吧？！但事情總有兩面，希望我們能和平相處，逹到我們想要的目標吧！

  這夜，又再次看你們的日記，很久沒有去追故事了，是太忙？是沒有再想起你們的事吧！也許是已淡忘了。又或是自己太多煩惱了。

  回到家，有種很熟悉的氣味，是牠們小可愛們留下的氣味，家裡還有另一種氣味，是你曾經為我粉飾我的家的髹漆味，一種回憶的氣味。慶幸沒有小強們陪伴我渡過這夜 。

  我想你已有你自己的生活吧！曾經留下過的，都已深深烙在我心，但願你找到你想要的！多謝你曾經給我幸褔開心的感覺。

  這兩個星期開始了我離港工作的生活, 可能不是太遠的地方吧, 沒有感覺不習慣, 每天都是返工放工返屋企, 每天工作很充實, 開會開會再開會, 又或是在公司默默耕耘, 很累喔!!

  很掛念大貓與小狗, 每次到超級市場或經過寵物店, 就會想買點什麼手信給牠們, 已經兩個星期沒有見小狗了, 因為牠住得比較遠, 大貓今天晚上會陪我, 但明天又要各自睡了。明晚又要回去, 準備開始下個星期的工作, 每天忙碌完回到家裡, 沒有了大貓和小狗, 感覺納悶, 唯有看書吧, 但眼卻很累了, 人也疲倦, 不知不覺睡了, 天又亮了, 又要起床繼續工作了。

  同事們每到星期尾就會開始商議, 那個回香港, 那個逗留, 什麼時間回去, 哈... 其實大家回香港, 目的地都不一樣嘛, 為什麼要集合一起回港呢? 算是一班人一齊, 有講有笑, 互相照應下吧。同事收養了一隻小貓, 小貓很可愛, 很活躍, 叫聲很尖銳, 四蹄踏雪, 很討人喜歡, 有時候放工, 會到同事家看看這個小女孩, 和牠玩耍, 很高與, 這時又想起我的大貓與小狗啦, 有一晚, 大家都要OT, 我就建議同事帶小貓到公司, 牠陪了我們一個晚上, 算是OT時間中, 有一點樂趣吧。

  近期稍有空檔, 可以繼續我閱讀的興趣, 上星期完成了一本二吋半厚的達文西密碼, 很不錯的一本小說, 雖然電影已落了畫, 但當它上畫時, 我沒有去看, 因為我想看完我的書才看電影版, 我知道書會比電影更為精采。

  城市人生活沒太多時間空餘去看書, 其實看書是一種很好的個人享受, 可惜現在沒太多人懂得去欣賞這種優閒。

  今日又要落地盤啦, 要去度呎, 同埋同事一齊去, 但真係唔該哂咯, 叫佢攞齊野, 佢係真係攞齊野喎。去到地盤, 身水身汗, 開始做野啦, 大家焗住桑拿, 我話佢知應該點做, 中途諗住分工啦, 叫佢攞相機, 我影相, 佢自己試下度呎, 跟住就開始出事啦, 個相機無咭, 我叫佢返公司攞啦, 好在係公司附近, 我繼續度呎, 佢返到黎, 張咭入落相機, 張咭爆哂, 無位儲存, 唉! 都算啦, 刪除一啲相啦, 攪完之後, 到個相機無電, 真攞命! 算啦, 叫佢繼續度呎啦, 度唔夠兩野, 把拉呎爛埋, 條呎直頭縮咗入個殼入面, 唉! 好啦, 呢次真係收得工啦! 我Mark番啲位落圖紙, 叫佢執埋野, 散場返去食飯, 好在我都差唔多度哂, 唯有靠記憶啦。

  有時真係事與願遺, 我做咁耐都未試過會咁, 真係攪笑 !!