高手過招... 真係嘆為觀止...
以為一個高啫, 點知另一個仲高...
明明唔關自己事, 又要無端端被扯埋入局...
仲要 人哋出口... 我就出手嘅...
哈!! 好明顯, 我就低到"唔入流"啦...
真係唔明, 究竟關我咩事?!
 
神棍一早講過, 佢哋開始得... 就一定會麻煩到我...
我只係無諗過, 會"麻煩"得咁徹底!
明明係佢哋兩個人嘅事, 點解會扯埋我落水?? 究竟關我咩事??
 
為咗幫一個"唔抵幫"嘅朋友, 我有無須要做得咁"盡"呢?
對住D咁"高"嘅男人, 其實呢一招真係好絕...
我知, 喺呢件事裡面, 只有我可以做呢個角色. 只要我出手... 朋友嘅問題就會得到解决...
只係, 我自己原本已經解决咗嘅問題... 又會再一次浮番出嚟... 又會再一次沒完沒了咁拖落去...

朋友係唔抵幫, 吓吓衰心軟, 難聽D就叫"攞嚟賤"...
一次係咁, 兩次又係咁! 妳要同人玩, 妳玩得起咩?!
係呀, 我信妳一開始係諗住hea, 但係個男嘅講多兩句啫, 妳就明知比人玩... 都仲要死心塌地嘅...
就連"奉子成婚"呢一招, 妳都想試?!
妳唔細架喇, 仲咁低能嘅?! 我幫得妳幾多次?!

神棍喺妳哋未開始, 就已經提過妳...
妳當時唔信!
好喇, 而家中晒喇...
妳識驚, 有用咩? 妳識驚唔識醒呀... 姐仔...

唉, 真係唔想理妳, 唔想再幫妳...
但係, 我又點可以睇住妳下半生咁淒涼吖?!

要幫得妳, 我就一定會影響到自己...
點樣計, 我都一定係"輸嗰個"嚟嘅...
攪咩呢?!
根本就完全唔關我事嘅... 唉...

今朝10:00am. 同亞成電話面嘅一段對話...

A : 老婆, 好x忟呀...
B : 做咩呀?
A : 都癡x線嘅, 架嘢十九幾樣嘢唔得, 我開佢$xxxx連驗車, 佢喺度哦哦... (下删數百字)...
B : 得, 唔洗同佢講咁多, 叫佢拎番走架車, 唔好同佢整!
A : 真係唔整呀?
B : 唔整! 
A : 3個鐘, 幾叉嘢喎...
B : 叉你個頭! 又唔係爭嗰少少開飯, 做咩要嘥時間聽佢9噏啫?
A : 咁又係... 好, 唔整就唔整!

開正牌頭做生意, 食你就梗架喇...
唔收你錢, 幫你出埋料, 再搭多封利事比你添?! 好唔好?!
人哋架精神嘅嚟保養, 同你架死緊大半嘅嚟驗車, 個價梗係唔一樣喇...
乜x都唔知, 就話我哋食水深?! 你無x嘢呀?
攞你架廢鐵出去格吓價先喇... x你!!
賺你少少, 唔會肥到兩磅; 唔賺你嘅, 又唔會餓得死! 洗x受你氣呀?!

"親愛的", 其實我哋真係唔等錢買米架...
既然夠食夠用夠生活, 唔開心嘅錢搵嚟做乜啫?!
我寧願買少兩件衫, 買少兩個袋, 都唔想你受埋D咁無謂嘅氣呀...
唉, 正一蠢人!!

今日, 同朋友電話面嘅一段對話...

A : 我好x勞氣呀...
B : 咩事?
A : 妳朋友呀, 癡x線架, x妳...
B : 做咩呀?
A : 我比佢激到我噴火喇...
B : 咁即係做咩啫?
A : 琴晚, 佢同我講呀"有又係咁, 無又係咁, 見又係咁, 唔見又係咁"呀...
B : 吓?
A : 係呀, 妳話妳朋友乜x嘢意思呀? 都癡x線嘅...
B : 吓...
A : 之後我問佢咩意思喇, 佢又唔出聲喎, 之後........(下删數百字)
B : 哦... 佢發晦氣, 怪妳少陪佢啫...
A : 陪佢條命呀, x妳... 佢都癡x線嘅...

