哎, 正所謂唔病唔知身體健康幾咁有寶... 好在都係小小事啫... 還未是時候息勞歸主... (媽子睇到實話 "大吉利是".. 嘻嘻!)

番來啦.. 番來啦..

上星期, 心理上要 update blog, 生理上... 唉!  打敗仗, 重係敗得非常徹底, 手無捉"毛" 之力也..  慘哉.. 慘哉...

病魔已走.. 但懶虫未散.. 朋友們.. 見諒見諒.. 很快 "返來" (台山音呀 fan loi)

或者, 送我燕窩雞精魚翅大閘蟹補一補, 應該快 D 好.... haha..

I'll be back...... very soon...... heeee... hee.....

近來其中一個熱烘烘話題... 特首表哥 - 公民教育委員會主席香灼璣是也!

1st link - 學生弟弟之"一家人呀嘛" 的政府廣告! 

確實, 係浪費公帑!

難怪近幾年所遇之"有禮人士", 有增無減!

例一:  My name is glass door keeper?

遇過無數次了.. 當我走近玻璃門, 迎面而來的, 男男女女, 年齡不限,要不手無搏鬥之力 (可能是傷殘人士), 會企定, 兩手不動, 當我拉門之際, 然後.....

......好意思大模斯樣走入 / 走出!  別奢侈有一句"多哂!"

嘩, 你讀屎片大o架?  本人額頭並無"門僮"二字呀?

最經典一次, 我要有第三隻手才可以拉玻璃門... 此時, 一西裝友隔門迎面走近.... What a jerk!  居然全無推門 (係 "推"咋!!!!!!) 之意願, 好意思企定等我拉門... 好, 對峙吧, 看誰等不了!!

先生, 你還是到家計會一行, 閹了百了!!

說我祟洋, 沒關係, 但我的美國大老闆會替我們女士開門, 禮讓我們出電梯, 出差會幫我拉行李... 多"珍圖文"呀!

還有數不盡之"香港有禮"例子..

例二:  地鐵, 巴士, 火車上大大大聲講手提電話, 打機, 食嘢 (不如打埋邊爐, BBQ呀, 擺酒又何妨?)

例三:  "請先讓乘客落車", 咪玩啦!

例四:  打尖 (以為是國內同胞 copyright? 傻啦, 香港人鍾意 BT 嘛!)

例五:  你有無試過, 正當電梯門要關之際, 居然梯內的人會按開門俾你入?  算吧, $20 六合彩應該會易中D!

...... 例子太多, 不能盡錄.....

當然, 也遇過真正有讀書有教養之人, 但寥寥無幾.....

香港也真是一個禮貌之都, 一家人呀嘛!

香先生果真是一個"雷峰", 同志們, 共勉之!

五個字講哂 - 好開心! 哈哈!

7月21日, 陽光唔止充沛, 實在滿瀉...雖然很怕變黑炭頭(其實大家都知本人唔曬已經是一件可口的 “巧克力” 啦)... 但我仍然懷着非常愉快的心情, "去迪士尼做足準備..."

何解我會孤寂地獨個兒去迪士尼... 因為鬼佬記者想寫一篇有關"國內同胞旅遊百態"的文章, 諸事八卦的我自動請纓作為翻譯啦...

大約10時30分入場, 好好好好好人的記者先生送咗"summer pass"俾我...可惜無車, 否則瘋癲的我定必晚晚入去睇煙花... anyway, 一進場, 奇怪, 國內同胞好像不太多... 八卦問cafe 的工作人員, 噢, 原來國內旅行團大多中午才到... icic... 惟有"dang 一 dang" 啦...

火熱狂曬了半天(大慨掃了3大支飲品吧), 哈, 到 parade 的時間, 卒之見到國內大爺秉承了"開放政策" (亦可能爺們太喜歡模仿超人變身的過程吧), 天氣也着實太熱了, 爺們有些 sexy 地敞開懷抱至猶如大肚佛的 big tummy, 要不就把恤衫扯高至露半點之姿態, 噢, 多麼的誘惑, 多麼的令人想入非非呀.........

正惆悵交唔到功課之際, 記者先生提議, 多玩一次 "Buzz Lightyear" 就打道回府... 正開始排隊之際, 由於我們之前為一位與外傭照顧着5位小朋友的靚太 (真係唔易做, 辛哂!)

