今日搵左肥妹食飯~都係o係尖東呢.....原來佢地去澳門
哈哈~好左我o個幾日放假,可以去~期待呢^^

有時有d野愈想去追尋就愈得不到....
反而自自然然佢可能會出現.........
有時總會埋怨幸運之神永遠都唔會眷顧我
但係幸運同幸福都不是必然
一個人無聰明o既才智,只好努力去做...........
我就係一個咁o既人
我無聰明o既才智,但我相信,只要努力就會得到應有的|
而家工作都ok呀..........至少因為自己的努力,得到自己想要的野
道理同食野一樣,免費唔駛錢食o既野永遠都覺得唔好食
一定係要真金白銀去食,先覺得好味或者值回票價

感情事仲係一篇空白的我.........無再去追尋了.........
因為太累太傷神.......不想空歡喜一場

雖然人總會感到寂寞,但人一出世就是寂寞的了............
只好問問自己25年人,我那怕寂寞

初初真的很不甘寂寞.......但再想想.......想當年,我也曾經寂寞過
人大了........不應再想一些虛無縹緲的事
應該要更踏實地做人......應該為自己好好打算

永遠都是這句,自己不懂照顧自己,怎樣去照顧別人

話說前幾日以超低價買左部電話番屋企......
其實個款都幾好........不過第二日已經有hand機o既情況
而且用得耐~會好鬼累......可能真係唔慣啦
始終都係鐘意d有制禁o既電話,send sms都方便d
唔駛下下寫~
玩多一排先再諗其他機款啦^^

尋日放假下午同阿渣行街同食飯....去左188格wii價
之後就去左銅鑼灣行街喇.....不過都睇唔岩野,所以咩都無買到
其實係好多野想買.....但係無錢,哈哈
之後去左婓翠小龍包度食晚飯.........
有<醉雞/糖醋魚柳/搖柱扒雙花/四川擔擔麵>
食後感
醉雞<超級好味....係凍食的.....有小小花綢酒,唔受得酒o既人都可以食
          呢個下次一定會再食......正!>
糖醋魚柳<甜甜地酸酸地,幾開胃......不過一定要即刻食,因為凍左就唔好食架喇>
搖柱扒雙花<搖柱份量都算ok...至少唔會得一/二粒咁行....椰菜花同西蘭花都好爽
                       好味>
四川擔擔面<只屬一般.......過多花生醬,唔係太辣.........個湯太"傑">
總括黎講.......都可以食多幾次........價錢亦都唔係太貴
食食下飯......突然收到samrtone o既電話,話有優惠.........
嘩~真係好平呀........跟住二話不說......就叫joyce幫我搞惦埋部電話
thx^^.....之後送完阿渣搭車後,就o係sogo join埋佢地上新星打邊爐喇
haa~突然間大家都慶起........好多節目呀......我諗wii o既計劃要遲一點了
打下打下,嘩~原來已經12點幾差唔多一點.......原本諗住番屋企
不過又唔想咁趕,之後就去左chris桃度訓喇......
都訓得好"林"呀,可能太眼訓o既關係
今晚收工番屋企,一定要長眠.....^^

呢排天氣好乾燥...搞到個nose流血><
好左~終於feel到有d涼......
聽日下午約左朋友行街吃飯
跟住夜晚同eriko佢地打邊爐......
好左放假都有d野做,唔係又悶死了^^
終於決定買wii喇........諗左好耐
點都要買^^

生日快樂

其實番工最重要o既係因為錢.....開心只係其次
開心無,唔緊要.....不過唔好整日處於一個唔開心o既狀態丫
原本諗緊打唔打呢篇blog.....不過我決定打
起碼o係度.......我可以講自己想講o既野
講自己o既感受..........
如果我係做錯野......俾老細鬧......無問題
不過我想講........我無做錯過.......點解要俾人鬧?
俾人鬧唔緊要......唔好指住鬧丫.......我都係打份工o者
我都係人.......我都有"尊嚴"架.....
其實有時真係好少事o者....唔駛咁嬲丫ma....
可能我只係打工仔啦,所以唔明老細o既心態
但如果你想d員工做得開心.......其實係咪應該控制下自己o既情緒呢
我唔想每日都提心吊膽咁番工囉......
一做錯少少野,如果你心情唔好,又俾你鬧
唔係個個都頂得順架.........
今日第二次......2個客點左2杯野飲,只係一個客話少甜
咁正常人都只係會沖一杯少甜,一杯正常啦
拎到出去.....點知個客話另外o個杯都係少甜
嘩~你個樣已經確認錯o個個係我.........
成個過程係點.......其實你知唔知.....
今次我真係頂唔住........因為我覺得自己受左委屈
喊左出黎......
唔想每日都提心吊膽咁番工
番工唔開心..........番黎做乜~
我決定要儲錢...........儲個錢旁身...........

今日做左一件好有意義同埋開心o既野....就係幫阿ling去個仆街屋企pack野
哈哈....執屋前同執屋後真係咁大分別.....我諗屋裡面有7成o既野都係你
執完之後,間屋真係幾空架wo....哈哈....臨走最爽就係著住對鞋
o係張床度係咁跳......我理得佢丫.......有咁污jo得咁污jo,哈哈
唔知係咪天有眼......竟然見到o個位死豬扒.......
嘩~真係嚇我一跳.....個賤男d品味唔係真係咁差丫ma.....
係都搵個好d丫......條女樣衰都不特止,仲要有2隻爆牙
全場最爆係佢啦真係....哈哈~可能我個frd真係輸就輸左無白色bar
同埋無佢d衫咁"潮"咁"靚"囉
其實我真係從來都無驚過我呢個朋友仔會有咩事
因為佢真係好堅強......俾著第二個.....肯定又要生又要死咁滯
公喜你......過埋9號.......你真係可以完全解脫喇^^

放左電話費.....俾左錢阿媽.......供埋個電視
仲未用份糧呢~哈哈~希望今個月有錢剩啦