呢度同男人住得好地地都四年了...

細佬自上年四月返咗香港一齊同我住後, 我地兩個有諗過呢到一到期就搵過一間大的三房同番媽咪一齊住等有個照應 (另外同男人分開了, 呢度一到期佢就會搬返屋企住了...) 但無奈發現依家d租金真係升到....真係mark 大個口得個窿!!!  計過條數, 可能維持原狀同媽分開各自續租可能化算d, 擔心的只係唔知今次業主會加幾多租....點知我地個如意算盤......!! 

由於我住個單位成楝都係同一個業主的, 加上四年前啱啱租時正值樓巿低潮期, 當時租金真係好平呢!!  兩年前再續租時業主都冇加太多, 只係每年加幾百, 所以到今時今日我交個租金都仲係好低! 依家呢個租金想响灣仔租的話, 我諗只係可以租一個靚同大o既 "套房"!!!!  原本諗住如果業主加租加到9千我都應該會續租的...但點知前日仲同業主個代管agent 傾話應該續時, 佢尋日已經再打黎話業主決定唔會再續比我, 因為兩年前續租時業主已經mark 低我個單位要收番黎做大維修執漏水!!!  真係 oh no!!!!!  佢話唔係我唔好客, 只係業主錫住楝樓, 所以佢一定要收黎做大維修! 

對於我, 你講咁多都係一個藉口!  雖然業主的確係有一班判頭長駐响度做維修的 (其實都幾好服務) 但佢維修後再放租, 差唔多可以收double 租咁濟, 比我係咪都話收番先啦! 個agent 同我講月中有個同一個layout 的高層單位會放番出黎, 但佢暫時未知業主放幾錢..so far 有新客入都要萬二, 佢話我地真係搬上去都可能要一萬!! 所以佢話我地最好都响出面搵一搵樓以防萬一冇得租..其實一萬呢個數响灣仔租呢個呎數的單位, 講真係抵的!  只係續都要咁...唉! agent 又話如果續佢地都循例要收一千做手續費, 加埋業主簽租約又要share 一千幾做律師費, 好煩呢!!  最弊係剩番一個半月時間要我霎時間再搵樓, 真係omg!! 

同細佬傾過如果加到一萬, 加埋媽咪租開另一邊都萬中啦, 我地可以試下出去搵三房呢~  但住開香港的我真係住唔慣九龍呀! 加埋我上網睇過九龍d租都唔係平得幾多啦, 真係頭都痕埋!  而且我住開的都係好實用間間房都好大的單位, 依家d 樓真係....我都唔明d房點可以細得咁交關???  所以依家要搵三個大房真係好有難度啦! 

可幸係我地有個相熟响灣仔幫我租咗幾次樓的 agent, 佢真係好幫得手呢~ 以往幫我搵的樓都好好同埋佢好幫得口, 連原本只放賣唔租的盤都可以講到個業主肯租比我地~ 前日打比佢問佢有冇三房盤, 講真呢個時間响灣仔要搵三房的單位真係極度渴巿呢~ 連佢有咁多街坊盤的都話好難搵呀!  但好彩, 尋日有個業主咁啱就打比佢放個盤出黎呀!  同細佬放工睇咗, 個業主一家都好nice呀, 佢地仲諗住反轉間屋裝修, 連廚房廁所都執埋, 三個房都有我依家個度咁大呢, 地點又靜中帶旺, 真係好難得呀~~  萬五講真呢個 location咁o既實用大size加全新裝修真係值的!!  加上佢裝修期啱啱好夾到我呢邊退租期, 真係 perfect match!!!!!  真係同呢個agent 夾到爆, 每次都會有好嘢搵到! 真係年底又要比利是啦~ kakaka

啱啱再通咗電話, 星期日再日頭睇多次就可能落訂了, 因為業主好似有麻雀腳同親戚都想睇個單位...但媽咪因為返咗日本星期日都未必可以返得切黎睇, 我地可能影想比佢睇算了!  希望一切順利啦~

隔咗兩年冇去旅行, 令我覺得呢兩年過得好慢同好攰~

每年一度的旅行原來對於我係好重要的~~

舊年年中細佬由美國返咗香港同我一齊住, 佢就由4月落機到依家一停咁飛, 佢話搭飛機仲多過地鐵...@@"  所以我求咗佢好耐佢至肯陪我再飛過啦! YES!!!!

