http://suenporpor.blogspot.com/

06我有個好開始

看到<西樓錯夢>, 聽聞D飛炒到4/5萬一張

哈哈, 你唔恨得咁多喇

在此僅向楊公子仇女俠三叩首

最恨嘅梗係龍劍笙啦

龍劍笙啊, 龍劍笙

果然係玉樹臨風一公子

搞到婆婆爭D有追車攞簽名衝動

然後上網搜尋関於<西樓錯夢>, 發現原來任白版本是47年前作品

成報馮梓

中文大學戲曲資料中心，追查昔日任白捐贈大量「仙鳳鳴劇團」的照片、劇本等圖文資料，得了以下一些結果——「仙鳳鳴劇團」當年演出《西樓錯夢》的劇本，至今仍保留得十分完整，手抄本和泥印本均有，字體仍然清楚可見...在任白版本的《西樓錯夢》劇本當中，每一場都有導演說明，顯示當時的舞台表演以至布景業已相當進步和成熟...

全因前人將資料保存得宜, 今天後人才可大開眼界

婆婆最近因公要為本地樂壇流行曲目進行一些重組工作, 發覺本地唱片公司在資料保存管理上非常混亂, 唔怕得罪講句, 係零!!

在這個bits and bytes的年代, 要為華語歌開始做點事, 我想是必要和不算太遲. 學叱咤話齋:

樂壇無限好, 好...好...好...

06是本地流行樂壇的一個好開始

在香港, 具有遼濶音樂視野的音樂人, 絕少

六年前, 我看完恭碩良在Planet Hollywood的表演

我對自己說: 多謝你Jun: 選擇了香港發表你第一張大碟

結果第一張大碟賣得唔錯

但之後同唱片公司鬧翻了, 誰對誰錯己無關宏旨

最終都是樂迷的損失

要等Jun出下一張廣東碟, 怕且無望!

然後今年年頭我碰到了方大同,

看過他自拍的片段

見他拿着結他在鏡頭前又唱又跳,

唔…在技巧上沒有Jun第一次邂逅那麽<技驚>

但嗓子是相當殺人.

不過以上的都不是重點, 我同佢傾計的時候

覺得佢有一種氣質, 好有氣派, 當時唔明係乜…

其後在抱抱營內, 認識多了,

他話不多, 不需要主動友好別人, 但營內所有人都喜歡他, 尢其佢扮MJ大家就尖叫, 就是那種氣質, 呀!究竟是甚麽?

之後在他唱片公司聽他的大碟,

赫然發現原來方大同的世界是一個非常純真的世界,

那種氣質, 難道是?

前幾天買了他的CD,

未聽之前心情極度惡劣,

因為近日撞鬼, 不能平伏心頭憤怒無奈,

不停在問, 這個世界究竟有無公義,

為甚麽善良的人總係比人Hup

一定要迫到你還拖啲惡人就會收皮,

但當我聽完大同全張CD…

Khalil感謝你提醒我一個非常純真, 全沒多心眼的大同世界,

是那氣質: 一個二十二歲的 [小] 孩, 但擁有一個 [大] 同胸懷.

再一次感激

有幸為Khalil籌辦他第一張大碟showcase

是在香港, 還請來Jun客串演出

我見到自己笑番.

我查過字典cross作為形容詞的解釋係annoyed，而annoyed的解釋就係to harass or disturb by repeated attacks。原來發明cross-sell 0個條謬利還真有點良知，如實報導這是一門非常他媽的煩死你0既生意伎倆。

他媽的，我去7仔買報紙，銀機個阿嬸一輪嘴叫你要盒糖，再唔係整多條香口膠，耍晒手擰晒頭，最後都要俾兩盒膠公仔你，免費

0架。頂！唔洗錢大晒呀！點解賣份報紙都攪咁多0野。

他媽的，我打1083查個電話，老奉一定要笠你俾一蚊雞就幫你駁埋個電話。喂！用0下個腦啦，有無人會俾呀！不如你set時間，唔夠快收線就收我一蚊吧啦，笨！

他媽的，我打個電話查詢自己戶口資料，你整乜又sell我保險，又基金，又e-banking，仲要講埋成個domain name，又slash，又dot…咁不如索性叫我俾錢然後skip晒D cross-sell message，又賺一筆。橫豎都係無良，不如玩絕0的啦！