朋友打嚟, 用咗接近個半鐘頭嚟"咒罵"佢男友...
成個對話面, 我聽得最多嘅... 就係 "x妳" 呢兩個字...

朋友, 基本上呢...
妳所受嘅, 同妳所遭遇嘅... 我深表遺憾, 亦深表同情嘅...
之但係, 妳x錯人喇, 都唔關我事, 妳x我做乜啫? 無用架...
妳不停咁x我... 我好難受架...

早幾日, 朋友嘅一段廢話...

A : xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
     xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
     xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
     xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

朋友嘅說話, 我實在唔想轉載出嚟...
因為太無聊, 因為太難理解, 亦因為太令我反感!!
呢個朋友真係太煩, 佢男友對佢好到不得了...
但係佢呢? 每隔三兩日就同男友講分手...
之後就打嚟嗌... "唉, 我真係鐘意咗佢呀, 唔得喇, 我係唔可以鐘意人架, 我要同佢分手喇"...
再唔係, 就打嚟嗌... "佢係對我好好, 但係我覺得佢唔係鐘意我, 所以先同我一齊, 佢係悶想揾人陪啫. 我覺得佢同我一齊, 佢都唔開心嘅"...
次次聽完佢"無病呻吟"唔夠一日, 佢又若無其事咁上佢男友度, "老公前 老公後"咁...

小姐, 妳煩唔煩啫?
妳攪咁多嘢, 都係想妳男友再緊張妳, 再肉緊妳多D啫...
妳要同佢玩嘢... 妳咪閂埋房門同佢玩到夠囉...
妳唔洗吓吓走嚟話我知架, 妳同我講無用架喎...

唉, 我呢排真係病得好重...
妳有拖拍, 男友又千依百順... 妳就乖乖哋喇...
我就死架喇...

一段好玄嘅對話...

A : 你當年識亞X, 真係無諗過衰嘢?
B : 吓? 唔知喎...
A : 咩叫唔知呀?
B : 佢好似夾公仔咁... 夾走晒我兩個朋友...
A : 吓?
B : 所以, 咪攪到我同嗰兩個公仔無晒朋友做囉...

一早都預咗疑心重嘅亞A會問呢條問題...
只係, 我無諗過亞B會夠胆咁樣答...

呢兩日, 有好多對話好想記低...
不過唔喇, 再寫落嚟又有咩意思吖?!

重要嘅, 值得記低嘅只有一句...
"我只會比自己喊埋今日, 聽日開始我唔會再等你, 唔會再記住你!"
我講得出, 就一定做得到!

今日, 朋友一開門, 入到我屋企嘅一段對話...

A : 嘩, 間屋之前咪好好哋, 做乜而家搞成咁呀?
B : 唔好咩? 我覺得ok喎...
A : 咁叫ok呀? 妳做人都真係好x無要求喎...
B : 呢度你屋企定我屋企呀? 我屋企ok唔ok又關唔關你事呀?
A : okok, 呢度好得, 執得好, 掂呀...

朋友, 你洗唔洗吓吓去到咁盡呀?
無... 要... 求... ?!
我梗無啦, 唔係點會識到你吖...

一對20歲唔夠嘅小情人, 嘈交嘅一段對話...

A : 做乜要講分手呀?
B : 咁唔係點啫? 我就係咁架喇, 咁妳又係咁架喇, 大家都無得變嘅, 我真係忍夠妳喇, 分手囉...
A : 做乜要講分手呀? 可唔可以和平D咁傾呀?
B : 而家好唔和平咩?
A : 總之唔準講分手呀...

其實有咩好嘈吖, 佢兩個次次拆天咁嘈, 第二朝咪又係相安無事...
嘈完又係咁, 嘈嚟有乜意思?! 盞傷感情...
兩個人要一齊生活, 唔係要容忍, 比你忍... 你忍得幾多? 你忍得幾耐?
重要嘅, 係去接受, 接受對方嘅一切, 接受對方就係一個咁嘅人...

講番轉頭, 我都唔明...
點解亞成可以接受一個咁樣嘅我?!