有冇掛住我呢~原來唔經唔覺我又成個星期都冇寫過日記啦~一間黎探下你地先~

我呢排忙些咩~我都唔知呀~但我就~輸左比病魔啦~依家個人成身軟晒~又冇力喎~又咳喎~睇黎今晚我要食兩粒"克痛"~先可以瞓啦~

近呢個星期都冇咩特別野啦~係我媽咪唔知係咪到左"更年期"呢~我前日返去屋企睇我對寶貝時~佢就不停係咁對住我"依依哦哦"~又話我比唔夠錢佢睇住對仔女呀~又話呢樣~又話那樣~我咪唔出聲囉~可以點呀~鬼叫自己對仔女係佢幫我湊咩~

係屋企對住老公~佢又係成日話我呢樣唔好~呢樣又唔做~攪到我個頭都痛埋~唉~依家仲黎多個亞媽~真係放假都冇得靜下呀~攪到我人都就黎傻呀~

呢兩日可能自己唔舒服啦~一聽到佢地把聲又好似想話我~我個頭又痛~其實佢地知唔知咁樣我好辛苦呀~覺得好大壓力呀~有時~我真係以為自己就快崩潰呀~

呢個星期加加埋埋我都冇見到老公10個鐘呀~好掛住佢呀~但佢去左返工搵錢~冇法啦~

好耐好耐都冇上黎寫過日記啦~好耐都冇見過大家啦~等我寫完篇日記之後~我就好好咁上黎探下大家啦~有冇掛住我先~哈哈~我一開我日記見到留言有成廿一個~嚇死我呀~我都未試過有咁多留言係同一篇野到既~

我成個月都冇寫日記~哈哈~呢個月我真係好鬼忙呀~連瞓覺既時間都好似唔係好夠咁~點解~我放縱左自己成個月呀~我係二月裡面~除左放左年初一至初三之外~我仲拿左五日既大假~平時些例假~同我生日時又連拿左兩日假~呢個月~哈哈~我都拿左唔小假~咪周圍玩下囉~

月中時~同老公有些"呦"叫~咪成日走左出去玩囉~唔想見到佢嘛~咁收工好鬼眼瞓~一返屋企就瞓左啦~第二日又出過去~不知幾爽呀~但依家我同佢好番冇事啦~我又要乖乖地做番個好老婆~

放縱完一個月之後~依家係時侯要收好我既心情~比心機做野啦~

我應承大家~以後我有幾忙都好~我每星期都會上黎一次寫日記同探下大家啦~

今日唔係話好多野做~不過不失咁啦~不過都預左呢幾日唔會係太多野做啦~

今日公司食團年~收左工之後~我地就去食飯啦~我地去左食"香辣屋"~但我都唔係食左好多野啦~講真呀~都係那句~唔係太識欣賞呢些泰國野~好似都係得個辣同唔辣~冇咩味咁~可能係整得唔係咁好食啦~我唸唔係有人請我都唔會有下次去啦~

今日已經唔係太多野做啦~可能些人一早都黎整好晒頭等過年啦~又可能加左價些人嫌貴左啦~

呢兩日天氣好凍呀~最好梗係打邊爐啦~今日我買左好多野返屋企同老公打邊爐呀~當然係海鮮為主啦~哈哈~等老公收工就有得食啦~但我一唸到~食飽飽之後~我又要洗野~我又覺得好辛苦啦~

唔講啦~老公返緊黎~我要整定些野啦~唔係佢返到黎都仲咪有得食呀~食飽飽上黎搵下你地啦~

天氣凍呀~咁多位記得著多件衫呀~

呢幾日都好忙呀~so冇上到黎寫日記同搵你地~sorry呀~

放假那日我返左上大陸收指甲同揼骨呀~依家成個人都舒服晒呀~

尋日收工就趕番媽咪到食飯呀~點解~因為尋晚係屋企團年囉~我屋企年年都會提早食團年~因為正日那日好難就到個個都冇野做~好似我咁呀~年廿九我就放半夜一點啦~唸起都箱得自己慘呀~

今日好多野做呀~但就好好彩~唔使留堂~一收工就買飯返屋企食呀~點解~係咪好似好慘咁呢~其實係老公由尋日朝早開工開到今日夜晚六點先收工~佢咁辛苦~我冇理由要佢出黎陪我食飯咁衰啦~係咪先~咪買飯返去同佢一齊食囉~

今日唔係好多野做呀~仲有些悶啦~可能加左價既關係啦~些人冇咁多~咪少左野做囉~

今日有個客比左場馬既貼士我地~哈~我返到屋企~見到老公係到睇緊馬~咪同佢講囉~佢聽完就跟住買~點知真係中晒呀~但係~~唉~我比左第五場佢~佢係電腦到on錯左~買左第4場~唉~佢冇買錯既話就中左三千幾啦~依家冇左啦~佢緊係唔開心啦~而我都有些失望呀~仲唸住聽日行街街~可以買多兩件衫啦~依家冇啦~

算啦~唯有聽日唔買咁多衫啦~但唔知老公會為左這件事~唔開心幾耐呢~

好累呀~今日好多野做呀~返工到收工都未停過手~最慘係連坐都冇坐過呀~飯都冇得食~今日成日都係叫亞藍幫我出去買麵包頂住個肚啦~成日食左三個麵包~同飲水~好鬼耐都未試過咁鬼清淡~

一收工就即刻左去食飯~哈哈~一見到些飯我就好似變左成個餓鬼咁~講樣野比大家知呀~我每一日都一定要食一餐飯呀~唔係我那日就會同身唔舒服~成個人都冇力咁~我仲好鬼大食呀~但唔知點解~我食極都唔識肥啦~

聽日仲有排做呀~唔講啦~上黎探下大家~我又要瞓覺啦~

尋日放假就緊係出左去睇我對寶貝啦~去邊~咪又係去左老地方囉~冒險樂園呀~仔仔兆華仲自己睇中左對波鞋呀~但就冇佢個碼~佢係人地鋪頭到發脾氣呀~氹左鬼死咁耐先肯走~攪到我鬼死咁瘀呀~

尋日仲同老公嘈啦~為左小小事鬼死咁大聲同我講野喎~我咪話佢依家同我講親野~呢態度就係咁啦~唔會氹下我又唔會溫柔些同我講野~哈哈~可能佢知佢對我咁鬼惡~主動同我say sorry~返到屋企~仲見到佢寫左張紙比我~同我講sorry~應承我以後都唔會啦~不過~我都係聽住先啦~唉~連"應承"兩個字都寫錯~寫左"應誠"~都唔知好嬲定好笑呀~

今日都好多野做呀~我仲要留堂啦~成9:30先走呀~累死我啦~上黎探完你地我要瞓啦~