小欣HOMPY : Hompy

January 17,2008

亞dee生日 Party 2007

亞dee b'day Party~年年切生日蛋糕都冇人食~所以今年我同小良老公買左隻乳豬俾亞陳生切~!!

可能太耐冇出去玩喇~我淨係記得頭半Part~切完生日乳豬之後發生過d咩事我全部都唔記得喇~哈~!!

文章URL 引用 [0]

January 13,2008

夢中的婚禮 @ 11-11-2007

2007年11月11號係表姐Angel同Gary既大日子~恭喜晒黃生黃太^^同場加映表哥Angus同亞敏註冊結婚~2姊弟揀埋同1日註冊~~作為表妹既我真係好開心呀~~

祝2對新人白頭到老永遠幸福快樂啦~!!

由於年尾好多朋友都結婚呀~~淨係11-12月我都做左3次姊妹喇~哈~!! 最近先有時間整理d相~就學亞兜咁講~等我憶述下呢次 " 夢中的婚禮 " 啦

表姐個婚禮我要幫手做姊妹~之前1晚就去左酒店過夜~原因係全世界都驚我會唔知醒 =.= 不過果日好早我已經醒左~食左個半島既超好味早餐~有煙三文魚既糖心蛋跟住就半夢遊狀態換衫化妝同埋set頭~~等班兄弟上黎接新娘~~kekee

我同小良老公整左幾件背心俾d兄弟們接新娘果陣著~寫住 " 我勁愛林安琪勇 " 7個字~點知影相果陣班兄弟排成 " 林安琪勁愛我 " 咁都得.....好在貌似蘇民峰既攝影師哥哥提醒~~先至冇俾佢地奸計得逞~~哈~!!

同1日連踩2場~首先Angel同Gary中環註冊~完成之後要立即過伊甸園果邊Angus同亞敏註冊~我都係第1次去伊甸園觀禮~感覺好似怪怪o地~地點係位於1個商場入面~而行禮既Hall係好似一般商場入面既舖位咁.....但場內佈置好有心思~我問過Angus原來有得Book要紅色或粉紅色佈置場地行禮~小良老公都話影出黎既相效果好靚呀~!!

番到酒店之後~又未有客人黎~咁我就同小良老公周圍影相啦~但係我地2個掛住影人地~~果晚我地冇咩點影過相 =.=

岩岩有d肚餓既時候~Angel就有個切蛋糕既儀式~聽聞個蛋糕好好食~~而且仲好貴tim~我當然趁化妝師未同我補妝之前食啦~~真係超好味~!!

到終於開席喇~~我一早已經知道~仲話俾小良老公知有原隻大鮑魚食~~點知原來仲有好似公仔麵咁粗既魚翅~~!!

食到差唔多1半既時候~Gary上台現場表演中樂 " 陽琴 " ~可能比較小婚宴會出現呢個環節啦~短短10分鐘左右已經令到所有客人目瞪口呆~小良老公話佢都會練好d結他~到我地結婚果陣表演~~Canon in d~~哈~!!!!

文章URL 引用 [0]

October 04,2007

.....

文章URL 引用 [0]

September 22,2007

麥浚火龍

距離中秋仲有幾日~心情緊張ing

見到小良老公日日都好擔心~每樣大小事都打幾次電話提醒我去做~~反而.....我對我地個燈籠信心十足!! 其實今次由籌備到成事差唔多用左4個月時間~~但感覺好似生仔~~哈哈!

老公~~好想同你講.....唔好太介意人地點睇~~呢個世界唔會有1件事或者1個人可以得到全世界認同~~但凡事盡左自己能力就OK啦~何況今次所有朋友同屋企人都出盡力幫我地~~今次成個過程裡面每次出現問題我地都可以解決到~~我覺得倒不如用輕鬆心情~~順其自然啦~~

希望大坑夜龍既第1個紀念品~~麥浚火龍大賣~~!!

文章URL 引用 [0]

September 19,2007

朋友仔~優先有得睇^^

進入中秋節倒數~最近為左燈籠件事攪到我失眠.....一諗起有d咩仲未做就即刻寫低~其實我知當晚一定會好混亂~希望唔會有太多野出錯啦~~訓唔著又寫下hompy~之前同d朋友仔講話Milk訪問小良老公~~原來我記錯左~本雜誌今晚就出街喇.....

thanks for chung's & 迫爆 bit~估唔到你地竟然對舞火龍件tee咁有興趣~哈.....

文章URL 引用 [0]

September 17,2007

心情緊張ing

好耐冇寫過~~荒費左9個月既hompy~~

就快又到中秋節喇~即係又開始要番大坑開會同綵排有關舞火龍既事.....小良老公今年係龍珠組組長~加上今年我地參考長洲搶包山果陣做d紀念品反應唔錯~~所以我地都做左隻吹氣既 " 大坑夜龍燈籠 " 由於一路以黎都未有人做過同類既野賣~所以呢排有小小精神緊張~~每日都忙到甩look~~又要安排好多野.....

小良老公個家姐幫我地安排左太陽同蘋果日報宣傳~聽晚Milk雜誌又會同我地做個訪問~~令我越黎越緊張.....不過就算今次無論銷路好唔好~老公都話當做生意同埋遲d攪年宵攞個經驗~~

我反而覺得今次一路籌備成件事~當中每次出問題或者要搵人幫手~~更加俾我知道身邊家人同朋友對我同老公既支持~~好warm呀^^無論今次銷量係點~都真係屋企每個人都出力去做好呢件事~~o係我心目中.....其實都已經成功左1大半喇!!

加油呀~~小良~~我會支持你架!!