他媽的，半夜三更星期日放緊假，總有D電話 打0黎問要唔要呢樣，要唔要0個樣。問佢點有我電話，佢就好無賴咁話：「電腦隨機。」唔知第二時出街見到你樣衰打你一鑊，我可唔可以話：「我隨機，無惡意！」或者食完0野無錢俾：「噢！我隨機唔記得！」有無法官大人話我知，「隨機」有無得民事訴訟。

各位做生意0既大哥大姐，唔好懶X以為自己好醒，攪埋咁多煩死你D客仔0既XYZ sell啦！脚踏實地, 為你客仔設想才是唯一致勝之道.

公眾假期, 風光明瑂, 十點零十一點, 跑步是一天最好的開始.  呢D時候又點可以無音樂.  隨手就攞咗部外形可以比美i-pod Nano 咁袖真嘅原子粒收音機

係!你無聽錯, 係只有重點超強單一功能聽到電台嘅收音機,

台就有好多個喇, 但係音樂就...

881娛樂八八卦, 大好假期,阿乜同阿乜搞埋同阿乜比人乜完然後開記者會乜乜物物, 點乜關我事呀

903乜呀whenli唔係播歌嘅咩? 仲乜會係星座, 仲要聽眾打入嚟講佢個座, 佢乜座又點乜座關我事呢

港一, 呀淑梅姐, 都係口水

港二, 嘩! (轉咗台)

新城, 節目主持係邊個唔知, 但係公眾假期晨早流流你整乜講納米, 搞到我好想打鍋你囉

普通話台/第六台 (BBC World Services) 更唔關事

4 台交响樂zzZZ

最接近嘅竟然係港三, 係洋人台, Phil Whelan主持
同一個唔知係咪嘢台, 主持人又普通話又廣東話介紹咗一隻Extreme嘅more than words, 然後個節目就完了...

各位電台執事人:

我是一個聽收音機長大的人, 因為鍾意聽DJ播歌, 所以今天仍堅持要有一部"唔好搞咁多嘢收音機就係收音機嘅收音機", 官台連馬都唔比播, 咁播歌就更加唔等洗...呢個我明, 但係商營电台: 你地可以話今時今日音樂節目唔值錢, 一定要口水先有rating先有廣告, 但係有D節目時間都唔係電台黄金時段, 係咪播多D歌真係對營業額有咁大影响呀?難道你們真係有一個百密必無一疏的監察評級機制知道播多D歌定必high嘢?

唔該各电台執事人, 唔好搞咁多嘢LA, 正視吓我地樂迷需要啦!

點解揸車要咁multitask? 

我擔心遲D有謬利話流行一邊揸車一邊織冷衫或者做瑜+係IN, 所以我而家表明立場:

揸車就揸車啦, 唔好搞咁多嘢啦!

有乜嘢電話係一定要揸車時候講嘅呢?

又唔係D吹水食飯睇戲溝女溝仔唔好等我幾點喺邊到等我嘻嘻哈哈mememama...最無聊嘅係: "我揸緊車, 遲D打比你" 你咪有留言信箱嘅咩, 我地現代人唔係成Q日話自己好識科技嘅咩, 點解科技可以幫到手嘅時候, 我地又咁多此一舉!

因為一個電話而令自己有意外或者無咗條命, 我覺得自己攞嚟, 但係唔好搞到我都变埋老襯

我係的士常客, 跑馬地去利舞台都搭, 超fan.

見到D司机大佬, 揸住車,講住電話,聽住call台,播住跑馬...

我以超fan身份嚴重向的士联會投訴:

唔該拜托,叫D大佬大姐唔好搞咁多嘢啦!

Old Skool 題註:

這是70年歡樂今霄環節'眼中釘'的slogan

唔該各位呀哥呀姊請將電話鈴声收細

仲乜要成架地鉄嘅人都知你電話响呢?

仲乜要開開吓會有雞声啫, 係想叫醒自己唔好瞓, 定係閣下兼職賣雞, 順便cross sell 吓呢

仲乜搭搭吥的士突然响起將軍令

你想我點反應啫? 耍套拳呀

唔該拜托, 唔好搞咁多嘢啦!