好奈冇同大家見面啦~

0係呢2個月我好努力去忘記唔開心0既事,工作 / 玩樂 / 休息....

卒之我都算係成功0左啦,why? 因為0係呢一個星期六,我決定搬離呢一個傷心地,從新開始我0既新生活.

因為一直以0黎而家住呢一間屋都令我想起好多唔開心0既回億,而家我決定搬走,從新開始.....

等我將一切處理好,我會再上0黎同大家報告一下.....

C U ~

卒之都有日半抖抖啦~

呢排個人日日都忙到飛起...

今日返黎可以靜靜咁瞓左成個下午....爽晒ccc

明天好想煮野食...因為好奈都冇煮過lu~

煮咩好呢????比d意見我

近排個人卒之回復返之前0既狀態啦,工作又開始忙到飛起,剛剛15~17號先出差返黎,而家夜媽媽仲要係home開O.T.寫report.

記得我係之前講過,我係倒數日識0左新朋友仔嗎?佢真係0係呢一段時間比0左好多鼓勵我,起初我0既情緒都經常反反覆覆,一時開心,一時一個人又好唔開心....,大家唔好誤會佢唔係我男朋友,因為我仲未想拍拖..哈~哈~,而且佢係年齡上亦唔太識合大家...cccc

呢一個朋友仔由2007年1月1日開始,每日都同我傾好多電話,打好多短訊(我估佢今個月d電話費會好大獲)..哈...哈哈...期間我由一個灰灰地0既人去返去以前開心0既日子...而且漸漸亦真正放低了0個一個唔愛我0既男人....

今日我起返身,我相信佢都出0左好多力,但老土0既說話我唔會講,於是我就送左一份小禮身比佢,當多謝0左架啦ccccc

而家最緊要就係要追返之前狀態,工作上所以我又回復返之前咁,日又做,夜又做...返到屋企都做,希望可以做到好d0既成績出黎啦...

忙完一個星期,又到左星期六,今個星期亦有少少鬧情緒唔想出街,可能呢個星期發生左太多事啦...工作又忙......

真係有時好唔明點解d老細,咁鍾意叫d伙記出差.......聽我咁講好明顯黎緊我又要走啦.....仲要一走走3日...嗚.........

星期一...一大早趕返公司開完會拾下d手尾就要走啦.......,趕上去六點鐘同分公司d同事食年夜飯......,第2日又要左見見,右見見好似拜年咁見客.....到左星期三上午仲要安排多3-4間公司見埋食埋午飯先比走人......估計到左星期三冇9:00-10:00都返唔到香港......慘慘....

因此一想到咁就咩心機都冇晒.....成個down晒.....邊到都唔想去...好想靜靜咁一個人....因為下個星期實在太精彩啦......

其次昨日佢又返過黎....又係果句啦..想再一次一齊...唉...推佢都推到個人煩晒.....悶到死...

不過佢返黎果時發生左一段小插曲,就係當佢同我講講下0既時候,我有個朋友仔打比我,於是我就冇理佢同我朋友傾左一陣,點知佢以為我有左新男朋友,好唔開心咁就走左.可能咁會對我同佢都好d,因此我冇去為呢件事去解釋d咩...就由得佢誤會啦.....

雖然比佢睇到我咁花心唔係幾好,但希望因為咁我會可以得到安靜下.....

其實有時都問自己到底仲愛唔愛佢?好老實7年感情點會咁易放得低...不過佢既然千辛萬苦都要同果個女人一齊,未就當我成全佢囉.起碼今日我一個人活得開心又精彩....而且我始終到呢一刻都忘記唔到當日發生既一切....真係過唔到我自己...

希望今日自閉下...明天個人又開心返啦......

昨日同0左3個朋友出左去荃灣打邊爐.....我地叫0左好多好多野食...不過仲飲0左好多好多啤酒.....埋單果時足足有18支.好彩我冇咩點飲cccccccc

面對一(木台)美食,當然有我最like0既墨魚丸..魚雲..肥牛..蠔..豆腐..花枝片..牛骨髓..等,同埋我唔食0既鴕鳥肉..山根..粟米..本來我好想要蕃茄薯仔豬骨湯底.........不過最衰都係台長..比得2個選擇我,仲話一係鴛鴦..一係麻辣..嗚.人地都唔食得辣....即是冇得選擇....人地種意酸may may麻....而且蕃茄食0左又會令令喎.....

