唔好意思呀各位, 小nat 好多好多日沒有update 了..... 一個字講哂: 忙!!

再加上之前流感高峰時我又中招, 又有紅眼症, 想望電腦多一陣都唔得. 不過現在已經好了好多, 大家不用擔心.

不過之後小nat upate 都不可能太密, 因為小nat 5月要考試, 我上年不是考得好好, 今年我想考好一點, 所以我一定要努力!!!!

我好想邀請大家join 我的facebook, 因為在 facebook upload 相片真的好快, 所以我會經常upload 言哲仔的可愛相上去, 大家又可以聯誼一下.

大家可以同我的email address add 我: nat_leung@yahoo.com.hk

好!! 講一講言哲仔仔先!

由上次到現在, 他已經可以...

1. 食湖仔

- 第一次食的時候, 真係好似要佢食"x"一樣, 又喊又叫. 但我們日日都試, 結果在3/4/08那一日, 他在爺爺麻麻婆婆面前(我餵呀!), 食得好開心, 一口一口地食. 真係好得意.

- 現在我們一日餵一餐, 慢慢加上去, 希望ok 啦!!

2. 拉住坐

- 現在捉住他的手仔, 他可以坐起身了. 而且叻到一捉住佢隻手, 佢就已經做定坐的動作, 好攪笑.

- 早幾日還坐在daddy 前面睇阿仙奴對利物浦, 好sweet 呀!!!

3. 作反身

- 都係"作".... 我未親眼見過.

係未好有趣呢? 你哋快d去facebook 睇佢的新相, 仲可愛呀!!!

http://www.facebook.com/album.php?aid=22439&l=5c882&id=626792945

http://www.facebook.com/album.php?aid=21590&l=2ab8a&id=626792945

http://www.facebook.com/album.php?aid=20182&l=3397e&id=626792945

http://www.facebook.com/album.php?aid=21117&l=8a575&id=626792945

http://www.facebook.com/album.php?aid=20669&l=d5705&id=626792945

最近經常和言哲仔玩的就是掌上壓. 由當日只可以抬起頭數十秒, 到現在可以有一分鐘多, 真是很叻仔.

而最有趣的是他最喜歡一邊做掌上壓一邊說話. 唔信, 可以睇片!!!

以前做實習時曾經想過做兒科, 因為日日可以和自己喜歡的小朋友玩. 但做完實習之後我就知道我是不可以做兒科的..... 因為自己太喜歡小朋友了.

看到他們受苦我會好傷心, 我會太過"角色"投入, 令自己好辛苦.

到了今時今日, 我都認為自己當日的決定是正確的. 因為最近有一個8歲的小朋友因為患了一個好罕見的病而入院. 他昏迷, 抽搐; 即使用了3種不同的抗抽筋藥, 再加類固醇, ivig 都沒有用, 最後要洗血漿.

我看見他時他已經入了醫院二十多天, 要用呼吸機, 沒有反應. 他的父母/ 婆婆好擔心. 他們對我亦好有禮貌, 而我一有時間都會向他們講解情況.

然而, 和兒科醫生討論過, 小朋友即使洗了血漿的情況也不見改善, 之後的情況也不見樂觀. 我聽了之後心裡後難受..... 因為他只有8歲, 之前可以上學, 可以和父母/ 婆婆玩, 現在就可能不能再清醒...... 太難受了.

不過見到他的父母/ 婆婆, 我仍然會支持他們, 也許遲些會有多點進步呢?

3個月大的言哲仔已經要面對好多男人都害怕的一個問題..... 這就是脫髮了!!

自從初一/ 二開始, 言哲仔就開始脫髮, 現在頭兩邊已經光光地.... 好肉酸呀!!

不過婆婆說這是"蘇毛", 脫落是必然的, 好快就會長出新的.

希望婆婆沒有騙我啦!!! 言哲仔, 你要加油呀!!!

相信大家都會發覺, 自從言哲仔出世而我又放完產假之後, 我update hompy 的次數就越來越少了.

原因好簡單---- 一個字"忙"!!