個人習慣 – 保持距離好D, 故此, 哎呀... 以下為真人真事:

一家三口 (最佳男主角-年約40多年歲, 猜為爸... 最佳女主角-年歲同上, 猜為媽... 最佳新人-年約14歲,  猜為子), 三人以迅雷不及掩耳及目中無人之姿勢... 打尖!!!!!!

瘋茵至此, 又怎能忍氣吞聲...

Me:                   先生, 後面排隊喎 (先禮後兵)

最佳男主角:      wor 同 chan man yat cai ah! (我同前面一齊呀!) [非常不耐煩的語氣!]

Me:                   .......... [語塞, 心想, 唔通認識靚太?  好, 忍你!]

數分鐘後, 根據本人之強勁觀察力, 加上最佳女主角多次意圖扒靚太頭... 又同靚太一句無交流... 100% 打尖重唔認, 賤!  不能忍!  (加上身裁大大隻的鬼佬在身邊, 未驚過!)

Me:                   (決定問靚太証實) 太太, 請問你識唔識佢地呀? 佢話你地一齊喎... (怒睥最佳男主角一眼)

靚太:                吓, 我唔識佢地喎... 我 (至此, 最佳男主角插訕)

最佳男主角:      都話跟住前面咯... (指一指最佳女主角同最佳新人, 二人詐聽不見, 好戲!!!)

Me:                   佢地都係打我地尖呀! (怒氣沖天, 心跳標升至200)

最佳男主角:      咁幾條隊, 你地唔郁, 我梗係行前o架啦!

(吓????????????? 咁都得?????????)

靚太:                先生, 咁我同D小朋友一齊, 就梗係行慢D 啦, 而且一條隊...你...

最佳男主角:      (又插嘴) Li di sei ng sei gun dou yi gong ah! Fa si choi ni di!  (你地駛唔駛咁多嘢講呀! 費事睬你地!)

(嘩, 果然經歷文革, 白變黑, 黑變白, 紅燈變綠燈, 綠燈變紅燈... 痴鬼線!)

Me:                   (諗起朋友教對付國內同胞之殺手鐧) 費事同你D大陸農民講道理...  (收線, 瘋茵繼續怒睥賤人至完場為止!)

好, 算, 至少有功課交! 希望記者篇稿快D出啦...

今日失驚無神去咗書展, 一進場就見到…嘩!!! 倪匡呀…中學開始已經鍾意 “迷” 衛斯理, 雖然無 chance得到簽名, 但可以見到真人都幾開心啦, 吃不到你葡萄, 都唔一定係酸咋!

可惜倪匡唔再出書, 惟有 “煲” 舊書啦… 好在大把貨仔…

之後, 一入到Hall 1, 用9秒9速度去到天地的 booth, 然後以The Incredibles Dash 仔的狂風掃落葉之勢, 買咗8本書…

兩日後, 本來想再逛多次… 可惜因為星期五放工時間, 入場打蛇餅 (還是千年蛇妖的長度)… 惟有打退堂鼓, 食 dinner 去也… 

今年生日好開心呀..有好朋友同屋企人同我慶祝啦, 有玩有食有禮物, 十足Kinders 出奇蛋, 一次過滿足哂我3個願望, 夫復何求?

眨眼大一年, 哈哈, 下年生日係07.07.07喎… 唔… 應該登個全版廣告… Yeah Yeah!!

噢!  不得不提, 生日那晚, 學識咗:

史提夫叔叔教你呢件事

“台劇除咗有[愛情魔髮師],

 [惡魔在身邊]同[惡作劇之吻]..之外,

重有 [唏噓的鬚根],

同埋[憂鬱的墨屎]…. o架….”

07.07.2006

我又大一歲啦.. 光陰似箭.. 日月如梭.. 唉呀...

Happy Birthday to me.. Happy Birthday to me.. Happy Birthday to me.. Happy Birthday to me.........................................................

Happy Birthday to 未來星媽 too..

希望大家都開開心心, 遠離麻煩是非, 特別係啲乞人憎, 自私又討厭的人.....

日日都咁靚!!!!  哈哈!!!

梅超瘋, 呢日真係瘋ed.....