imajuku
meko630

RSS Feed


February 11,2008

開工大吉~~

今日年初五, 係返工既大日子, 天氣仍然凍到傻, 但係都要踏上返工既旅程, 過去呢幾日, 都真係幾忙架, 大年初一冇年拜, 去左行街買野攰到傻, 年初二去左牛潭尾姑媽屋企拜年食盤菜, 年初三同初四返左深圳同惠州拜年, 好凍呀大陸, 不過有d親戚係一年先見一次, 所以大家聚埋一齊好開心, 咁就過左4日假囉, 快得佢呀~


不過我初八開始請假, 放到初十二, 哈哈, 去福州旅行囉, 見到個天氣報告就慘啦, 仲凍過新年呀, 我都唔知要著幾多件衫去, 著到成個ball咁, 我太怕凍啦, 真係要整件VERY WARM底衫先得..哈哈~~

:em_50


俾意見 [0] 文章URL 引用 [0]

January 15,2008

感冒仲未好~~點算好!!

由9號個日開始只係喉嚨痛, 第二日開始再經歷左發燒、鼻塞、喉沙變聲, 仲咳到隻狗咁, 食左2日西藥仲未好, 而家仲食緊西藥, 因為我本身氣管敏感, 條氣唔順就咳, 死未~而家唔敢去d人多既地方, 空氣唔流通又會咳死我, 咩都唔食得, 真係好慘, 次次年尾都要病一次先安樂囉, 真係唔想再過呢d日子, 好煩呀~~~


俾意見 [0] 文章URL 引用 [0]

January 05,2008

ERIC SUEN生日仲開心過我自己生日呀~~

前晚星期四我放左工6點3飛奔過去TIMES SQAURE飛輪海簽名會, 去到已經超多人啦, 全部都係妹妹仔多, 迫爆成個TIMES, 好彩我有PASS唔駛同佢地迫, 不過因為個台太遠, D記者又係哂前面擋住哂, 完全咩都睇唔到, 淨係望住個大電視囉~~直到最後到我地簽名個陣, 先望到清楚, D死人SERCURITY STAR, 衰到冇人有, 第一個係吳尊最頭, 吳尊同我講"新年快樂", 我望左一眼吳尊之後, SERCURITY STAR就一手拉我走, calvin同大東望住我比人拉佢地都好無奈, 上台幾秒鐘就要落返黎, 冇癮囉, so我決定唔再搵飛輪海囉, 今次見到既感覺淡左好多, 都係ERIC好, 哈~~


飛輪海個邊完左, 我就搭的士入會展, 因為個邊ROADSHOW頒獎禮, ERIC同飛輪海都有獎拎, 我有飛入場睇, 但係好悶囉, 坐到成10點幾ERIC先有獎拎, 係"飛躍歌手獎"呀, 我地梗係起哂身吶喊啦~然後又到飛輪海出場拎獎, 坐到十一點, 我地要閃啦, 因為ERIC完左SHOW後會去山林道個間火鍋店有慶功, 我地就要一定早過ERIC到, 因為我地準備左一個3磅既"E"字紅色大蛋糕, 超靚囉, 我都有準備到禮物送比佢, ERIC一落車, 我地就同佢講HAPPY BIRTHDAY, 一齊唱生日歌切蛋糕, JANICE準備左個花型既蠟燭仲有MUSIC架, ERIC一點著就自己開花, 型呀~ERIC好開心咁切CAKE影相送禮物飲香檳, 仲叫我地上去火鍋店分CAKE比我地食, 佢就入左房慶祝, 等左陣佢出黎同我地影相折禮物, JANICE送左35份禮物比佢, 全部都係日用品, 好攪笑囉, 杯麵、公仔麵、洗頭水、鮑魚刷、 坐廁套、牙刷.....咩都有,廁所用品最齊全, 差在未有UNUN囉~哈!!ERIC足足拆左9分鐘, 我揸住部機影到手軟呀~之後佢又返入去食野, 我地就食CAKE傾計, 之後張敬軒出黎去廁所, 又比我截住要合照, 佢去完廁所就逐個逐個影, 佢好高呀, 又好瘦囉~ 冇耐佢又出黎, 仲拎住支啤酒同助手軒仔一齊影相, 仲話要攪隊組合叫"TWOFIVEBOYS", 好無聊囉, 佢地D兄弟情真係既好, 男助手係唔同D, 仲有老闆DUCAN客串一下, 大家都好開心囉~~


之後我地要等ERIC走我地先走, 佢食到成2點半, 我地等到就訓著啦,  但係都要等, 同JANICE亞CA 、MAGGIE佢地一齊玩到癲哂, ERIC終於落黎啦, 我地又圍佢影相傾計, 攪左成15分鐘先比佢走炸我地, 哈哈~佢助手拎住好多禮物上車, ERIC心情超靚, 我地就更加開心啦~ERIC...出年我地再黎過~哈!!    


