- ima mobile
- 流動通訊論壇
- 謝利記
- 賜逸茶樓
- 鈴聲之王 討論區
- LuLu Xanga
- 騫騫 Xanga
- 一曲隔世寂寥 - Ch@nSir
- 夢月影幻化
- 孤泣的音樂世界
- 李奧
- 紫心．單
- 襪襪
- 阿芬@阿神
- 顆顆悅目（【榮】）
- HIP-HOP大頭B
- 手提電話
- 我的囡囡日記
- 九個才子一隻襪
 |
 |
 |
 |
我揀的RSS feed
深宵直播室重溫 此RSS feed不正確 九個才子一隻襪論壇最新主題
 K Zone 此RSS feed不正確 |
|
 |
 |
 |
August 14,2007
深宵直播室
深宵直播室
各位剛才有冇聽 "深宵直播室" 呀. 我無啦啦比 d 野拍我條頸, 搞到好痛 =.=" 孤泣話當時聽到電流聲, 但我聽番重溫我又唔覺有.
不過算啦, 直播室有鬼都已經係事實, 都唔止一次係咁架喇, headphone有聲叫你, 隻門自己開左, 成日都有怪事. 不過唔該唔好拍我丫 =.="
晚上五點, 岩岩返到屋企咋. 又玩個職業病先.......
依傢既時間係早上五點........你聽緊既係UonLIVE........陪住大家既有我ThatsWhy.....(播歌)
哈哈哈, 死未??
另外, 提提各位, 星期三晚開始一定要留意 "深宵直播室", 有殯儀從業員既專訪, 內容包括一d禁忌, 儀式, 仲有一d鮮為人知既殯儀內容. 記住由今個星期三開始連續兩星期都會有架
ThatsWhy..
俾意見 [0]
文章URL
引用 [0]
August 12,2007
沉默的一天
沉默的一天
今日錄音室十分寧靜, 只得一個錄音. 由返工到收工的九小時內, 默不作聲, 不知為何. 如果見過我的人都知道, 要看到我不笑的一面都算是一件難事. 幸好, 多謝一班阿sam的粉絲的支持. 看見我的日記有回覆, 很高興. 原來各位粉絲的眼裏面, 除了阿sam外, 還有我的存在. 多謝 下次如果你是侏玀K公園的嘉賓的話, 一起合唱丫. ThatsWhy.. |
August 11,2007
心很痛
心很痛
雖然我已經講明今日放假, 但都有無數咁多個電話打黎, 仲要個個都同我既負責同工作無關的 =.=" 不過算, 呢個唔係今日既日記內容..........
預早了個多月購買的IMAX戲票, 花了幾晚時間去想的生日禮物. 為的就是今天. 雖然算不上是什麼價值連城的東西, 但亦總算是我的一番心機.
今早一睡醒, 一號風球, 乘車時, 用手機上天文台的網站一看, 不妙. 八號風球將近. 說時遲那時快, 原來已經三號風球.
但幸好行程沒有被拖累, 依時抵達屯門, 等了一會兒, 那個她來到了, 吃了個 "早餐", 然後趕快乘車到IMAX, 可惜, 由於颱風關係, 我們比原定的開場時間遲了一小時才去到. 但沒有關係, 我們仍然是抱著期望的心情入場觀看, 看看這3D效果的哈利有多吸引, 要預早個多月購票.......
看過戲後, 和她到旺角吃了點東西, 然後會合她的朋友們一起吃飯, 再唱k. 一切都很完美, 一切都很快樂. 大約是晚上二時, 她的手機響起, 接過電話後便匆忙離去. 我知道那電話中的必定是她的男朋友. 在她離開後, 我亦離開回家.
一路上, 我第一次感到心很痛的感覺. 原來痛在心的才是最痛的痛. 但同時間我又泛起一個問題, 為什麼我會感到心很痛? 究竟是我真的這樣喜歡她, 還是以往的我對女朋友的愛不夠深? 不知道, 或者根本沒有人可以解釋.
其實, 連我自己也沒法解釋. 當年她的身邊有他, 而我的身邊有她. 今年, 我的身邊沒有她, 但她的身邊卻有了另一個他......
或許感情就是這樣, 相識了四年後感情才會產生. 但今天, 的確是今年之中過得最快樂的一天.
ThatsWhy..
August 09,2007
豬玀K公園
豬玀K公園
近日好多粉絲上黎 UonLIVE既新節目, 豬玀K公園. 個個粉絲都做做下節目就喊左出黎. 好感動.
有一班粉絲會為佢地既偶像阿sam喊. 亦有一班粉絲默默地支持阿sam. 難得.
唔知幾時先有粉絲為我喊呢? 哈哈, 妙想天開.
希望下次, 上黎豬玀K公園既時候, 果位嘉賓會係你.
ThatsWhy..
July 31,2007
最後一天
最後一天
在電訊界的最後一天, 無錯. 由中學畢業就投身電訊界, 七年的電訊生涯, 有苦有甜. 但充滿著不少得著. 明天開始, 全職UonLIVE, 究竟前景如何? 是次轉行是否正確?
戲票已經買下, 生日禮物還未有頭緒, 可以給我一點提示嗎? 雖然已經認識了你都有五個年頭. 但當年的你, 身邊有他; 當年的我, 身邊有她. 我是一個三分鐘熱度的人, 但可以肯定的是這一次, 我不是三分鐘. 之前檀花一現或眼前一亮的, 都只是一刻的幻想. 實際行動的, 令我動心的, 是沒有. 但唯有你. 你知道嗎?
ThatsWhy..
July 28,2007
多謝各位黎支持我既朋友
多謝各位黎支持我既朋友
多謝各位, 希望今日我既演出無嚇親你地.
班accapella勁嘛? 佢上過樂樂時分做嘉賓架喇, 大家可以聽番重溫. 至於古巨基?? 哈哈哈. Net Sing道既網絡歌手黎架, 所以話網絡歌手唱歌一d都唔差.
至於我....... 唔好提啦, 總之多謝各位支持
ThatsWhy..
July 27,2007
動漫節 2007 追加
動漫節 2007 追加
雖然明天才是動漫節, 但瘋狂的迷哥迷姐早已經在灣仔會展門外守候.
雖然明天的主角是動漫而不是我, 怎至我們.
雖然我只是明天表演嘉賓中的其中一粒星塵, 但每一粒星塵都足以拖垮整個氣氛. 加上, 明天的表演, 是我首次背負著UonLIVE的名義去表演.
回想去年小弟在科學館舉辦的 "九個才子一隻襪 玩轉夏日音樂會", 好像是昨天發生的事. 而明天又是一個挑戰, 但我不是網絡音樂人, 也不是OMG的作詞人, 我應該如何表現自己? 應該如何配合其他UonLIVE的嘉賓? 應該......我應該.......或者.......我應該早點去睡, 連夜來, 睡眠的時間加起來也不足十小時. =.="
ThatsWhy..
July 26,2007
動漫節2007
動漫節2007
一年一度既動漫節又黎喇, 今年因為UonLIVE既關係, 有幸擔當表演嘉賓之一. 但唔知點解, 我一d緊張既心情都無. 回想起去年既 九個才子一隻襪 玩轉夏日音樂會, 我由籌備到開show前一晚都擔心左足足半年. 但今次點解我唔緊張既呢? 係因為我已經習慣左? 定係有billyshe做parnter所以我好放心? 定還是......我已經唔再係網上既作詞人ThatsWhy?
如果你有時間黎動漫節既話, 就過黎睇下我地既表演啦
ThatsWhy..