其實前幾年我已經想同男友一齊去柬埔寨架啦, 但礙於當時政局至啱啱穩定咗d, 所以都係冇去到~ 所以今次難得有假期, 加上我地兩姐弟都成十幾年冇一齊去旅行啦, 所以幾開心呢~

細佬鍾意影相, 佢返黎後攪到我都鍾意影埋  (當然係snapshot 個d.....） 做multimedia designer的佢, 影相都有一手的~ 呢排我睇得多佢d相, 攪到我影相都跟咗佢d style, 所以一人一部相機去到就係咁影~ 但我地兩個都冇咩點影人呢~ 哈~

其實去柬埔寨, 心理上一定唔可以抱住一般的旅遊心態, 因為唔係去嘆世界, 反而好多時都會令到你個心情好沈重好難過~  細佬肯陪我去其中一個理由係佢都好想去睇下當地民生了解個度o既歷史~ 其實我原本係想自由行去的, 但礙於我唔夠時間準備, 所以都係變咗跟團~幸而揀咗永安六天團星期六出發真係冇錯的選擇!!   加埋我事前上網睇咗好多有關柬埔寨的資料同人地的旅遊blog, 令我對呢個trip更加感興趣~

呢個trip其實已經睇到好多我想睇o既嘢, 唯一遺憾係吳哥窟....吳哥遺跡其實經常比人誤叫做 "吳哥窟", 但其實吳哥窟只係吳哥遺跡的其中一個古跡, 整個遺跡其實有過千個古跡, 好似大吳哥城, 巴戎廟, 女王宮及塔普倫廟等, 跟團因為得一日入場卷, 所以只可以睇以上幾個最出名的古跡, 如果自由行, 我一定買兩三日個隻入場卷慢慢睇~ 最可憐係去到吳哥窟時, 因之前有旅客响塔頂高處比韓國旅客唔小心撞到滾咗落黎受傷, 所以我地去到時, 通往最高塔頂o既樓梯係封咗冇得上呢, 冇得响上面睇景同日落, 有少少遺憾~

但其他行程, 因為呢個團响金邊同暹粒的當地導遊都好盡責, 我真係有史以黎第一次跟團會听哂導遊行遺跡同博物館講o既嘢~ 吳哥個邊每位導遊都係要攞工作証同著制服, 不時要去考有關吳哥的試去續牌做導遊, 所以個個都好pro... 至於金邊, 呢個導遊听聞係幾出名的, 佢真係每一處都講得好仔細, 其他導遊我見過响博物館入口講完就講集合時間跟住就尤得團友自己睇, 但佢帶住我地, 有特別o既都會講解, 加埋講背後的民間故事, 幾有趣呢~ 真係幾開心join咗呢團~

今次個團包咗睇幾多景點呢~ 有金塔山寺, 獨立紀念碑, 波佈戰爭陳列館 (S21), 西哈努克親王皇宮, 只有星期日早上開的sunday market, 吳哥遺跡, 國家博物館, 萬人塚, 俄羅斯同埋中央巿場, 湄公河等等~ 另外有一朝空檔時間我提議自費去洞里薩湖, 因為個度係全東南亞最大的淡水湖, 真係大到好似海咁~ 加上個度有獨特的上水屋, 可以睇下當地居民真正的生活情況, 還好其他團友讚成去, 唔係就睇唔到呢個咁值得去o既地方啦~ 跟住仲有到咗湄公島時, 我同細佬趁團友睇表演時走咗入島上一條村, 個度平時冇陌生人會入去的~ 我同細佬入到去d村民都好好奇, 但佢地都好nice咁打招呼同比笑, 有個媽媽仲好好人咁比我地上佢間茅屋度睇~ 其實佢地連基本生活衣食住行都有問題, 但佢地每個人都好善良, 心靈上好似好滿足好快樂咁~ 我地物質上咩都好過佢地, 但人性最純真的一面好似被淹沒咗咁~ 唉....

