08年

對我黎講轉變的確好大

我由學生哥變做打工仔

學識既野的確好多

感情上

雖然對象依然係同一個人~好似無咩轉變

但對於我同老鼠，我地兩個人之間其實轉變好大

由熱戀到成日鬧交到慢慢穩定

原來去信一個人.....對我黎講係一件好難好慢長既事

我要信你愛我，我要用好多好多事同時間去證明

我今年生日雖然真係好唔開心

但係，你所做既一切，已經比左一個好好既答案我呀!!

老鼠，我相信你了!!!

老鼠，我今年最難忘係同你分手呀

我第一次喊到收唔到聲

第一次大家拎住電話聽住對方既喊聲，咩說話都講唔出

last day

同大家姐傾左好多野

大家姐同老鼠真係好夾

哈哈.....將來由大家姐接收老鼠都應該唔錯吧!!

離開呢度....

我唔捨得既只有大家姐同二家姐

其他人真係無咩

但我相信將來同佢地都會成日傾計食飯的

31/12

好簡單同老鼠坐係度等睇煙花

哈哈....春色無邊

我坐係度陪老鼠睇係驚佢心理不平衡炸

「你放心啦，鬧完交，你落吧我唔阻你bo。」

「車，依家無錢，落唔落都無所謂啦。」

「即係有錢就要去玩，就要去滾啦？有錢就身痕。」

「有錢身痕，唔代表尻痕既。」

我不斷係度傻笑.............

再諗起之前同大家姐講既說話。

我對你真係好放心。

28/12

做左件大獲野

29/12

嘩..........睇班上司開會

個樣幾緊張呀

心都涼晒

我自己都好緊張呀

做左無間道

比人發現

實死無全屍啦

30/12

點解.....點解做錯果個就升職既??

返工個樣殘到...........唉   今晚再一次重覆琴晚....... 本來想好地地傾下 點知最後都變左鬧交....... 點解會變成咁嫁??????? 最型係我燥到鬧戲院既人 隔離d人都啞晒 諗返覺得好好笑 dead air係我地兩個之間 最後我正係識坐係度喊 「你想我點呀?」 「我正係想你唔好發脾氣呀」   「你估我想次次見到你喊住又或者黑面咁返屋企呀？  我都想你次次都開開心心返屋企呀」   老鼠半跪落黎同我講 :「我應承你，以後有咩事都同你講先。你都應承我，有咩都講我知」 呢一刻我真係好感動， 呢一刻我知你真係愛我， 呢一刻我知我唔想再離開你。   老鼠，你可唔可以原諒我，我口邊成日講「分手、分手」 有一刻我真係想你接受我既分手呀 因為我知我如果真係去美國 我地既距離會愈來愈遠呀 我唔想因為我地既身份令到我地去到無得再交往既地步呀   老鼠，你知道我愛你嗎??

少左個美好回憶，但多左你一個承諾已經足夠啦！！！

返工..........

個世界真係唔公平....

我唔係你既人

唔洗插成咁呀??

大家姐比人插...

心情不佳...好嬲呀

好彩我地三個團團結結，三姐妹

24/12

好期待既一晚....

點知變做..............唉

喊左成晚

黑面黑左成晚

講咩都唔想聽

鬧交鬧交

22/12 今年生日揀左22號同成班朋友慶祝 我估唔到好早走 我估唔到好清醒走 我估唔到收到好多鴨仔 我估唔到我玩得咁乖 我估唔到我今晚咁開心............. 只因有你~~~~~>鴨仔

原來我真係好忙好忙好忙

忙到我這麼久沒有看一看自己的日記也不知道

一如所料

見同事多過見家人

其實.............

我真係好鍾意依家既生活

我返工開心

做野ok啦

唔出大既錯對我黎講已經好好

因為見到同事犯左好大既錯

原來真係可以好大獲

日日返工

幾個圍埋一齊就大癲大肺嫁啦

嘈到大粒野都要問我地係咪鬧緊交

我好唔捨得FBC呀

好唔捨得大家姐、二家姐呀><

同埋我依家既經濟狀況支持到我做我想做既野呀

我揀既路係咪真係岩呀??