時間過得好快
記得兩年前既今日
我同某個好朋友到山林道食越南菜
雖然兩年後既今日
時間人物地點都有所唔同
但係呢一晚我依然堅持品嘗至愛既芝士蛋糕......

2008 又一新力作 - 法式檸檬撻

公司近呢一個月黎左個新同事
直至到大家交換facebook之後
先發覺佢係siuman既net friend
知道左嗰一刻個感覺好怪周身唔自在
Oh~ Jesus Christ!!! 原來個世界真係咁細小

Company Trip - 海南島

每日忙於返工同出入醫院
攰!!!!!!

今日喺公司做做下野
突然間有個人喺msn嗌我
喺嗰一刻我覺得佢彷如天使出現
因而令我諗起最近有首歌最好的朋友既歌詞
"當我最黑暗的時候　你是我最好的朋友" 
真係好開心超級感動
我好想話比妳知我真係流得出眼淚
係呀大家成年冇見冇通電話
但到左今時今日仍然互相關心問候
証明大家做朋友個緣份仲未完
忘記背後努力面前珍惜未來既日子
共勉之

八號風球個日收到信息知道佢出事
趕到醫院親眼見到佢喺海棉房嗰一刻
個心好痛真的好痛
直到第二日
醫生打電話問我佢既生活狀況
再告知我佢既情況陷入失控
需要我即時到醫院簽紙辦理轉院手續
當我同救護人員送佢上救護車既時候
佢傻傻咁對住醫護人員連聲對不起同道謝
嗰個情境我已經忍唔住喊咗出黎

眼淚在心裡流
到依家我都仲未接受到呢個事實
雖然我唔知道佢會幾時可以返黎
但我要學懂面對
亦都要好好訓練自己面對未來既日子

我就將一切交託比我主耶穌基督
求上帝加添力量比佢
帶領佢走過艱苦既每一步
並軀趕住喺佢心裡面既惡魔

今晚同班同事去尖沙咀食日本菜
亦都算係呢個幾月黎最愉快既一晚
除左工作大家有說不盡既無聊話題
佢地仲即興各自拎相機大玩互拍
食飽影夠後去咗星光大道散步
餘興節目梗係陪我去食心太軟啦
點知黎到呢度佢地係咁影
真係影到頭都暈埋
玩到差唔多十二點就各自歸家