首先祝所有朋友仔中秋節快樂呀!

好講返尋日一早製作咗2個蛋糕準備夜晚拎去石澳比朋友試食啦! 整咗一個熱情果白朱古力慕士餅同一個藍梅芝士餅, 兩款餅最有信心都係藍梅芝士餅, 因為整過好多次啦! 所以包保唔會失手, 而熱情果白朱古力慕士餅係輝sir到學第二次整架啦! 第一次整好似有d失敗, 所以送咗比垃圾箱食, 今次整係非常滿意呀! 真係好開心呀!

藍梅芝士餅

尋日十點幾出門口準備去電影中心睇瑪麗皇后, 相約咗小琛~大少~Siu Man十二點係中心等, 呢套戲感覺都係講皇后既生活, 啲服裝髮型真係好靚! 睇完戲就行去旺角廊豪elise cafe但無位啦! 再轉去雅蘭pokka cafe, 大家傾吓講吓送吓小禮物全場最多野講睇怕都係我~小琛同Siu Man啦! 希望唔會嚇親另外2位新見面既朋友仔啦! 傾計約5點就各自走人啦! 而我就同小琛就去咗香港既廚安居! 哈哈....係上海街既陳技記同萬記呀! 又有收穫! 特別鳴謝大少請食TEA! 多謝呀!

小琛整好多手信呀! 有月餅~藍梅蛋糕同唔識形容係屬於蛋糕定餅既橙蛋糕(我當係蛋糕架啦! 多謝呀! 靚女!

P.S. 喂喂! 各位我D COOKIES好以淋咗呀! 你地唔好食啦! 下次再整過請大家食啦! SORRY AR! 因為包裝上出現咗問題所以整淋咗啦!

小琛既手信:

我既作品:

近呢個月差不多每星期都要去深圳一日, 雖然只係一日真係感覺好累, 唔知呢d日子重有幾耐呢! 我諗遲d就習慣呢d工作方式!

每次上堂同一班朋友hehehaha真係可以將煩惱忙碌既工作站時忘記呢! 所以好真惜呢班朋友同呢D日子, 星期四晚係又係兩款示範兩款實習, 示範既係荷蘭撻同焗朱古力加州撻, 而實習就係有法式車厘子批同焗菠蘿酥批! 今晚所以都好好味! 特別愛吃荷蘭撻真係好好味呀!

阿sir作品: 焗菠蘿酥批~法式車厘子批~荷蘭撻~焗朱古力加州撻

我既作品: 焗菠蘿酥批~法式車厘子批

16.08.08

今日約咗班正記去西貢釣墨魚, 我地6點上船hea吓玩hea, 因為要等到天黑先可以釣, 大約7點船家話可以釣啦! 我地二十幾人玩咗一個比賽看看邊個最快釣到就贏, 我估計約十分鐘到有人釣到啦! 不知幾雀躍, (V嘩鬼叫上哂身咁) 好搞笑! 我釣咗好耐都無墨魚係上釣呀! 咁就放棄咗, 走咗去打麻雀, 鳴...打咗一陣我軟咗佰幾蚊呀! 算啦! 都係玩吓啫! 全晚二十幾人得釣咗5大條墨魚都好可無收穫, 大約11點就返碼頭啦! 落咗船我地去滿記食甜品, 勁多人呀! 不過好快就等到位! 嘩...好耐都無去過西貢既滿記, 原來佢地做緊呢整所以有開始計時, 係十五分點內食完結帳就有唔係好記得8折定9折, 好激呀! 我地十幾人不段吹速大家, 你一言我一語超爆笑, 係咁就過咗一個好開心既一晚!

17.08.08

今日要幫同事整2個cake, 一個藍梅芝士餅, 一個榛子蛋糕!

近排都無乜UPDATE, 自從要睇住班TEMP感覺有少許壓力, 自己想放假又唔敢, 又要睇住佢地D野做成點, 又要安撫吓佢地既工作辛苦! 唉...搞到我成面粒粒! 好想放假呀! 我諗要等佢地走哂先安心放吓假休息呀!

每個星期差不多都有一日去輝SIR到上堂, 又可以同一班朋友仔上堂, 尋晚去學整椰子朱古力餅, 好好味呀! 估唔到椰子啫喱咁好味果喎!

阿SIR作品:

我既作品:

05.08.08

唉..吞聲忍氣吧! 鬼叫自己唔係大學生咩.......