俾意見 [2] 文章URL 引用 [0]

January 03,2008

Eric Suen ~~ Happy Birthday!! 生日大快樂~~

今日1月3號, 係孫耀威35歲生日既大日子, 好多人睇唔出, 原來Eric有35歲啦, 不過仲係成個細佬仔既佢, 不單止樣貌同身材都似“靚仔”, 性格都好鬼似囉~~今日放左工我真係好忙, 飛輪海又黎香港, 仲攪簽名會, 名額只有500個, 我個fd班到10個pass返黎大家分, 有份簽算好好架啦, Eric又出席roadshow個頒獎禮, 同飛輪海d時間撞到砰砰聲, 最後我決定左7點半去TIMES搵飛輪海簽名, 簽完飛過去會展等Eric完show同佢切cake慶祝生日, 我仲準備左禮物送比Eric tim, 希望今晚唔冇咁凍啦, 會展好大風架~~ 


俾意見 [0] 文章URL 引用 [0]

December 30,2007

最難忘的12月29號~~~~

尋日12月29號, Eric孫耀威係屯門市廣場攪左個簽唱會, 我呢D梗係要出席啦, 因為屯門太遠, 有好多FANS都話唔去, 真係好怕好少人撐場, 個SHOW 3點開始, 點半先有少少FANS到左, 個日我同亞CA、TRACY同JANICE被安排上台玩GAME同送禮物比ERIC, 所以我地都一直冇係FANS區度舉牌, 一直坐係台邊等候, 而個GAME係玩2個FANS對戲, 我同JANICE一組, 亞CA同TRACY一組, 要做一段戲係關於男女之間既成功既分手戲, 我同JANICE係台下不斷咁諗橋不斷咁排, 怕上到台驚到講唔出, Eric個日病病地呀, 但係佢都堅持要唱現場, 真係pro囉~仲唱得好好聽, 冇咩出錯, 出場唱左首Here I Go之後, 我地8個人就上台玩game, Eric要搵一個人出黎做示範, 但我地8個人都好驚, 唔敢自願同Eric做示範, 因為唔知會做d咩, 本來佢地話冇人肯就搵男仔, 咁我同janice一齊話, 男生冇咩feel喎~~Eric就一手捉左我出去話咁同你咪有feel囉, 頂呀~之後原來係好正架囉, Eric第一句就話"yen...其實我好愛你架~你令隻手出黎啦, 呢隻戎子我送比你(幫我戴入隻手指度, 仲全場尖叫), 係絕版紀念品, 但係我而家要同你分手, 因為我係屬於大家架, 我唔能夠同你係埋一齊~", 但係我突然間諗到野同Eric對戲, 我話"我唔介意同大定分享你架, 只要你一個星期陪我一晚就夠啦", Eric即刻笑到傻左,佢冇諗到我會咁駁佢, 佢即刻話"你唔介意呀, 咁你要星期幾陪妳呀?"我就話"星期日啦", 佢問點解呀, 我話"family day呀嗎"...Eric笑得幾開心呀~~佢都頂我唔順..哈哈~~ 


首先我同janice出左去做場分手戲比Eric睇, 之後第三組先到亞ca就同Tracy, 佢地真係好好笑, 笑死我, 4組做哂之後就要Eric揀邊組最好啦, 佢一定係話"４組都咁好,全部有獎品", 頒完獎我地又落台等一陣上台送禮物, Eric唱完首"我教你分手"之後, 就推蛋糕同香檳出去,因為Eric 1月3號生日, 同佢提早慶生, 我地就一齊出去送禮物, 我就送左個大果藍比Eric, 同Eric講"你呢排病, 食多d生果補補佢", 之後Janice送左佢織既"大咪", Tracy 送金細咪, 亞ca送2打玫瑰花, Eric好開心囉, 收到咁多禮物, 之後MC突然話要比Eric一個birthday kiss, 之前經理人話扮錫影相既, 但係Eric話可以錫落去囉, janice唔理3721第一個就啜左落Eric塊面度, 之後到我又啜落Eric度, Eric即刻話"真係有錫到架, 我心跳得好快呀~面都紅哂~"亞ca又好sweet咁啜落去, 到Tracy又啜, 哈哈...我地4個女色魔成功得手啦, 哈~~台下既fans梗係狂尖叫啦, 嘩聲四起呀!! D記者係度狂影狂影, 都知上得台一定上梗報紙架啦, 豁哂出去啦我地, 之後我地一落台返fans區, 真係癲左, 魂魄未返黎, 開心到我地4個係度嗌, 塊面紅到成個蕃茄咁, high到爆囉~~之後Eric就接受傳媒訪問再開始簽碟, 今次真係幾多人排隊簽喎~~仲多過上次荃灣簽唱, 好多人都係即場買即場簽, 反應真係好好, 我地好開心, 我地最後先排隊簽名, 再見到Eric真係有d尷尬, 完全唔知同佢講咩, 簽完握完手就走, 佢只係對住我笑.....


