龍某人提早送左份 6 周年禮物俾我 .... 你地去睇下丫

http://www.xanga.com/yiuyiu617

li 2 日因為舖頭既事, 晚晚都訓唔著, 4 點幾先訓, 5 點半就要起身開工, 最慘下午落場都訓唔著, 訓一陣就醒哂 ....

為左 li 件事, 諗左好多好多解決方法, 不過完全唔敢行出第 一步, 0係唔夠人手既情況下, 仲要炒一個最邦得手既, 好難抉擇 ... 一次不忠, 百次不用, 你叫我以後應該點面對佢 ??? 

今日, 我下定決心, 唔可以再留低 li 個人, 其實冇一個伙計會同你打一世工, 就算冇 li 件事發生, 佢都一樣會有走既一日 .... 我 e 家要好好咁部署人手, 我要即使冇左佢, 舖頭都一樣可以好好運作 ..到時就會開門見山同佢講 ... 不過 ..我冇把握可以有足夠既人手頂替佢 ..

最困擾我既係, 點解佢要恩將仇報 ??我自問對佢好好, much more than 賓主關係 .. 唉 .... 好令人失望

擒晚, 我問龍某. 係咪每個人背後都有目的呢 ? 佢話. 最起碼, 佢對我好, 係冇目的既 ............ 一句說話已經足夠, 我唔可能要求個個都真心待我, 但係, 起碼我身邊最親果個, 係無條件對我好, 想我開心, 願意同我分擔 ..... 多謝你 ~

到底應該點做呢 ??

以往, li d 事有媽咪負責去解決. 今次我真係覺得冇人邦到我, 講錯一句說話,. 做錯一個決定就彌補唔返 ....

我諗左好多藉口黎說服自己. 可能佢真係迫不得意, 可能佢只係唔想欠我人情, 可能佢真係走投無路 ........ 我好想原諒佢 ...

冇左佢, 日常運作會有好大影響. 因為佢實在係一個為舖頭賣力既好伙計, 但係... 難道要一直縱容佢偷 $ 既行為 ??? 到底佢偷左幾多, 實在冇人知 ..

我會諗, e 家有咁多人知佢偷 $. 一定0係背後講左好多閒言閒語. 我反而為 li 個偷自己舖頭 $ 既人而心痛 .... 我知道佢負擔好大, 所以我有為舖頭唔能夠俾太多佢而內疚 .... 當佢屋企有事, 我諗都冇諗就拎私己$出黎邦佢, 因為我知道. 要開口問人借$ 真係好難, 既然我有能力邦到, 就唔應該再諗佢還唔還到 li 個問題. 邦人唔係為左回報 .. 我一直覺得. 佢盡心盡力為舖頭做事, 係因為佢知道我係用心對佢 ...

對舖頭既伙計, 我真係當佢地親人一樣, 而佢地亦好錫我 .. 當我知道偷 $ 事件後, 對住若無其事既佢, 我真係唔知點面對 ... 如果大家攤開黎講, 佢好可能會唔做, 到時我真係死都唔掂 , 如果當冇事發生,唔通由佢繼續偷 ??

點解我冇媽咪解決問題既能力, 佢只要同個伙計飲餐茶. 傾下計, 就可以完滿咁解決件事, 兩全其美 ..... 可惜 , 我未有咁既功力, 你地話我應該點好 ?

唔知搞咩. 近排晚晚鼻塞, 訓唔到覺, 一起身就打乞痴, 流鼻水, 好似開左水喉咁 ....

擒日終於放假, 下午約左 cindy 食飯, 佢終於返左黎喇, 不過就黎走喇, 要快 d 再約食飯 ! 之後俾黃汝坤, 胡豬珮 (我一定要咁樣大叫你地個名, 哈哈, 係懲罰 ) 放左我飛機, 好彩仲有大豬陪我, 我地去左唔係幾好食既重慶加哩, 再上左諾士佛臺飲野, 終於等到大豬口中既 live band, 不過十分唔好彩, 我個鼻好好好塞, 簡直抖唔到氣, 所以我地好早走左 lu ,,下次再去 ~

唉, 鼻水流足一日, 我好疑惑, 到底係咪鼻敏感呀 ? 定係我病左呀 ? 不過0係我字典入面, 要病到起唔到身先叫做病架喎 .....

