以下為葉劉淑儀03年發表的《保安局局長聲明》

有關落實《基本法第23條》以保障國家安全的立法工作，未能如期完成，我雖然感到十分遺憾，但作為一個中國人及身為保安局局長，實有責任推動這項神聖的工作。我適逢其會，在任內能參與這項艱巨的歷史任務，我深感光榮。在制訂有關條例草案時，我們已力求在維護國家安全及保障人權自由兩方面，取得適當的平衡。我深信草案在政府提出的各項修正後，既能維護國家安全，亦毫不影響香港人的人權和自由。我堅信我們過去10個月的努力，已為日後通過有關條例奠定良好基礎。我相信我的繼任人，定能早日完成立法工作。

在2007年9月27日，葉太宣佈參加立法會港島區補選，與另一候選人陳方安生競逐馬力議員身故後遺下的議席。在參選記者會上，她承認當年推銷23條時的手法不恰當，並正式向市民道歉^[26]。而支持葉太的人士，除了傳統左派外，還包括前布政司鐘逸傑爵士、行政會議成員陳智思、藝人許冠文、香港海洋公園主席盛智文和史泰祖醫生等等。

(以上係轉載wiki百科的內容)

你地真係相信呢個人會全心全意為民主為民生為香港作出貢獻？

唔好以為換左個髮型就冇人記得你，事實上個個也記得它發生過

港島區選民，唔好因為葉劉既一面言詞而輕易相信佢。

亦唔好以為陳太贏硬就懶理唔去投票，當所有人都以為贏硬時，就會變成輸硬！特別係葉劉有一大班投票機器做鐵票！（中資公司員工、親共伯父等等）

呢一場係硬仗，雖然只不過係場補選，但其意義大於實際。

為民主唔一定要上街遊行，但起碼唔好去支持一個同民主對抗既偽民主政治人物。

請投陳太一票，謝謝。

真罪過，竟然差點忘了大小姐EMM的生日，時間還沒過還來得及！

祝EMM生日快樂，一年比一年漂亮，盡快找到個歸宿，財色兼收！

好友老亨一索得男，可喜可賀！！！

在此祝福老亨一家三口生活幸福快樂！！！

YEAH~

原來已經第三次係hompy上祝自己財色兼收......

今年生日，一份禮份都冇（其實年年都冇......），但係過得好開心，有所愛的人陪已經好足夠，足夠讓我開心整個晚上睡不著。

ugly man needs love too，老外此話真不假。

今年生日願望除了自己財色兼收外再加多一項普渡眾生的：願天下ugly man都找到true love，amen！

杭州之旅終於要完結，明天星期二就是這份工作的last day。

這大半年，有得也有失，工作上私人上，心態都轉變了很多。

下一站上海，又是另一個全新的旅人冒險故事，貓和板板能結下緣份，還看今朝。

上次寫完蘋果大戰露毛打屎忽事件後，回憶起好多六年班時的瘋狂事，又想起當時好流行的一個遊戲：死亡包剪揼。

咩叫死亡包剪揼？就係一堆人猜包剪揼，輸左果個要做出一件指定既事，唔駛我講大家都知唔慌係好野，而且都係有一定危險性，例如一巴星落同班一個窮兇極惡既大山婆、一個人去內衣店買胸圍、除正經到成個朱江叔咁既班長條褲、小息時間衝入女廁（仲要成功屙一篤尿）......等等既瘋狂行為。呢個係我地一眾頑童當時最好玩最刺激既課外活動。

當時呢個敢死隊有少少似恐怖組織，規舉係一但參予就不得割禾青離隊，一定要一直玩落去，唔係就見鑊打鑊兼會受到除褲突襲，唔少貪得意join左我地既人都後悔不已。

我係敢死隊既搞手之一兼師爺，負責度橋諗計。好彩運氣都唔錯，一D好critical既「大獎」我都冇中過，最嚴重都只係揭下校花條裙（事後俾人摑左幾巴）、空手撈屎坑入面既屎、摑大山婆（事後被打到仆街.....）等等，買胸圍底褲當場著上身、上堂時扮神打標僮、嘴全校最醜既扒女一啖等S級難度既事，慶幸我從未中過。依家諗起都一額汗......