簽哂所有碟, 佢就走啦, 我地極速跑去car park, 點知.....Eric助手話唔停車趕住走, 又見唔到佢囉~~不過真係真係好滿足好開心, 辛苦左咁耐係值得架...哈哈~~


今朝睇報紙, 見到我個死人頭囉~~~


我同Eric做對手戲 & 我同Janice做對手戲: http://s190.photobucket.com/albums/z189/joy192/?action=view¤t=MOV02925.flv


上台送禮物比Eric : http://s190.photobucket.com/albums/z189/joy192/?action=view¤t=MOV02929.flv


錫錫Eric : http://s190.photobucket.com/albums/z189/joy192/?action=view¤t=MOV02930.flv


有線新聞 : http://s190.photobucket.com/albums/z189/joy192/?action=view¤t=MOV02942.flv


 


俾意見 [0] 文章URL 引用 [0]

December 21,2007

X'MAS PARTY FOR OUR COMPANY~~


今日公司同事攪左個X'MAS PARTY, 其實係大食會, 由於我公司冇咩邊幾個同事識整野食, SO大廚依然係我, 我尋晚放左工去買野, 買到成8點半先返屋企, 抽到我手都就黎斷, 返到去食飯後就一直係廚房忙, 整到成12點幾我先至有時間去沖涼, 最後整到一點鐘終於攪掂啦, 我一口氣整左6樣野, 蒜蓉牛油炒什菌、涼拌三絲、肉醬意粉、白汁磨菇雞絲意粉、沙爹串燒什錦, 仲有一樣芝士焗薯蓉我今朝7點半起身整, 真係企到我腳都痛呀, 不過整出黎個樣OK我都開心D~~


另外, 亞LING老公好叻, 整左滷水什錦, 雞冀、牛丸、魚旦、豬肉丸、鴨舌、雞腎、牛展, 仲有鮮果沙律,  好好味架, 而珍珍就整左個炒齋米粉, 所以今日個大食會非常之豐富, 但係我O岩病好唔敢食咁多野, 難得瘦左D就咪食返啦係咪..哈哈!!一小時大家既小聚就食完啦, 食淨小小既野食就睇下邊個得閒食D啦, 沙律淨返好多, 因為整左10磅, 未食哂囉, 個個飽哂返埋位做野, 好彩老細唔係公司姐, 哈哈~~


 

:em_25


俾意見 [2] 文章URL 引用 [0]

December 19,2007

我終於都病好啦~~


過去個個星期, 簡直係人都癲, 病入膏肓, 仲令我瘦左幾磅呀..


事發係11號晚, 食完飯之後冇耐, 食左個"百福"甜品半個鐘後, 開始肚痛, 屙完之後都仲係痛, 仲周身骨痛tim, 咁我就冇理佢就走去訓覺啦, 點知第二朝起身, 一睜開眼第一個感覺就係全身都好似比人打完咁, 痛到起唔到身, 即刻打電話請假先啦, 之後又覺得肚開始又痛, 就即刻去睇醫生, 醫生話我有D發燒、腸胃炎食左唔乾淨既野, 就開左藥比我返屋企訓, 到左夜晚, 我開始又屙又嘔, 成個人都唔舒服, 食藥都冇用, 捱到第二朝, 我就打電話去問醫生話我嚴重左, 屙得好勁, 佢就叫我落去再睇, 打左支針, 因為又發燒, 開多少少藥比我食, 又返左屋企訓, 訓到3點度都係唔掂, 不停咁屙, 個肚好痛, 又再落去醫生度問佢點解食藥都冇用, 又再發燒, 燒完又退又再燒, 佢又再開左D止屙水同止痛藥比我, 我又食完藥繼續訓, 訓到5點左右, 覺得個人好唔妥, 開始發冷, 著住件長袖衫加冷氣被都好涷, 係涷到成個人不停咁震, 控制唔到自己, 加多3張被都頂唔順, 開始呼吸唔係幾順, 好急, 所以我決定自己打電話CALL白車入醫院。