跟住最後一日的下晝就同細佬自己周圍逛, 所以我地兩個跟團得黎都睇到幾多嘢架啦~ 哈~

希望大家比d耐性睇下d相啦~ 其實影咗好多, 但hompy太煩啦, 所以只係upload咗d 去rockyou..大家睇slideshow啦~ 好多details 嘢我响都講唔到了, 希望大家有機會都去下呢個國家, 了解一下呢個經過幾年人間鍊獄血洗大屠殺o既國家的過去同現在~  感受會好深呢~

太耐冇update hompy, 完全唔記得咗呢度係可以post 相的..-___-"

原本想將12 月去柬埔寨的相post 出黎

但發現copy我 post 响地二度的嘢, post 响 hompy即係要我打過咁濟..@@

所以放棄了... 唉~

至於一月尾返日本的相...睇下點先...copy & paste 又係會亂哂..

唉...都係得閒先算....

新年...一個字....懶!!!! 

前天在家待著沒事做....不停的找 ktv 來看...
給我看到這首歌~
說真的, SHE 並不是我的那杯茶....但某些歌曲還是蠻吸引我~
尤其是 Ella 吧~~  我真的是比較喜歡中性的聲音..

在沒有心理準備下先找了原唱來听.... (這是我的習慣, 听過好听我才會 dl KTV...)
嗯.....一邊听一邊已經落淚了...  
很快的 dl 了 KTV....看著看著.....才知道她與 [薔薔] 的事~~
後來在 ELLA 的 網頁上看到 [薔薔] 更多的資料...
嗯...哭得很厲害~~~  跟著跑了出客廰抱著我的 "噹噹"...
由第一天收養 "噹噹" 起...我已經跟牠說千萬不要很快就離開我~~  
他今年己經 7 歲了...(跟著我己經4年了...我想已過了他人生的一半吧...)
一向看來很健康的他....在今年檢查時被医生發現有少許心漏的情況...
医生說並不嚴重....只要多些留意健康和觀察他呼吸的情況就好了...
但回家後仍不禁落淚....抱著他不停說教~~ ("不要亂跑喔~" "不要亂跳喔~"......)
很難想像到他要離開我的時候會怎樣~~~ (希望他會長命百歲呢~ )
希望我都會跟 Ella 一樣堅強吧~~  我祝 [薔薔] 在天堂也活得快樂~
今天傻了.....請大家見諒~

這裡是 [薔薔] 的 歌詞及 MV....


薔薔

作詞：Ella　作曲：Ella　編曲：王治平/Josh　演唱：Ella

還記得妳喜歡咬著我的手　然後給我妳嘴裡的球

要我陪妳玩丟丟

妳喜歡我摸摸妳的小耳朵　窩在我的身旁

沒有煩憂　在夢裡遨遊

好狗狗　好狗狗　謝謝妳陪媽咪這麼久

妳並沒有離開我　是搬到天堂生活

＊薔薔　妳要記得我　妳不要走丟

　快快找到天使　在天堂給我(們)保佑

　薔薔　不要忘了我　還有親愛的阿姨叔叔和妳的朋友

   妳永遠活在記憶中

Repeat all once

薔薔　謝謝妳

Repeat ＊

有關[薔薔]這首歌的來由....
http://tw.news.yahoo.com/article/url/d/a/070817/35/iwsr.html

這陣子心情不太好過....
雖未至於低沈...但總覺得空虛無奈~~
可能由於覺得無助....真的很想可以跟人擁抱~~
以往每天起床都會跟枕邊人來個morning hug...放工回家都會來一個...
我想我是一個很需要人照顧及依賴的人吧.... (不要看我樣子滿堅強的.....)
每次相擁都覺得好幸福, 感覺很實在~~
現在沒有了....每朝醒來都覺得有點落寞......


嗯~~~ 看著一些我信任的背影...真的, 有衝動飛撲去擁著...
但礙於會嚇怕人家....還是收歛下來...-____-"
某人近日曾被我不斷的 "索抱"... 對不起呢... 我有點任性吧~~
謝謝你網上的抱抱公仔... 那刻真的滿足了..


