好很多意見。多到好很煩。

老實講，我除左醒少少同打字好q快，無一技之長，轉工又轉得多過人，幾年經驗價又唔哎得低，邊有人請先？同埋而家辭左工無得外遊喎。
係度做左一年，絕對係磋跎歲月。日日企巴士返工之餘做既野又無滿足感，政策令人好無歸屬感。工作上我又唔係做到佢要求，嘈埋d無聊野。

人地都諗住過多一兩年退休啦，係咪條命咁苦份份工做唔長ja？

我話走d人又唔捨得我叫我唔好由一個火坑跳入另一個火坑；
我唔走d人又講公司奸起上黎炒我個底畫到花晒(唔知佢地知唔知我已經好花XD)；
中肯d要走但搵到工先走我邊有時間見工喎。

決定走果時叫人地等多陣先，決定留果時又講公司壞話。哈哈哈哈！

其實尋日係想blog見到貓貓囉…
啡黃虎紋，好純架！喵左我埋去摸佢。同場有個男人餵梗佢食野，話貓貓俾人五花大綁過，而家食唔落野 T_T 真係變態架！點解要蝦隻咁善良純品既貓貓喎？
我打算每日經過樓下都探下貓貓同佢玩下，野貓鍾意free，我唔會捉佢返屋企咁殘忍。

去睇大馬男新居。我好日唔出城，一出城遇著塞電車喎！塞電車喎十年唔逄一潤啦頂！兩架巴士炒完唔肯開走。當時係中環，左右都係馬路落唔到車 =,= 堅係進退兩難。
DINNER食肉骨茶。大馬味，有生蒜同辣椒甜醬湯又夠藥味。覺得自己食得好正宗因為其他人唔識點蒜茸囉 XD
然而黎到香港玩入鄉隨俗囉，加湯竟然要收錢，而且唔係收十蚊廿蚊係收一個細煲價。點解要破壞傳統先？係大馬加兩蚊俾人罷吃架！我留返三十五蚊買機票去大馬食。去總店開張vip card，折呀唔使打喇，buy煲get湯free啦！

拍拖就會忙。
這星期跟大馬男一起，加深彼此的了解。香港人當中，最了解佢既係我！！
例如經驗不同雞翼，認真的柱不是屎。

可是，總有些地方需要磨合，我們都在探索當中。
你晏晝食咩呀？
谷飯。
(食五穀飯即係糙米果d咁健康？！)
食海鮮谷飯。呃人既，都唔係海鮮汁係芝士汁黎既！
(知道係咩喇，陰陰咀笑…)
你笑乜？海鮮汁…我講錯咩？海‧鮮‧
無呀，係海鮮呀，你食谷飯丫嘛~ 哈哈哈哈！
估到未？焗飯呀大佬！

尋晚十一點又話唔會係清晨時分掛8號，但翌日既船全部停駛晒囉。個颱風唔勁打唔正會停駛架咩？
今朝七點八先掛喎，講真呢個時間好多人都出左門口啦。明知要掛又扭扭擰擰，好唔想掛咩？股市又升梗呀？
anyway我無諗過今日返工 XD even朝早未8號，我都打算病梗唔返，等到下晝掛就明正言順休息。OK啦，開電視睇到8號繼續訓。

我今日係俾嗚嗚聲嘈醒架，可想而知吹得幾勁啦！樓下d樹吹到fing fing下，幾想影低佢呀！XD
打幾次風，終於打得成牌！9號風球我先出街 XD 自問有返咁上下份量唔怕吹走，但好塌樹飛窗囉！行街又怕俾野跌落黎澤死，行到商場又驚d落地玻璃爆裂…一步一驚心幾鬼刺激。
我冒咁大風險出街，細佬好無義氣打得4圈哎走囉。

白腊camp取消。大馬男今晚班機取消。大馬男黎親都打風，第三次囉。
聽日既節目係wii party。四個人玩賤兔，實笑死 XD
如果拉到燕燕打麻雀，俾個機會欣欣覆啅啦！哈哈哈！

上一次9號風球…同爸爸媽媽係艇卷住張被睇水龍卷。
懷念，在避風塘的日子。

上個月病，睇四次醫生，人都癲。
又病，因為公司裝修長期焗熱氣，同事一病，傳染。
睇到好熟咯，流鼻水，喉嚨痛，發燒，感冒。

雖然我喉嚨到爆，但我仍然想返工。大馬男叫我唔好返喎，佢咁錫我，我咪唔返囉。
仲因為谷鬼氣，七月成個月落雨，公司出warning話我成日遲到。我連邊段路塞車都寫埋出黎，仲想點？

仲想做到結婚tim架~ 無lu。
魚b叫我去日本。好吸引，不過返工我無假，唔返工我無錢 XD

咁多種球類，我諗我最憎都係羽毛球，永達都掌握唔到個距離。
球拍一揮，真係無球囉。

大馬男問我聽日羽無球賽支持林丹定李宗偉…如果李宗偉贏就係大馬國第一面奧運金牌。講得好興奮！

山埃同批霜你揀邊種丫？ 阿媽同女朋友跌落海你救邊個先丫？
本是同根生相煎何太急。

我支持奧運。

噢~ 樹！答得太好了吧。

來電。壓低把聲神神秘秘。
阿妹︰家姐，超級市場有新野賣呀！
本人︰咩呀？
阿妹︰燒賣餅！
本人︰有無蝦餃餅呀？
阿妹︰嘻嘻…唔知呀，果個人係咁哎燒賣餅燒賣餅…
有d唔妥。
本人︰燒米餅下嘛？！
阿妹︰嘻嘻…嘻嘻…

頂！挑戰我d非純正廣東話呀？
你家姐我好很堅的，請由這一刻開始崇拜我。

夢裡面，我哭得一敗塗地。那個我，悲傷、軟弱、無力。

醒的時候，我幾乎是苦著臉，差在沒有淚水。

是夢是夢是夢。我只能這樣告訴自己，卻揮不去那層黑。

不要問我為甚麼，如果你要我解釋夢，不如去看彿洛依德。

安慰也是多餘，我又沒有哭過。要我將真實和夢境混淆嗎？