 |
 |
 |
 |
我揀的RSS feed
聖經 |
|
 |
 |
 |
好耐無 Update, 本來因為一些事從始唔再寫 blog, 不過, 開始淡忘了, 所以都無謂俾咁多咖鎖自己
從前很多朋友都話我有太多的鎖, 甚麼事都鎖了
所以近黎積極改變緊自己
首先第一個大大大鎖頭放下的是, 自己的飲食習慣, 足足 13 年
終於都放底了, 感覺是太舒服...整個人少了很多壓力
原來我一直都唔多開心, 有部份來自這個習慣
現在沒有了, 心情比以前更好
第二個改變係 ,放棄了帶眼鏡...
感覺又係太舒服了, 原來我一直帶住眼鏡都唔多舒服, 兩邊邊框成日都壓住個頭 ,成日暈暈地, 好難集中精神
依家無眼鏡真係舒服 思緒都比以前靈活得多嚕
其他既改變下次有機會再講嚕 ~
係咁先 ~
小弟明日開始幫手幫「長者享樂慈善社」籌款
大家如果聽日咁岩會路過灣仔，不妨到灣仔地鐵站 A4 出口，好心好心捐捐錢
咁係到講下「長者享樂慈善社」宗旨目標
長者享樂慈善社成立的宗旨要是建立一所長者學習天地為目標，鼓勵各長者 "活到老學到老" 的精神，提供各項多元化的學習進修渠道及筋骨舒展課程，尋找他們自己個人的興趣科目，透過學習思考及體能舒緩練習，不但能保持身體健康更使腦筋靈活，減少腦部功能退化的現像，從而預防各老人病或痴呆症的發生，實踐「安享老年之樂」的宗旨。
本社不隸屬於任何政權或團體，不分種族，宗教及政治背景，為協助危困中的老人，獨立評估他們的需要，以最恰當的救緩行動，將物資直接送到他們手中。本社經費大部份源自舉辦籌款活動及私人捐款，我們確保八成以上的捐款直接用於援助服務。如得到您們的支持，將是本社的榮耀。
有關捐款表格可以透過以下連結查詢
http://enjoymentelderly.com/document/donation.doc
長者享樂慈善社網址
多多益善 ~ 多謝咁多位
好耐無見啦！
好掛住大家！唔知以前班兄弟姐妹搞成點呢？
我走時走得咁鬼靜，哈哈！可能仲有人以為我係公司某個角落打緊機都未定 (^O^)
哇哈哈哈哈哈！諗返起，都未同大家好認真講過 Good Bye！哈哈！
其實我之前離開公司時，我好鬼唔開心架，總有好多野未完成，就咁拍拍 pat pat 就走鬼左去，俾人睇落好鬼無責任感，其實我當時好怪公司架！哈哈！
不過呢，經過呢段時間，原來呢個世界上咩人都有架！哈哈哈哈！
諗返起自己幾好彩係 now.com 內無風無雨，依家再計較咁多做咩呢！呵呵呵！
日日唔開心屈住屈住，但其實去到邊都會偶到呢類人或事。每日去計得失，換來既只係無盡痛苦，因唔開心既事，將自己理想都放埋一邊，同行屍走人又有咩分別呢
依家只要努力做野！換另一個角度睇身邊既人，成個世界都變得非常之美好
將喜樂帶俾身邊既人，其實係我初初黎 now.com 既夢想，但我走個刻都做唔到！哈哈哈！真係同大家咁多位兄弟姐妹 Say 句 Sorry！我對你地唔住！自己一個無聲無色走左去！
離開左 now 之後，日子一樣要過，唔開心又咁過，開心又係咁過
點解我要揀唔開心過日子？哈哈！你呢 d 負面招對我已經無晒用啦！哈哈！
得閒笑多 D ，人地見到都開心 D ~
有時做野唔計得失，唔向錢看，將所有唔開心既事同神分享，真係會開心好多
感謝主 (^O^)
凡接待祂的，就是信祂名的人，祂就賜他們權柄，作神的兒女。 (約翰福音一章 12 節)
若有人在基督裡，他就是新造的人，舊事已過，都變成新的了。 (哥林多後書五章 17 節)
你若口裡認耶穌為主，心裡信神叫祂從死裡復活，就必得救。因為人心裡相信，就可以稱義，口裡承認，就可以得救。 (羅馬書十章 9-10 節)
今日 11月25日，好高興今日我小齋決志相信主，誠心向神禱告，承認自己的罪，願意接受耶穌基督為救主，奉祂為我生命的主宰，並加入教會成為其中的一員。
^___^ 今日重生，作神的見證，體會上帝的信實，蒙祂的祝福
現在大家就一起來禱告，好嗎？只要你真心相信神，你定能明白上帝的愛和恩典。
生命影響生命，就今日開始依靠上帝來幫助他人！一齊加油！
阿門
今早返到公司收到台灣方面寄黎 email 話我個魔獸帳號內既賊仔角色已經回復左
不過牧師就要多幾日
今晚返到去 format 鬼左部電腦然後再裝晒 d 防火牆先得
同埋唔再裝 d UI =_= 免得再次中招
今次真係好彩喇
希望牧師都可以回復返喇
記得以前同事 R 問過我, 打機打得咁雜, 為乜？
講真我打機並唔係 Hardcore 一族 (即係日打夜打, 不停 24 小時打個種 或者 打機勁果種) 我兩樣都唔係
我只係雜打 =_=, 同一晚有時玩幾隻 Game, 又或者玩幾日就轉其他 Game, 所以無乜邊隻 Game 打得耐, 打得爆....
有時玩兩玩 NDS 就走去玩 PS 2, 再唔係又玩返 PC , 得閑又落街放狗仔, 又睇下書, 其實認真打一隻 Game 既時間好少 (對於某些唔打機既人我花既時間就好多啦)
以前打機晚晚打到 4,5 點, 依家正常返, 12 點訓, 最遲都唔會過 1 點
其實變相, 我四圍睇 game info 時間少左, 打機時間少左
但我對打機呢個興趣依然無減少過
依然都咁「八玩」(八掛 + 玩)
咁我興趣係唔係打機？係架, 正如有 d 人鐘意整下野食, 得閑煲下電話粥, 睇電視等等等等 (呢 d 算係無聊野多, 不過都係最多人做既野, 都算係消磨時間既方法之一), 對比其他興趣, 遊戲總算係我最鐘意做既野
不過一直我最想做既其實係遊戲雜誌, 當年搵過肥波, 不過佢唔收我, 我太水皮掛, 就係咁, 無入到Game 書呢行
時移世易, 我都係揀左入黎, 但我依家覺得未算入行
我始終最想做既係 news 雜誌或網站
假如可以訓身去做, 只要不停搵題目講, 要寫論文般長的文章, 我實樂此不疲, 絕對開心死
幾時先有機會？
