謝謝各位hompy網友一直支持, 因為私事, 我決定停止更新這hompy, 把家搬住別處.  主要為配合轉ward後有一番新景像, 我亦希望在他方有一個新開始.  謝謝各位.

今晚出咗街食飯, 食咗餐好味既泰國菜呢間係小豬同事推介既, 真係

因為係今日係第1餐, 肚餓得濟, 有d俾我食咗好多先記得要影相而且我冇帶相機, 又冇帶自己部電話, 淨係用咗w850i影, 所以要後期加工先見得下人.

必點既泰式剌身蝦, 都係九龍城好味d, 不過呢間都唔錯

芝士蝦球, 好好味

好味既通菜

咖哩海鮮包, 海鮮唔得, 咖喱汁好味, 甜甜地唔辣, 個包吸晒d汁, yummy

有秀珍菇既無陰公湯, 小豬覺得好好味, 我梗係覺得唔岩配

牆上面貼咗好多食物相, 樣樣睇落都好好味, 下次要再去試菜

2006年最後的一天, 心情極度差劣.

這一年, 身體不好, 常常生病, 不是拉肚子, 就是氣管收窄, 還有次因此差點點就上不到飛機.

唉, 不快樂的一年快點過去, 生病之外又有人事問題, 複有醫療事故官司, 希望有美好的一年, 簡單快樂就好, 不敢寄望太高, 只想工作順利、生活順意就好.

困擾我的問題事, 如果下個星期還未能解決, 我會選擇離開.

6月30日

今日係六月最後一日, 話咁快呢一年就過咗一半, 時間過得好快, 都唔知自己呢半年做過d咩....好似好癈咁過咗生活. 唉.

尋日個night拍咗個做野溫吞的新人, 暫時黎講都ok, 因為尋晚冇收過症, 加上p更又冇d屎留番俾個night, 所以ok架. 原來, 有人醒咗佢, 叫佢做野快d, 同埋小心d做野, 唔好出錯. 唔怪之得, 佢的確係做野快咗d喇! 原來佢有d驚我喎, 哈! 因為我曾經出聲話過佢.

今朝出夜約咗同事carman去佢男友屋企玩狗, 我們先去食咗個早點, 呢餐當然要由我出錢喇, 要人地晨咁早招呼我. 我都係第一次踏足套房, 真係有如佬佬入大觀園.

隻狗bb八個月大, 好靚仔架, 又係衰貪吃, 冇時停. 我地起駛咁影相, 但好難先影到bb既正面相, 遲d先post相上來.

玩到11點都番歸zzzzzzzzzzzzzzzzzz

明日同honey一齊放假, 唔該太陽伯伯俾下面, 我地好耐冇一齊放假喇.  

最近有點煩, 有點事情想不通.....

想放假, 可是又不能; 想去街玩玩, 可是又想睡它一整天.

看得見太陽的時候, 才睡得著; 看得見月亮的時候, 才是精采一天的開始. 這種日昏時間不協調的日子又來找碴了, 我還要忍受這種日子要多久? 不知道....

我也不想這樣子....

6月16日

今日亦係返p, 個肚仲有d痛, 鬼咩? 食過一次藥咋, 點會咁快就好番丫.

今日決定sick leave咗去, 算數. 10:30 am fax咗張假紙返去, 11:00am就有個高層打電話俾我, 想問候我囉. 我冇接到, 事後聽番留言, 叫我有時間打番俾佢喎.

食咗藥就昏睡到晚上8點幾. 有病就緊係瞓覺啦, 瞓咗就唔會有痛楚！呢樣野, 萬試萬靈, 不過, 大家唔好學, 呢d係我地明知病情而逃避事實的方式.

6月15日

今日返晏, 搭緊西鐵時開始有d肚痛, 以為只為過雲雨, 所以無理會, 亦都理唔到, 因為根本冇spare時間去理....

嘿！嘿！嘿！卒知道出咗站行到去巴士站, 又黎肚痛過, 仲痛過之前, 直情要彎晒腰, 我仲想學祖國人類咁樣氹落地下, 又怕失儀, 唉, 痛到臉都青埋, 眼水都標出黎, 但架巴士仲要衰衰咁遲到. 頂!

坐係到痛點都好過企係到痛丫. 成程巴士就係肚痛到就死既情況下坐完, 我係度諗緊如果落車果陣仲係咁痛就要call人帶wheelchair黎接我, 唔想咁辛苦慢慢死番去. 

哈, 落車果陣又好番d, 冇咁痛, 咪死下死下咁樣返咗工. 不過呢, 個肚都仲係痛, 咪抱住個肚一邊做野囉, 今日仲要係1仔, 唉.

女人肚痛可大可小, 不過好多時同頭暈一樣都係分唔到開邊辦? 我分唔到係婦科有事,定係腸科有事, 所以掛咗呺去睇婦科醫生. 如是者, 一邊等睇醫生, 一邊做野, 期間就diarrhoea咗一次, 5pm仲大嘔咗一次, 將午餐的食物全部吐晒出黎, 到此, 就自己就diagnosis係G.E.! 是日晚餐係plain congee x 250ml.

等到差唔多成7點, 都仲未call我睇醫生, 我senior同事提醒我, 話依家好cheap成日拖住唔俾staff睇醫生先, 我咪打個電話落門診問下囉, 呢一點, 我其實都知道, 我係想睇下佢想拖我幾耐? 嘿! 門診個staff答得好怪, 事由我好早就掛咗呺, 我咪問佢究竟幾點有得睇囉, 佢有d尷尬咁答: 【差唔多, 你依家落黎】, 我咪問佢: 【差唔多? 咁遲dd落, 定依家有得睇?】

落到去都仲要等, 晒咗成25mins, 我唔緊要架, 呢d係開工黃金時間. 我有個同事有次fever, 3pm排呺等到晚上八點幾9點都冇得睇, 佢就谷氣到唔打落門診問下, 終於咪拖延病情第2日睇出面既醫生sick咗囉. 既然你地高層咁憎d人返工時間睇醫生, 驚人地拎sick leave, 你地拖延個staff既病情, 本來早d睇下醫生食咗藥就快冇事, 依家咪出街睇醫生拎sick leave報答你地囉, 仲幫你地省下藥錢+醫生錢.

睇完醫生都成7:30pm, 就開始不斷做野, 冇停過手. 放咗工先有間間去拎藥! 咪返到屋企先食藥囉.