離開這個傷心地...希望搵到我要搵的野吧..呵呵

願有緣再會喇..bye

好耐無上黎lu...開始諗緊係咪每一次都係自己一手做成

我重無介意過你係一個咩人.亦無介意你做咩..係你自己攞人同你比..每一次同你傾親計..我都要喊住咁收線先得..今次咁你你鬧完後..我真係死心不息..我唔明我做錯咩..我既過去同你又有咩關係呢??最大問題係好似我識佢在先..佢係唔好我都知..但你都唔洗用d咁既態度同說話..你話我無理你感受..咁你又有理我咩??對唔住我唔知我既過去會令你咁無面囉..你可以同人講唔識我..無人叫你認..俾你鬧個下我都唔知自己做錯咩..你問我驚唔驚你發脾氣..我可以答你..我驚..我已經怕左你..你要鬧起一個人上黎..真係咩都講得出..我唔知你諗我係咩人..但好老實除左b之外..我都無呃過你..我知你係好唔鍾意..但有無諗過點解我會咁??我咁耐以來都無咁樣俾人鬧過..你真係第一個..你呢d不可一世既態度..我都無話再講..你鍾意吧

你講過兩個人一齊要坦白..但我覺得尊重仲更加重要..你d無理取鬧..真的夠了...此情不在..不想再見..

 或再不配合　共你一對
 都想當老友伴隨
 始終兩腳難後退　太不識趣
 單向地愛下去
 別這種態度　極之乾脆
 約見面藉口諸多　說要推
 如果不想再面對　慘遭負累
 無謂再做朋友　便告吹

我會消失　讓自己一個抑鬱
 道謝你絕情　絕得送上這種惡疾
 來日裡　你與我各自賣醉
 再也不知你於週末怎麼生趣
 盡快消失　為自己一個呼吸
 若令你動情或者我永遠不及
 即管退隱　誰人令我這麼固執

 或有種隔膜　沒法攻破
 都可否念於當初　吻過麼
 如果騷擾你是我　不勝負荷
 寧願斷絕來往　就這麼

 偷生過每日　日夜都因你抑鬱
 念盡你絕情地放棄愛我
 是千夫所指的過失
 純情願憎多一個人　不接受憐憫

呢個星期發生了太多事喇..有喜有悲..想問下個天係玩我定幫我呢???

19號晚出左去mk宵夜..飲到大大地忍唔住sms過去..其實~他~諗咩我都好清楚..係我意料之中.哈哈..因為我都有個念頭..算吧..5點幾返到西環..個衰人打黎..想點呢??次次飲完酒都係咁??a小姐今day放假..我差d又唔知醒..好快落左樓..收到個sms..俾我估中左..嘰嘰..大家都係需要一個幫到自己既人..我諗同~他~都係做朋友個種感覺好d..今次無唔開心啊..叻叻

20號放工返左自己home..等左亞寶同肥多多勁耐..點幾佢地終於浦頭..一黎又係咁飲..都唔知咩事..大家成晚係到心中情..肥多多講左亞龍件事俾我聽..我呆曬..真係估唔到..點解咁大個人都仲咁衝動..今次呢個後果真係大到不得了..我仲問埋點解當年會分手既原因..我都知佢對住我好似要湊女一樣..可能真係唔夾喇..我又係到玩野..話我又失戀..點知佢地笑到傻左..竟然唔信我..激氣..亞寶佢地4點幾走先..又貓了..同得哥哥同肥叔佢地又飲..佢地問我咩事今晚唔醉..ccc又係你地話既唔b咪唔大囉..坐下又諗起亞龍單野..哭了..連JoJo媽媽都呆了..得哥哥見到無啦啦攬過黎..嚇死我..佢又飲大..真係俾呢個哥哥嚇死..而其他人好在睇唔到..唔係都唔知點算..肥叔佢地又飲大嘈交..我再哭..因為我真係好怕見到d一雙一對鬧交..都唔知有咩好拗..煩死.加上又俾佢地鬧我唔好再掂個d野..okok..我講左戎緊..俾d時間我好嗎??.5點幾返home lu..好在醒曬..嘰嘰