其中一次印象好深，有一日有人屙屎唔沖廁，呢一篤屎就成為敢死隊既工具啦......我地將玩法twist一twist，有系統地進化成一個積分制，rules大概如下：

一、猜輸者要彎身近距離聞呢篤屎，每次15秒，可累積

二、如果嬴perfect（即一個人贏晒所有人），可以指定隊中任何一人，將你自己既15秒送俾佢

三、如果輸perfect（即一個人輸晒俾所有人），罰雙倍，30秒

四、被發現聞屎既時候閉氣者，罰四倍時間（會有專人將手放響你背上，睇下你有冇呼吸）

呢個game好玩之處，係你嬴perfect可以送分俾人，平時牙撚擦擦既人，會為成眾矢之的，試過有條友被加到5分鐘，聞屎聞到流鼻血......

如此瘋狂既組織，雖然多次被老師們取締，多次被罰抄罰企，但絕對阻止唔到我地既行動。

六年班，絕對係我人生值得懷念既一年。呢一年既事，我入到棺材都仲會識得笑。

頭先重睇《紅樓夢》睇到秦鐘寶玉讀書一幕，忽然諗起自己小學時都曾發生過類似事件，見好耐冇寫念舊事，正好落筆。

話說我小學六年班時，學校剛好轉全日制，部份問題兒童（當然包括我在內......）被強制於學校內食午飯。

一日，如常地在一個由班房改建的飯堂內，食由學校提供的監獄式飯盒。一如以往，水果都係低劣貨，呢一日既蘋果直情係爛既，冇人肯食。

冇人食既蘋果，仲有用途既，就係用黎玩.....

唔知邊個咁唔生性（好似係我.....），用黎擲人。點知擲錯落一個好高大既同學仔度，仲要中頭獎。

呢位同學仔立即以Rambo式you made the first blood既態度，手拿四、五個蘋果，以散彈式射擊我地果一台人馬。

散彈式攻擊總會禍及無辜，另一個唔好老脾既同學仔即時出口術「屌你老母」還擊。

古語有云：屌還屌，唔好屌老母。

一屌老母，果然出真火，今次唔止蘋果，仲有食剩既飯盒。飯盒無論攻擊力、射程、Area effect都比蘋果厲害。

戰況一發不可收拾，大部份平民女仔都爭相走避，只有一眾頑童留守戰場。場中筷子、飯盒、蘋果全部成為武器。不過眾人都好有戰爭道德，冇人出拳腳，正所謂飯盒來飯盒去。

大戰一直維持五分鐘左右，當時我都身中四、五個飯盒，但同時我都唔會示弱，用化學武器檸檬茶亂噴對方。

如此亂局，直到老師到場鎮壓先停止，場內所有人等即時被拘捕，並馬上到校長室處以殘殛刑：除褲打屎忽！

除褲打屎忽時，其中一個新移民同學仔年紀比較大（有十四、五歲），一除褲係有鳩毛既，當然我係校長室竟然笑左出黎，即時被訓導主任一巴星落去，打到嘴都腫埋，呢種痛我依家都仲記得！

戰爭往往都係咁樣發生，如果冇人手痕made the first blood，咁就世界和平了。

今日黑色星期五，係一個值得寫下hompy既日子。

拖到今日，我終於交左辭職信。

對公司的感情還是有的，畢竟個project我都有份起。

但人生係咪只係打份工就咁過一世呢？想起一世做蟻民，我情願搏一舖。

五月十五日正式搬入上海，五月十九日正式開檔。

成敗與否是未知之數，但呢次我肯搏，搏埋條老命去。

請各位祝我創業成功，我自己都祝我財色兼收。