今天看到了 free hugs 的片段...
一邊看......雙眼都紅起來了.......
真的希望我當時也在街上..我一定會給他一個深深的熊抱~ ( 應該說他給我吧!)
看著他由沒人理睬...到後期萬人支持....很感動呢~~
大家看完這段片...有機會再看看其他國家的 free hugs 行動..
看到日本, 韓國 及中國的......人真的很可憐啊~~~
充滿不信任, 奇怪 及猜疑的眼光...甚至有少許冷眼吧~~
不竟亞洲人文化跟外國不一樣.....還需要點時間吧~~
但看得出, 很多年輕人是很想走近嘗試的...但最後都不敢~~
有人先做了.....  跟著大家都放鬆去接受擁抱了...跟著一個又一個歡欣真摯的笑容~~
倘若那刻有一個想做傻事的人走在街上剛好遇著他們的話...
我相信他一定會放棄原先的念頭.....一個擁抱在沮喪的時候義意真的很大呢~~
太多廢話了....  是時候停~~
希望大家看完都會有幸福的感覺~~

細佬返HK都一個月啦..依家一間屋三個人再加三隻貓...真係亂到呢~~

細佬佢有一隻美短叫 Minino, 佢已經11歲女啦..但個樣同行為一d都唔似呢...keep得幾好架~~ 佢其實都好痴人的, 唯一唔好就係佢憎其他貓!!!  我隻噹噹都唔鍾意, 但好似妹妹黎個時咁, 佢都只會 hea 幾日就算! 但Minino係一隻比較sensitive 的貓, 佢真係一見到噹噹同妹妹就會 hea..... 佢攪到連我隻善良的妹妹都 hea 埋佢一份!! 點算好呢???? 

佢第一日落機就比鑊 "金" o既我地嘆!!! 細佬29/3返到 HK, 但佢第二日就同朋友去埃及玩10日!!!  我開頭真係好擔心佢隻 Minino 會好唔開心啦!  嗰晚我地出街食晚飯時, 就放咗佢入籠, 等佢同噹噹同妹妹見下面先...of cos, 佢地互hea得好較關啦!! ____"  到食完返黎, 細佬見佢咁慘坐咗廿幾個鐘頭監, 所以就放佢响房入面走下!! 佢可能坐完長途機兼見到有其他貓, 佢精神超緊張呢...連我細佬都想抓!!  過咗陣佢開始settle down咗, 咁我地咪開始幫細佬執嘢lor....佢就開個唊執第日去旅行d嘢~~~  Minino後尾坐咗上去個唊入面d 衫度...我望住佢同細佬講....

我:  "你望你佢, 你覺得佢依家個動作似做咩呢?  我懷疑佢去尿尿wor....."

細佬: " 你咪傻, 佢咁多年都好乖架, 佢曉去廁所的, 唔會瀨尿......."

呢頭都未講完...我就听到好大聲 "SU~~~", 繼而見到好大篤尿响個唊入面流!!!!  我地大叫但Minino都唔郁繼續痾....我諗佢忍咗呢篤尿好耐下, 真係好多呀!!!! >.<   我地唯有搶救d衫...但奈何差唔多成唊都濕咗!!  咁細佬第日點去玩? 冇哂衫啦!!  唯有我半夜打比同事請定假, 跟住半夜三更洗兩機衫再加熨衫啦 (我地冇乾衣機!!!) 就咁我就冇咗一日假啦! 見佢精神咁緊張, 所以我細佬去旅行個十日, 我地係將佢放响細佬房, 有獨立私人水, 糧兜同埋廁所...我費事佢唔見咗個主人會發癲~~~

好啦...過咗一個月啦! 佢同我兩隻貓關係都仲係好麻麻...hea 就一定架啦~~ 冇眼睇! 但呢兩三個weeks..佢己經瀨咗3,4 次尿....事源細佬要佢快d融入我地屋企, 所以逼佢用出面個廁所....係, 佢係識去的! 但我地發現佢每次想由房出廳, 噹噹响門口附近的話一定會大叫黎鬧佢...佢唯有退番入房~~~ 就咁...佢忍到忍冇可忍時, 佢就唯有响d cushion 度瀨!! (佢好醒知咩嘢吸水...-___-")   當然跟住cushion唔駛要啦..但後黎...佢竟然响個 bean bag度瀨....OMG!!! 成二千蚊旳!!!!  佢响度痾尿!!!!  好在d布係防水啫...唔係我真係喊啦!!!  但每次都攪到我地執餐死呢~~ 所以細佬決定咗唔比 Minino留响房...希望佢地三個會快d習慣到一齊啦... 唔係我地三個人就會比佢地三隻貓貓玩謝啦!!! 

