|
||||||||
 |
|
|||||||
January 02,2007
迷惘...無奈
迷惘...無奈
今日我打電話俾"真叻", 佢話好忙, 所以我諗住再晏啲打俾佢, 唔知點解佢send咗個sms俾我話-我識咗你咁耐, 點解咁害我.....唔好再call我啦等字句, 我一睇好無奈...於是我send個sms俾佢問係咪攪錯咗, 佢又無覆我, 我再打俾佢又無人聽, 真係好無奈, 於是我唯有打俾"沙拉"問啦, 佢話今日都搵唔到佢, 究竟佢攪乜事呢, 真係有啲擔心.
December 20,2006
放假心情
放假心情
今日對我嚟講仲算完成咗一半工作, 一來聖誕嘉年華, 二來就係考完試啦, 個人輕鬆晒, 再過多二日我個聖誕假期就嚟迎接我啦! 而家最難個關就係個一半工作啦, 亦即係聽日同後日開會啲嘢, 真係唔係好想見到佢呀!! 唉~~~!!!
December 13,2006
頭痛日記
頭痛日記
所謂頭痛, 真係生理上既頭痛, 唔知點解由星期一晚開始, 我個頭係咁痛, 仲要刺痛咁痛, 同埋集中某一點咁痛, 真係好攞命, 初頭以為自己唔夠訓啦, 於是食咗止痛藥, 仲搵埋鄧醫師推拿添, 點知都係無用, 終於頂唔順去睇醫生, 醫生話我啲菌入咗去所以會痛喎, 而家食咗藥訓下真係好咗好多呀!!!
November 30,2006
秋季大旅行
秋季大旅行
今日係一年一度秋季大旅行, 而今年目的地就係蕉坑西貢自然教育中心, 話說都好耐冇去啦, 上個次都係2年前, 以前同埋而家啲同事唔同晒啦, 不過我地仍然玩得好開心, 不停咁玩影相活動, 可見得我地影相既技術又跨大一步啦, hahaha!!!
November 10,2006
滅龍團
滅龍團
今日放咗學之後見到基地仲有人, 於是我過咗去望下, 原來"得力"同埋"謝夫"係到滅龍, 原本我都想加入呢個戰團, 但係諗下聽日要全日做野所以就放棄咗, 點之番屋企途中見到"A sir", "A sir"都係岩岩放完工, 仲話不如四個人玩啦, 好少咁樣四個人咁齊, 於是我就同佢地打咗一戰, 四個人打一隻龍, 個場面真係好壯觀!!!!
October 30,2006
重陽登高
重陽登高
重陽...梗係去登高啦, 今日一如以往, 去柴灣登高, 但係得一個人, 都慣架啦, 晨早就搭車過去, 以極速時間番嚟, 一去就成個上晝啦, 一番到屋企, 周先生係咁call我, 我連下晝飯都無食, 一番就成4-5個鐘啦, 話真係訓咗咁耐, 一醒咗就好肚餓, 於是搵野食, 到咗夜晚仲要趕功課, 呢份功課頭痛囉, 不過以我個小宇宙終於作咗成70%啦, haha!!!
October 16,2006
閒雜人不得進入!!!
閒雜人不得進入!!!
呢個學期最辛苦都唔係份工, 而係要睇住個上頭, 呢個阿head真係令到人有頭爆既感覺, 佢口口聲聲話係幫我地, 其實做埋講埋啲不切實際既嘢!! 今日無端端入咗嚟課室到, 真係想講俾佢聽內有惡犬, 閒雜人不得進入!!!