04.08.08

今日lunch又落灣仔入貨, 準備幫人整餅材料!

03.08.08

休息日! 哈哈...

02.08.08

今日唔洗返工, 朝早起身整咗咖哩牛肉包比小琛同flying做手信, 4點幾出門口去輝sir到上堂, 今日又有得試食好味...準時開工, 今晚2款示範2款實習, 阿sir例排講程序跟住示範, 今晚既示範係檸檬太陽蛋同檸檬法式杏仁曲奇, 而實習係冧酒提子乾牛油曲奇同綠茶牛油曲奇, 兩款都好容易整! 放咗學約左班fd去打邊爐, 比佢地試食佢地都比較like檸檬法式杏仁曲奇, 話比較特別! 重有小琛既apple卷, 味道我比較喜歡無花果多d, 你既作品整體好味架! 不過可能我嘛嘛地apple 蓉! haha...thx ar!

阿sir習品:  冧酒提子乾牛油曲奇~綠茶牛油曲奇~檸檬法式杏仁曲奇~檸檬太陽蛋

我既作品:  冧酒提子乾牛油曲奇~綠茶牛油曲奇

今晚係上曲奇第二課, 6點半上到輝sir到! 坐低一陣阿sir就同我講妳有野食, 佢拎咗一柸意大利芝士凍糕, 同一件香芧意大利奶凍比我食! 問佢係乜呢又唔講, 咁我咪係咁食食食囉! 阿sir又要問我食到d乜比意見, 香芧個一款我試來試去都好似得lemon味, 佢又話唔係, 我都唔理佢繼續食! haha...不過真係好好味! 個意大利芝士凍糕我最愛! 正呀! 佢重問我有無報甜品班, 呢兩款都有得學, 我咪話報唔到呀! 佢重不段提我記住話比斜蔭同學知我有得試食呀! 重叫我食哂佢唔準留呀! 笑死我!

今晚斜蔭同學無上堂不過有替工, 上到去阿sir就話有替工問我知唔知係邊個, 我跟手咪叫阿sir睇住人家, 人地新人呢架! 阿sir話替工咋嘛! 唔洗咁緊張! 真搞笑! 閒聊一段時間, 準時開波, 今堂好容易, 將所有材料混合就完成, 好簡單呢! 而今日實習既係有法式棋子曲奇同伯爵茶曲奇, 而阿sir示範杏仁全粒曲奇同法式蛋白果仁碎餅! 今晚比較開心呀! 阿sir心情靚爆呀! 不段講佢話會發聲既垃圾又話人整爛咗, 又話要維修要幾多錢, 又話而家唔會再有得出有得買, 真係比佢笑死呀! 我同flying係阿sir後面傾計佢話我成日燶唔好玩啦! 又時時偷聽我同flying講乜! 哈...佢真係一心二用呀!

阿sir作品: 杏仁全粒曲奇~法式棋子曲奇~法式蛋白果仁碎餅~伯爵茶曲奇

我既作品: 伯爵茶曲奇~法式棋子曲奇

尋日晏就去咗cut hair, 跟住夜晚去輝sir到上堂, 今晚同小琛同flying一齊上, 6點半上到去, 小琛同flying已經坐定定係到啦! 真係早呀! 上到去hea一陣, 就開始上堂, 今晚得10個人, 第一次上星期六堂感覺比平日悶D, 都好彩有小琛佢地! 唔係真係會悶死呀! 7點令阿SIR既開波口頭禪一定會講呢句(夠鐘啦入閘)! 阿SIR先示範榛子夾心杏仁蛋白餅, 之後到我地搓無花果卷同什果仁曲奇, 然後阿SIR再示範特濃朱古力磚! 非常輕鬆既一堂! 試食咗全部個人就比較喜歡無花果卷越食越上癮! 重有重有呀! 要多謝MIKE送既朱古力呀! 重有一件事我一落到船拎咗枝熱情果蓉放低咗係張橙到, 返到屋企先記得枝熱情果蓉景然成支留咗係船到! 咁就無咗廿幾蚊LA! 激死呀!

阿SIR作品: 什果仁曲奇~無花果卷~榛子夾心杏仁蛋白餅~特濃朱古力磚

我既作品:  什果仁曲奇~無花果卷

MIKE既禮物: 朱古力