又要call, 又要做presentation, 回家後見到言哲仔更加將所有時間給了他. 所以可以用來update hompy 的時間就沒有了.

不過講開又講, 言哲仔現在真的好好玩. 又多說話講, 又多動作表情, 好可愛呀!!!

最近都有些開心/ 唔開心事想和大家分享:

開心:

言哲仔已經識得"kaka"聲笑, 雖然不是成日kaka 笑, 但每次聽到心都會溶...

大家可以click 一click 看看言哲仔的近照. (or 在facebook add 我)

http://www.facebook.com/album.php?aid=19106&l=90f4e&id=626792945

唔開心:

最近有個吸毒的年輕人因為肌肉嚴重感染入院,  最後在入院不足24時後死亡. 死亡原因相信和用了不潔的針筒有關.

我見她的媽媽時, 她好傷心地說: "十月懷胎, 個仔咁就死了.... 他雖然吸毒, 但對父母好好, 有好東西食一定會留給我們..... "

我聽了之後都好心痛.

新年過後就是醫院最忙碌的時候, 好多老人家在新年的時候都不會入院. 結果, 到了忍無可忍的時候才去醫院, 往往都是最差的時候.

最近幾日醫院的工作就十分十分忙, 忙到真係去廁所的時間都沒有. 一來病房已經full 了, 而來病重的人又多. 今日就有幾個老人家一來到急症室已經差到不醒人事, 要tube (插喉). 其中一個更出現低溫, 最後要用心臟起搏器和洗腎. 不要小看以上的幾個藍字的治療, 一來它們真的是可以救命, 二來一個早上要為3 個病人做這些事, 已經要花好多時間.

好在, 今日回家後可以見到小言哲而且可以餵奶, 真係好開心好開心.

點解咁開心? 因為星期一要放夜, 而星期二要和周生提早慶祝情人節, 所以回家後言哲仔已經睡了. 而早上我們上班的時候他又未醒, 所以可以和他玩, 餵奶給他真係好開心.

今日看見他, 又覺得他長大了一點, 而且更喜歡笑...... 言哲仔, 媽媽真係好愛你呀!!!!!

哈哈! 萬眾期待的言哲仔新年look 有啦!!

今年的新年look 有三個主題:

年初一: 傳統皇帝袍 (由婆婆+我贊助)

年初二: 型仔斯文look (由周生贊助)

年初三: sporty micky look (由女麻女麻贊助)

你哋覺得那一個最好呢? (初三未影相, 所以只有兩個造型)

新一年第一次寫hompy, 首先祝大家...

身體健康, 心想事成, 財色/ 息兼收!!

年初一, 二都比較忙, 要到今日-- 年初三, 當值的時候才有時間打hompy, 真係唔好意思!

大家都知啦, 今年是言哲仔第一次去拜年, 我們作為父母的, 一定要部到足, 做到足啦. 首先, 我們已經一早準備好幾套好掂的拜年衣服, 有中, 有西, 有sporty look. 真係好可愛, 好靚仔!! 而且, 每次去拜年之前就讓他食飽, 瞓飽, 於是見到那些親戚時就可以好精神, 好得呀!!

初一:

今天言哲仔好乖, 平時都會扭計的他, 今日十分聽話, 成日笑咪咪, 令大家都好開心. 去到爺爺家時, 剛好睡著了. 不過這樣都好, 因為睡醒的他更好玩. 結果, 當他睡醒, 食飽奶後, 會姑娘/ 伯父們玩得好開心. 他那迷人的笑容又迷倒了不少人啦!!

初二:

今日婆婆回了佛山過節, 而我們今日就要去海怡拜年. 今日言哲仔玩型仔look, 穿了一套由daddy 買的套裝, 好有型. 而他今日都好乖, 在車上睡了半小時, 去到親戚家時又大送笑容, 令大家都好高興. 而且佢乖到食完奶就自己瞓, 不用我們"tum", 真係好好戲!

好啦! 一次過記錄了言哲仔第一年拜了的情況, 回家後, 再upload 仔的型仔拜年look 給大家看啦!!