希望今日個鼻路路暢通, 唔好塞啦 ~

龍某, 你好叻呀, 聽得出我唔開心, 我唔講咩事, 係因為我真係唔知點講, 唔係唔想講你知 .......

本來, 一日既辛勞, 應該換黎輕輕鬆鬆咁過一晚, 心情原本好好. 直到"佢"拎個電話出黎, 叫我邦佢轉返中文, 我唔覺意0係佢面前睇到佢張 wallpaper. 係果個女人, 其實我都唔係第 1 次睇到, 不過今次0係佢面前睇到 ...感覺好難受. 我即刻俾返個電話佢, 佢仲可以扮冇野, 再問我電話既其他野, 我咪咩都話唔識, 唔知 ......

點解唔可以用其他 wallpaper ? 點解係都要咁明目張膽 ? 點解俾我整之前都唔避忌下. 換左個 wallpaper佢 ? 從來佢都冇將我同媽咪個樣做 wallpaper..........................

我同自己講, 唔好為左 li d 人而唔開心. 唔值得 ....但係眼淚都係好唔爭氣咁流落黎 ..... 佢眼中已經冇我地. 眼淚唔值得為佢而流 ..我知架. .. 我真係知 ..

痴 x 線 ... 今日好黑仔, 姑姐休息, 我要做水吧, 點知前面 2 間麵檔都休息, 搞到勁多人黎食麵, 做到我 pk ...

好彩,. 大豬同埋契女一家都有落黎邦手 .... 總算捱過左一日 ~

li 個星期日日都好忙, 係忙到癲果隻, 我同一個伙計根本搞唔掂, 2 個人得 4 隻手, 又要寫單, 又要執枱, 又要聽電話, 又要收 $ , 又要捧餐, 又要"筆"糖水, 有時仲要入廚房沖野同 pask 外賣 ........

不過真係好好彩, 上個星期有小表弟黎邦手收 $ , 今個星期有媽咪個契女黎邦手收 $, 雖然佢地 2 個都仲係小朋友, 不過有人邦我收 $, 已經邦輕左好多 ... 今日仲搞笑, 個電話突然冇聲, 有個客即刻邦我地整, 仲"順便" 邦我聽埋電話 order, 有個又自己去"筆"糖水, 唔駛麻煩我 .... 有時, d 客真係幾可愛 ...

其實身邊有好多好多人都好鍚我, 見到我忙, 真係會主動黎邦手, 佢地係犧牲自己休息同埋去玩既時間黎邦我, 無條件架 ... 龍某人就不在話下啦, 大豬 li 個朋友又係咁好 .. 連 d 小朋友都會寧願唔睇電視, 唔出去玩黎邦我, 真係錫哂佢地 ~

今日好好笑, 契女應承左落黎邦我, 佢仲推左佢表姐既約會, 點知今日忙到癲, 佢打電話俾佢媽咪, 話 : "媽咪, 好忙呀, 你快 d 落黎邦手" 哈哈, 好鍾意小朋友既天真 ...  

好耐冇打日記喇, 好似好多野想記低, 但係又好似唔多記得要寫咩咁, 睇黎我既老人痴呆越黎越嚴重 ..

打 9 號風球果日, 我只係記得好忙, 不過冇上次 8 號風咁辛苦 .. 我只係記得大風到人都差 d 吹郁...

跟住就只係記得 2 個小學好朋友黎食飯, 我地好耐冇見喇, 好想好好地咁坐低食下飯, 講下近況 ...但係難逃厄運, 0係舖頭根本唔得閒同佢地傾計, 要搵日再出黎