21號..訓死既一day..細佬買埋飯俾我..yeah..真少有..11點幾返西環..佢地出去..a小姐又訓..同小旺哥哥傾左陣..哈哈..呢個哥哥雖然唔係見過好多次..但對我又真係幾好..sorry等我之前仲誤會佢係d衰人..真係幫我分析左好多野..仲話遲d一齊去旅行..2點又做豬lu

22號一早7點幾電話響..唉..又飲大..我都叫左清醒先好同我講野..點解次次都要提番d唔開心野喎..我都講有做我會認..咁我的確呢兩個星期係無..講又唔信..又要迫我..我知你真係好唔鍾意..我都講戎緊啦..仲想點..要我飲茶認錯嗎??又話自己唔惡..其實我真係驚驚地你囉..又話唔理佢唔識佢..咁你想我有咩反應啊??講下又要收線..隔一陣又電話響..嘈醒左a小姐..sorry..出左廳傾..講到9點訓唔返..起身整野返工..今day有個新同事返工..哈哈都ok既..咁佢年齡係大左d..但都唔係咁似..一早教佢做野..好笑..下晝兩個食完野..大家都肚仔痛..一定係d野飲問題..好唔舒服啊..早d返home lu..d人講左d野又唔算數..請問你究竟想點呢???

又一星期lu..哈哈

呢個星期好難過啊..係公司日日提心吊膽..又驚到胃痛..食咩都無胃口..點解咁黑仔架..

10號~放工返左上樓..飛的出左尖咀..上左5櫻..見到多人..驚驚地..好在好快就玩個痛快..a小姐上左黎..坐左陣..一黎到同佢講~靚仔呀~..haha..笑死我..仲有d姐姐仔好搞野..今次見呢班人同上次個班差都遠好多..當然係好玩d啦..無啦苛俾個哥哥捉住飲左兩杯..哼..我實記住架..哈哈...唉..有人又飲大講埋d野..都唔知真定假..希望今次你唔係呃我啦..3點幾走lu..又淨番a小姐一個返去先..sorry搭的士中..又提我6月去旅行同a小姐生日既事..我都無野好講..你飲多左算吧..不過你唔講我都唔知你係咁諗..你又不停講sorry..過左去咁耐希望唔好再提..而家重新開始過吧..望就望你唔係呃我啦..cc但係你講過咩..我記得曬架..唔好諗我唔記得..諗到樣野..酒後係咪真係吐真言呢??懷疑中

11號~8點起左身..d人叫極都唔起身..嬲啊..8點9出左門..因為我唔可以遲到架..佢地舍我去左玩仲遲到啊..就真係死得..好在返到去仲早左..叻叻..thx.要你陪我等左咁耐的士..今day都唔係好眼訓..不過好想快d放工返去訓..因為我d眼訓症開始發作..11點唔夠做左豬lu..

12號~過左兩日..個心好似唔知點咁..其實而家咁我知我應該係開心既..但有d問題我又唔知點講..講又講唔出..煩惱我都望今次係好既開始..我唔想再為呢d事唔開心..如果再係咁..我真係寧願一個人生活好過..放工等埋a小姐過黎..見到對面酒樓火燭..嚇親..仲聽到有人話..洗唔洗報警..十個問號..仲洗問既..不出3分鐘消防車到..係快啊..我地兩個仲唔識死..仲閃去買野..haha..返上樓打俾晶晶..個傻婆都唔知搞咩..又要我擔心.cindy打返黎..唉..又俾人抦..都好鬧左好過唔出聲鬧.可能我已經俾人抦到傻左.cc.傾左陣電話..zzzlu..點解好似無咩野講既

又3日..就黎變左週記多過日記..哈哈

5號~呢幾日都係咁..a小姐就放假返左屋企..搞到auntie kitty日日打黎講經..夠了..無啦啦又話埋我..仲叫我meet左去..講到我好似咩咁..痴線架..星期一返左貨..函曬多..做到放工..返屋企森仔又sms黎..又呃日吹..cindy佢地返左黎一陣出左去..一個人係到...痴呆..其實又真係幾驚驚地..好快去左訓..12點sms俾陳生~又一年祝佢生日快樂喇~..跟住森仔又打黎..哼..呢個人又真係幾無聊..識佢咁耐都仲係咁..講講下又講衰野..作死..又話我成日扮咩都唔知..haha..因為我無野叻..扮傻最叻..我都係同一個答案架啦..點講都無用..聽埋997zzz

