上一個星期, 有客黎公司..... 呢班客都唔係第一次見, 但今次真係好乞人憎.....係佢地自己啲問題, 就好像我地既錯........做到呢個星期完全無哂mood, 連同個同事都話頂唔住既時候會遞信....

而且呢個星期又收工收得夜.....有時都會諗, 做得咁辛苦為咩呢....

唉.....生活.....唉....

係呢間公司開始做到有"悶"既心態.....呢個係一個signal....

之前間公司因為無嘢做到有悶既signal.....而家唔係無嘢做, 而係其他因素.....有關公司個system 啦, 個新阿姐啦, 個客啦...........

真係要諗一諗......做咗就黎兩年, 又啱啱升.......好矛盾.....理智叫我坐定定......心智叫我離開.......真係打哂交.......

唉~~ 唉~~ 唉~~ 唉~~

唔好以為我打錯subject, 因為真係俾人煩.......

呢兩個星期都唔知做咩, 日日都好忙咁, 而且又唔順意喎, 有日仲做到係公司喊.....

因為公司啲大姐又煩, 個客又煩, 啲廠又煩.....都唔知點解係埋同一個時間....我同個同事兩個人之前都無咩開OT, 但係呢兩個星期真係慘.......

放完呢四日假返去都唔知會點, 而且我都未轉post就好似而家咁, 轉咗post之後咪仲慘.....

呢一個星期都算有驚嚇, 驚喜集一身......

星期二既時候, 高層逐一召見我地team既組員, 因為過年之前, 我地個阿姐離開咗公司, 所以我地群龍無首.....高層就係呢個時候話俾我地知個arrangement....而我亦都係呢個arrangement裡面有所變動.....

就係........升調上個senior位, 而呢個位係之前都有問過我坐唔坐, 當時係refuse咗, 因為個位既duty同阿姐既問題...估唔到過咗差唔多一年都係要坐上去...仲要無得我say no...

唔係話唔想升, 但呢個位有啲做唔過, 而且話係升, 但其實都係一個人做哂兩個人既嘢.....

anyway, 公司俾得我升都係開心既, 做落睇下點先啦....

噚晚又再為一啲事唔開心, 大家不歡地收線......

到今日朝早起身, 唔想打俾佢, 而佢都無打電話俾我.....一直到下午, 我都叫自己忍住唔好打俾佢......

直到晚上我同啲朋友食飯都無收過一個電話....心情令到我個心好痛, 呼吸唔到咁.....好失望.....

最後都係自己打電話俾佢, 但又係無人接電話........應該死心了吧.......

我好想有人隨時係身邊, 唔係廿四小時, 至少俾我打電話會搵到人.....

唔想結婚, 唔想有小孩, 唔想....唔想....

以上都係另一半俾我既感覺...唉~ 有啲可悲-->指我呀...

我並無想過自己會唔結婚, 唔生仔...只係差在幾時....

但係佢俾我既感覺, 好似大家唔會有組織家庭既一日....有時提起, 都會遊花園唔知遊咗去邊, 一係就話我係家庭既重要支柱, 唔能夠有自己一頭家...大哥呀, 咁講法, 我唔駛嫁啦....我唔養阿爸阿媽咩.....

如果大家既另一半俾你/妳覺得, 佢唔會同自己有將來既, 你/妳會有咩想法? 心情會點呀?

有一個多月無寫過個hompy喇....呢個幾月有因為懶啦, 忙啦既原因, 所以無寫...總歸一句都係"藉口"....

而hompy 既朋友們一個一個咁少咗, 可能大家都唔得閒, 或者有其他新地方寫blog...

Anyway, 都希望大家都o係新既一年有新既開始, 開心咁生活.....

恭喜發財! 身體健康! 一本萬利!

我都一年無幾多次有人約, 我都推咗….原來自己“on 居”...