5分鐘左右, 救護員黎到我屋企見到我, 第一時間將我D被拎開哂, 佢話我發緊燒唔好著咁多衫蓋咁多被, 冇得散熱, 佢地即場幫我探熱, 原來我燒到40度, 係好高燒, 但係我之前有食到退燒藥都冇用, 我衫都冇換就比佢地抬走去醫院啦, 好彩我爸爸O岩O岩返到屋企, 幫我執野去醫院, 如果唔係我都唔知點算, 係救護車度我都係神智不清, 佢地問我D問題我都唔知答左D咩出黎, 淨係識講自己叫咩名, 到左醫院我都係訓係張床度, 因為我真係冇力坐起身啦, 我細佬都到左醫院等我, 要分流所以等左成個鐘先入到去病房, 去到病房又要等醫生黎同我檢查, 又問我一堆問題, 叫我比D小便佢驗, 我行都成問題仲要我去廁所, 不過都冇計, 唯有我細佬扶我去, 行個幾段路都行左好似好耐咁, 返到去佢比左D退燒藥我食, 話我係腸胃炎, 但唔知點解我會一直都發燒, 搵唔到原因, 食左退燒藥先, 退左燒就會好D。


等左一陣要我照X光, 又要我換衫, 照X光D衫好薄架, 仲要係後面綁繩TIM, 麻鬼煩, 我邊夠手長呀, 咪叫細佬幫我綁囉, 之後推左我入X光室, 好快就照完出返黎, 又係等.....等左成個幾鐘, 有個護士埋黎幫我探熱, 38度4, 都仲未退哂燒, 叫我等陣睇下醫生點做, 又等左半個鐘, 佢走埋黎話醫生叫我返屋企, 叫我去藥房拎藥就可以返去, 仲要我比D大便佢拎去化驗, 睇下有D咩菌令我發高燒, 我仲屙緊又發緊燒都叫我返屋企, 有冇攪錯, 護士仲話唔會比止屙藥我, 怕我入面仲有菌要我屙哂出黎, 拎完藥之後就同爸爸細佬搭的士返屋企, 返到去都成12點幾啦, 由6點左右CALL白車入院, 12點幾先返到屋企, 真係等左好Q耐, 都只係有人問左我幾句野炸, 死未~~訓覺前都仲有發燒, 第二朝起身就退哂啦~~但個肚仲係痛緊, 不過就屙少左, 直至到尋日都係一日屙3、4次, 今日就少左啦, 2次姐, 有進步架啦~


今次腸胃炎真係死過翻生咁, 仲有...我咁大個女第一次CALL白車炸, 以後都唔要再CALL啦~~~


俾意見 [0] 文章URL 引用 [0]

December 10,2007

"中英街"....I'LL BE BACK~~~

尋日星期日, 約埋班同事一行5個人諗住去中英街行下, 因為我地幾個都未去過, 晨咁早7點半我要起身(返工都冇咁早), 約左Ling Ling係屋企樓下食早餐, 9點3去到上水火車站Join埋珍珍同華華搭的士去粉嶺坐沙頭角旅遊巴過境, "哎呀奶奶"帶我地去行中英街, 佢話去到個邊先申請禁區紙入去, 咁我地就過左境行去邊境大樓諗住攪証, 點知.........衰左, 原來香港人係唔可以去到個邊先做禁區紙, 要係香港做左先, 我地5個企左係度, 好失望囉~~之後冇計唯有搭巴士去東門啦~搭左半個鐘車先到, 大家都肚餓囉, 去左醫肚先~~~


我地去左東門步行街"唐宮"飲茶, 好多人囉, 等左半個鐘先有位, "哎呀奶奶"唔舒服, 我地食完野佢同珍珍返香港先, 我地3個就留係度玩, 因為我地一陣去按腳, 我地又去返個間按, 今次我地3個一齊開左間房, 冇咁嘈囉, 仲有電視睇, 我地搵左3個男師傅, 因為我覺得男師傅手勢好過女師傅, 自從上幾次試過男師傅之後就愛上左囉~我地一路睇"龍咁威2003"一路按腳, 按左2個鐘成個人鬆哂, 因為東門步行街大多人既關係, 我地冇心機行囉, 好似行花市咁, 超多人, 我地去左間餐廳飲杯野傾下計就諗住搭的士去黃崗返香港, 點知搵唔到的士搭, 轉左3個地方都截唔到囉~~谷鬼氣唯有搭地鐵去羅湖過關, 地鐵又係超多人, 排隊買飛都排餐死, 裡面又焗又熱, 深圳既地鐵真係好失敗, 每次我都好唔想搭地鐵, 終於由羅湖過關返到香港, 得返半條人命囉, 頭先按腳既舒服感覺都冇哂囉~返到屋企即刻沖涼洗頭, 睇完"亞sa真人show"開始眼訓啦, hea到11點就上床訓覺囉~~


俾意見 [0] 文章URL 引用 [0]

« 上一頁