係大梅沙番黎之後，因為大家晏就都食得好飽既關係，決定左去睇呢套80分鐘死亡直播(比女友估中左我係唔會主動話去睇 嘿)，搵左好多間戲院，終於搵到The Grand Cinema開得最快，拿拿臨打的去，不過好似都遲左10幾分鐘，不過後尾睇番影評，開頭半個鐘都係悶野！如果你好似我咁，未睇之前比人係咁嚇既話，你應該睇完會話：扯！都唔係好驚之麻！不過如果你諗住唔驚既話呢，又相信你會好似佢偷拍試片戲賣廣告果d人既樣咁，劈大個口得個窿！值得推介！不過真係要睇就入戲院睇啦，包你唔同feel！提提你，有人話最後10分鐘驚到劈唔大隻眼.....嘿嘿嘿

承接番上一篇文，黎到大梅沙，除左游水晒太陽之外呢(我兩樣都矛做到)，就緊係飲飲食食啦！間間都話自己係乳鴒王，仲以為自己去左中山！左上角既兩幅其實係上車前既quick lunch黎既，因為收工都未食晏呀麻陰公！仲差d趕唔切上車添呀！好彩！之後既就係係其中一間乳鴒王既美食！同亞比利鬥快飲啤酒，比佢衝破到2秒9添！唔覺唔覺又飲左1打！埋單只係3百5！抵！！

第2日坐車去左小梅沙，點知個沙灘成個都係私人，要比錢入場，諗住去另一個海洋世界睇下，點知又成百4蚊入場，緊係唔制啦！又去左一間自稱乳鴒王既地方4個人食1個sunday brunch啦！唔係講笑，大家真係起擦得，亦因為呢餐我地4個都矛食晚飯囉！哈哈！

3個生日 / 1隻乳豬 / 12個朋友 / 18樣餸 / 41支大啤 / 1打壽包 / 0食剩野 / 10蚊支啤酒 / 1千5蚊埋單 / 幾個醉左 / 講完

祝亞ray哥生日快樂，早日投入番非單身既生活啦！(雖然佢一定唔會黎呢度睇，又唔會想我將佢擺上網，哈哈！)

矛啦啦鸚鵡到港一遊又多一日假期，仲打到9號波咁勁添，記憶之中都好耐世紀之前啦，對上一次打到9號，不過今次除左朝早d風同雨比較勁之外，其他時間都唔係好嚇人！圖中究竟係咩黎？咪就係鸚鵡先生既風眼囉，係咪好靚呢？

尋晚終於都同女友睇左啦，好一段時間矛同女友睇戲啦，所以幾趕都要係深圳衝落黎睇呀！買飛既時候，比我發現左新大陸，原來網上可以攞飛果部機，仲可以用信用咭或者八達通買飛，仲可以買即場，咁就慳番時間排隊啦！又兩個鐘既一套戲，呢期都唔出奇，套套西片都睇到屁股痛，點知睇一睇連內衣少女都有兩個鐘，真係嘆為觀止！好，講番套戲，其實都算緊湊，唔覺唔覺都已經結尾，不過估唔到楊紫瓊既國語咁水，又估唔到佢係古代人居然忽然國語又忽然英文，仲估唔到Isabella既英文都扮得幾流暢！不過畢竟第3集啦，果d嘔成千隻小強出黎既畫面已經起唔到第1集時既緊張同震撼囉！但都算近期值得睇既戲啦！

邊度係大過仔？大角咀呀！哈哈！今日本來亞嫂吹雞食飯，吹吹下得番佢兩公婆同我，問我出唔出？我答：出！死未！哈哈！諗去邊度好呢？忽然諗起去過呢個香港既馬爾代夫，點解？有酒飲有鑊氣有煙食，最緊要係有冷氣麻！叫左半隻白切雞，經亞嫂把口證實的而且確係新鮮雞，不過浸得熟左d！再黎兩味椒鹽野，包括椒鹽骨(一般！)同埋椒鹽鮮魷，呢味不得了，好有天婦羅既氣勢！連我唔係鐘意食海鮮既都食唔停口！仲有一味係我話事既炸大腸，彈地(即係亞嫂老公)話有陣壓壓地味，岩晒啦！係呢隻味啦！三個人飲左11枝大啤，飲飽食醉，call車番歸，下次湊多d人再黎幫襯！最想試下果個有雞有石班有生炒骨共八味餸，仲有紅酒送既生日宴，12人只係600蚊咋！