陳生~Happy Birthday~咁耐我都真係唔知你諗咩..係無膽都真係玩呢??我都係估唔到..呢排你成日講又做唔到..咩叫又愛又恨..我終於明白喇..希望你以後真係會改啦..唔好再令人擔心你可能大家真係無緣..

6號~好早起左身..未夠鐘就返到公司..auntie kitty一早打黎問a小姐d野..唉..算吧..知佢係邊咪放心啦..仲要問到咁詳細..我都答你唔到架...今日係咁熨衫..勁攰...好快放工..突然好想睇~伊莎貝拉~..但係去到無既..搵左兩間都係無..返屋企..又痴呆..haha....

3月喇..2月咁就過左lu..勁快..

2號開心..去左睇~溫拿33轉~演唱會..俾我想像中好睇喇...加上no pay架..嬅姐識人叫左我同cindy媽媽兩個一齊去睇..仲要坐15行咋..wahaha...去到我地先知原來今晚係last一場..睇隨11點45..咩都抵番曬..睇完過左5樓宵夜..又飲到大大地..無啦啦打左俾陳生..不過佢無聽到..3點幾返西環zzz lu..

3號勁唔願意咁起身..勁暈啊..好在今day都有d人..一早收到史生同陳生sms..haha..原來我打俾陳生仲不特止..仲有sms俾史生..陳生send番黎話今晚打俾我好無??我實話好架..佢係打先算啦..次次都係個講字...暈左一陣史生打黎問我琴晚咩事..haha..我都唔識答..我話send錯左..下晝無咩人打俾亞儀..吹左陣..差唔多8點肥多多打黎叫我返去今晚BBQ..下..唔好玩啦..我而家想訓多d喎..買埋野返上樓..史生打黎叫出尖咀飲野..哼..唔好聽日先打黎..收到森仔sms..話好耐無見我同吹水..send左一陣..打俾佢..第一句答我..岡岡學識sms..試下同我玩..我頂..玩我咩..又呃我..吹左陣話幾時出去玩??哼..我都唔知..下次返去先啦..無啦啦講講下..叫我幫佢派利是..妖..又講呢d..成日玩我..叫我下星期返去..睇下點先..隔左陣..史生飲大左打黎..話去左佢生日間bar飲野..問我咩事唔拍拖??又話諗起架蛋糕車車..估都估到佢想講咩啦..叫左佢飲大就抖下..唔好講廢話..好累係時候zzz lu

好懶..又一個星期lu...

前幾日公司無啦啦水沉..樓上d喉老化搞到我地地下既中曬招..地毯濕曬..真係多得佢唔少..個個仲話~水為財~..haha...

27號~一早auntie kitty打黎話叫左白車俾a小姐入院..oh 今朝都仲好地地..下晝打俾佢..又一個驚喜..點算???夜晚cindy媽媽佢地煮飯..食凍蟹..正野..點幾晶晶打黎出左去唱k..今次過左天樂里過邊..個到d人好爆囉..成晚入黎係咁猜..個個見到晶晶我地兩丁友好出奇咁..又話未見過我..好笑..個餉走入黎係到食煙..haha..我仲話~有煙k空間~..玩到6點閃..上左晶晶到訓..

28號~好早d電話勁響..作死..本來12點幾要起身..同晶晶去睇醫生..點知兩個個頭痛到爆..訓到點幾先起身..大獲遲曬到..過到灣仔..上去仲俾個姐姐仔串..而家無$$$俾架咩..又要約下星期..唉..再要等都唔係辦法..走時晶晶話上大陸算..我緊係唔想啦..咁危險..呢個真係最無時間同辦法先好諗..跟住食埋野返西環..再訓過..咁又一個月喇..呢個2月真快過..嘰嘰