卒知係有少少唔忿氣0既情況底下面......我決定左嘿.....嘿....打劫台長.....哈哈.於是我就係咁不停比酒佢飲,到佢飲到 high high 地0既時候我就出手啦....

次次同台長係荃灣打邊爐,我都會落樓下7-11扭旦...次次冇3-4隻都唔收手....於是昨既我又開始一個又一個5蚊咁問佢有冇啦....最後佢比我問到煩煩地,而佢又飲到high high地就同我講"打開個袋你見到5蚊就拎啦...唔駛問我架啦"哈哈~ 得左....最後我就拎左佢總共6個5蚊共30大元.....

當我滿心歡喜去樓下扭旦之時,一個唔少心落樓梯果時就扭埋自己隻腳(仲係上次踩單車比腳踏扑中果隻)....呢次真係衰貪心啦.....

返到上去亞蜂見我扭得咁開心,台長又咁樂善好施,佢又一個人認捐0左2隻比我(不過係佢扭返黎).嘻嘻.....同佢地一齊我真係好開心呀...因為我昨晚又過左一個好開心0既夜晚囉....

今日一大早就起左身,可能因為昨晚(訓)得唔係太好0既關係......

半夜04:00幾開始個人就一路訓下醒下,係半夢半醒之間我記得我發左一個夢....內容到而家都已經好模糊啦...不過好依稀記得有我個初戀情人出現過....哈哈....講開初戀情人,唔知點解到0左而家我對佢仍然係有一種放不下0既感覺.....相信呢一種感覺至死我都係放不下.....不過如果要再一次一齊,對於我同佢又唔可以囉,keep住而家咁反而仲ok...得閒就係個腦入面拎返出黎回味一下....相信係唔同0既心情同時間,都會有唔同0既感覺.....

我自從由2006年6月9日到而家,一直都未有清醒個做人,一直都keep住傻下傻下又一日,迷迷糊糊咁過一日得一日,不過唔知點解生完日之後開始,個人好似開始醒返咁,再去到而家2007年0既1月8日(即今天),我有一種好強列0既鬥心出返黎,好想再一次試一試到底我係未可以企返起身?

由今日8:30到而家1:00啦,我一直係到睇返以住半年0既文件,執返有錯0既地方,好想再一次由我手將呢一條被公司認為係死線,再一次起死回生.......(願主保佑!!)

對於感情事,我已經死了心,一切隨緣啦~ 有未必好 冇亦不算差,有可能過住我太執著於呢一方面啦....反而忽略0左好多身邊應該重視0既事....

前日...星期六...佢又返左黎....我冇阻止又冇歡迎....只係好平淡咁將佢當係一個普通朋友咁對待....我相信佢都好奇怪點解我會咁.....佢一時又話要同我睇碟(天行者),一邊又叫我食野,一時問我東...一時問我西,我都只係好冷淡咁去回應.....心想一切都已經過去了,半年實在係太奈啦.....算了吧!!

人生總有不如意事出現,有時跌到拍一拍人就自然會企得返起身,只係今次跌得比平常痛一點,傷一點,所以我一時企不起來,現在雖然企得有點唔習慣,但行多陣就一家會適應.....

以前在工作上,常常有一股充滿自信的氣勢,由半年前開始到現在,我已很久沒有感覺到她存在,但不知什麼原因,我今天我覺得她回來了.....

哈哈哈...真係大頭蝦....原來今日係我舊曆生日cccccc

好彩今日同個朋友仔一邊傾長途,一邊講開舊曆呢樣野姐......^^

唔係又白白過左一個生日啦.....cccc

其實講黎講去我未又係搵個籍口去玩...哈哈~

卒之我約左個朋友同我去左食韓國燒烤........

明天又有朋友仔同我去打邊爐......再咁落去我睇怕我好快又會肥返啦.......

食埋呢2餐我要謝絕對外應酬一排....減下先再玩過....

今日一早收到個朋友仔0既短訊.....內容係:

香港天文台報導近日氣溫會持續下降,呼籲市民多穿衣服,及留意家中長者,尤其是獨居老人,必要時使用平安鐘,另加開禦寒中心,特別報告完畢!

真係比我個朋友仔激死~

咩叫獨居老人....仲要用埋平安鐘....嗚....

我唔要做獨居老人.....唔要平安鐘...........