新的開始已有一段時間，仍然是適應中，唔係好習慣。其實我只不過是幼稚園學生，有好多嘢要學習，原以為起碼有中學生程度，但係......................，unexpected。

問題全是我的：

- 無心之失

- 脾氣壞

- 自以為視

太多太多....................

幸運地，多謝無限包容！

正在努力當中！

2006 is history.

2006年發生咗好多事，有好嘅、開心嘅、傷心嘅、憤怒嘅、失落嘅，不過全部都係值得紀念同回憶。

2007年已經不經不覺來臨，I'm ready for new start.

Wish you all have great 2007!

事情總是重複發生，唔知幾時才會真正完結，只求一個答案。

上年差不多呢個時候開始減肥療程，經過兩個月時間，減咗15磅，自覺非常成功同開心。

一年時間過去了，飲食已經回復正常好耐，好彩冇反彈，仍然維持到，真係多謝上天賜我飲食。

各位減緊肥嘅朋友，要繼續努力，一定會成功！

昨日9月4日，我哋幾家一行十人去迪士尼。一早起身已經落大雨，都冇哂mood。大概11點半去到，第一時間去咗攞米奇幻想曲fastpass, fastpass時間係12:55pm to 1:55pm，然後去小熊維尼歷險之旅 Winnie the pooh 排隊。見到要排90分鐘都ok啦，但係fastpass已經攞到6:55pm to 7:55pm，不過實在太混亂，都唔知龍尾係邊。排咗一陣，顯示如果而家開始排就要180分鐘。心想好彩排得快。排緊隊時，撞到個同事，佢哋話俾我知已經玩咗Space Mountain、巴斯光年星際歷險、睇咗1點鐘巡遊，仲用緊fastpass入去Winnie the pooh。好羨慕呀！ 我一樣都未玩過。  果然，排咗1個鐘頭45分鐘先入到去，但係只玩咗5分鐘。香港嘅Winnie the pooh 係用軌嘅，但係日本嗰個係類似用磁浮，所以係冇軌，正好多。玩完已經1:45pm剛好去睇米奇幻想曲，都幾好。玩完即刻去獅子王慶典攞fastpast，攞4:30pm showtime。然後去咗食lunch，揾位同揾食一樣咁艱難。食完啱時間去睇3點半巡遊，去到美國小鎮大街已經全部都係人，好位當然就冇哂。但係突然間廣播，因天雨關係取消，但係當時只係灑咗幾滴雨。大多數人就鼓噪，啲人開始走，突然間又話有，不過係冇廣播話Resume番。真差！

獅子王慶典都ok，不過中途機件有問題，個show停咗，啲工作人員出哂台整，整咗一陣，個show繼續。睇完show，想去巴斯光年星際歷險攞fastpass，但係去到後，所有fasspast已經派完。 排隊的話要180分鐘。算啦，再去Space Mountain攞fastpass，情況一樣，所有fasspast已經派完，排隊的話要180分鐘。   當然就唔會去排隊，成3個鐘頭。後來咪去咗森林河流之旅，排咗45分鐘都ok啦，過程俾預期中好玩。

排緊隊嘅時候，見到古巨基同佢班朋友嚟玩，心想今日咁多人，古巨基又會揀今日。 

突然間聽到廣播，如下「因天雨關係，今晚煙花滙演繼續。」玩咩！

喺時候食晚飯，咁去咗Plaza Inn，美心集團中菜，當然又要排隊，好彩只係排咗45分鐘。咁橋，古巨基同啲朋友都係到食飯，fans揾佢簽名，佢好nice都肯簽。

食完飯差不多9點，睇放煙花。好彩冇落雨，大概放咗5-10分鐘。非常靚！ 值得留低睇。好多人睇完煙花就走，所以個出口全部都係人搞擠住。

售賣紀念品嘅鋪頭，全部都係人，好感受到香港人消費力好强。個個人離開嘅時候，每人最少都拎住一袋。我都有買咗幾個pins。但係貨架上面，好多嘢都買哂，啲職員又唔得閒補貨。

總括，迪士尼又混亂又細，感覺好似走難咁。

8個星期減肥療程終於都完哂啦！

最後成績結果減了14磅，而家116磅；全身包括手臂、大腿、小腿、腰同hip減了26.5吋。我相信都算幾成功啦！  除咗好多人都覺得我瘦咗之外，我有好多以前唔啱著嘅衫，而家都啱著啦。 

我會努力咁keep住。

希望你哋邊個想瘦身，都會同我一樣成功！

第六個星期了，再減多1-2磅。有啲擔心點解進度慢咗？   咁我就去問我個consultant - Fion，佢話最初10磅係比較容易減，之後會減得慢啲，仲有機會到平台期，即係去到某個磅數就停咗，做好多嘢都唔落磅數。 另外一個原因係週期性煩惱，都會影響。仲有2次做機療程，就完成哂。

呢個療程係要$11,XXX。我覺得OK啦，有分期付款。