細佬的貓貓 Minino   (我可憐的bean bag..>.<)

我可愛的妹妹...^^  (好cool 的 lady..)

我得意的噹噹..(用住舊相先....唔記得upload佢d相...hoohoo)

很久沒有update hompy....足足六個月的時間了~~~

近半年的時間...每日重覆地平淡的生活....上班下班...

連街也不想上了...發現自己像個隱閉中女~~~~ 

唯一安慰的是從網上認識的一班志同道合每日的在我身邊陪伴著我...

情人節前的一個星期...我作了個重要的決定....就是要跟這個相處了差不多九年的男人分開~~

是的....是刻意在情人節和新年前說清楚的~~~ 

好平靜的跟他說....但他是意料不到呢~~~

說著說著...我自己不停的落淚....我是真的很自私呢...我擁著他說對不起~~

我倆問題並不牽涉任何第三者...純粹是兩人間的問題...

說真的....捨不得~~~~  我也擔心將來未必可以找到一個肯這樣縱我疼我的男人...

但生活是現實呢....實在撐不下去....加上他近來的不積極....實在失望了~~

分開是必然的.....我想他會積極起來....不是要為我...而是為他自己呢~~

情人節那天去了看細佬 Ben 的結婚註冊儀式....很高興呢~~

那天他跟我一起去了, 還跟新人拍了照.....

跟著逛了一會兒街....在尖沙咀海傍拍下應該是最後一次於情人節合照的相片了...

一起生活了5年多....實在想像不到將來一個人生活的日子會怎樣~~

因為說分手了.....他無奈地要自己找地方搬出....時間嘛...我待他找到地方才算....

不能一下子趕他離開吧....但以他的個性...我好歹也給了他一個限期...以免他駛出 "拖字訣"..

我不是一個沒拖拍就不行的人....說真的有朋友就足夠...

只是我真的不可以一個人生活啊..我是一個連吃飯也不可以一個人外出吃的人.....

但無論如何...我都得適應以後的日子~~

幸好我的弟弟下月會從美國回來....他跟我一樣要一個新天地...

他在美國近十多年了...一下子決定離開他的工作和那邊的朋友....

他回來後想到日本闖闖...希望找到一份他真正喜歡的工作...香港嘛...他不喜歡呢~~

他為工作...我為愛情....大家都要加油呢...我想我連工作都需要一個新開始了...

一個人的生活負擔大了呢~~~  真的...我不可以再懶惰下去了~~~

希望我, 弟弟, 他...還有細佬ben....大家都要加油呢~~~~ 

ps. 時間多了...我想可以的話回來多點~~~~~

我...實在太懶啦.....竟然可以3個幾月唔寫嘢..

做人好似冇哂目標, 响度坐以待斃咁!!!  咩都等個天黎安排...人生冇哂意思..每日只係返工放工...一日復一日!!  我攪咩!!!  我希望我咩嘢都可以响年尾做到決定or改變....

呢排心情麻麻....身邊幾個朋友都一樣..個個都好moody...甚至乎大家用msn chat的時候...大家都有少少失控地互相單打...雖未至於嘈交... 但真的....一路睇一路打亦唔好過!!  難為中間做打完場的...我呢排d EQ...點解會咁呢?  咁快更年期?  wahaha....

心底裏其實知發生咩事.......只係小事.....我比人話得啱....maybe對人冇expectation, 咁就唔會唔滿意...咁就唔會令到自己失望而唔開心!  無謂為d小事而咁執著呀.. 我呢幾日諗通咗啦...心情好番d啦! 

我自己呢排做緊d唔知自己做咩o既事....原來我係會咁架咩?  我可能真係變咗啦....我唔太sure自己想點....just don't want to lose it!!!  anyway, 我知好多人都關心我錫我....希望我唔會再要人擔心我啦...

頹廢的我响度廢up......完