天是藍色的... 草是綠色的... 而你o既心係屬於咩顏色o架呢?
- + Connie 日記 +
- + Maggie 日記 +
- + Money 日記 +
- + 傻佬日記 +
- + 阿雯日記 +
- ~BoscoForum~
- ~Boscoland~
- ~嘉樂fans club~
- ~學而fans club~
- ~旺一丁~
- ~晉善晉美~
- ~晉在安中~
- ~楊怡fans club~
- ~隨晉而安~
- = 台灣論壇 =
- = 材之素屋論壇 =
- = 蕉仔俱樂部 =
- = 迷你論壇 =
- * 四千金 *
- * 樓上舖 Cafe *
- + 朋友日記本子 +
- ~ Fans Club 本子 ~
- = 論壇本子 =
- * 其他正網頁 *
|
| |
|
|
|
|
|
|
February 02,2006
~重要消息~
唔好意思呀~ 各位睇我日記o既朋友仔
~ 咁耐都無係度寫日記~ 因為依家我係第二個日記網度寫日記呀
~ 如果你地有時間就去睇下或者留言啦....
http://hk.myblog.yahoo.com/fannyxshan/
多謝大家一直o既支持呀... 無言感激~~~
January 19,2006
心如刀割... 個心好痛~ 好痛~
2006年01月18日 (星期三)
今日心情真係跌到落谷底... 好唔開心好唔開心好唔開心... 唔知去邊度發洩好... 淚...... 終於流下了... 而我個心... 忍忍忍忍咁作痛.....
因為... 今日比我知道... 上星期六我帶去愛協個隻狗仔(蕃茄)... 係2005年01月17日 (星期二) 已經人道毀滅了... 只係兩三個月大o既蕃茄... 未嘗過開心o既事... 未食過好野... 咁就離開o左我喇... 雖然我只係同佢玩o左兩個鐘左右... 但係我個心好痛... 好痛.... 我覺得係我害o左佢咁... 係我整死o左佢... 係我將佢送去愛協度... 如果我唔送o既話... 佢依家呢一刻仲生存緊... 可惜.... 依家我講咩都冇用... 蕃茄.... 已經真真正正咁離開o左我.........
心情極度低落... 咩都唔想講.... 只係想同蕃茄講：『對唔住呀，係我害o左你！』
P.S. 多謝傻佬陪o左我咁耐呀...
January 15,2006
難忘o既經歷
2006年01月14日 (星期六)
今日傻佬叫o左我起身... 就拿拿臨去梳洗啦~ 飛奔去等車... 好睬唔屎奇哥等... 今日諗住hea大半個鐘啦
... 因為佢地係返9:00am... 而我係返8:00am... 點知一坐低無幾耐... 細怪獸已經返o左喇
... 原來今次係細怪獸long week... 記錯晒添
...一.一"
好快就放工... 傻佬好準時咁等我... 首先我地去o左油麻地度食野先
... 仲食o左盅龜令膏添... 好食
... 跟住就去o左食雲吞河... 然後就出發去西貢個頭喇
... 今日諗住去行下山... 點知中途發生o左件好特別o既事喎~ 事源係咁o既... 我地係出發五分鐘左右~ 我見到有隻狗仔... 好得意喎... 咁咪行埋去睇下囉... 佢仲好似叫得好慘咁
... 睇完就諗住走啦... 點知隻狗仔卡住o左係舊石度... 又行唔到... 又出唔到喎
... 仲係度嗚嗚咁叫... 我真係唔忍心見到佢咁
... 所以我同傻佬搞o左好耐先至抱到佢出o黎呀
...
拎o左佢出o黎之後... 我將隻狗仔抱係手度... 再掃一掃佢背脊... 佢就即刻係度叫... 死啦... 佢好似受o左傷喎
... 於是傻佬就係咁打電話比d愛護動物協會呀... 漁農處求助啦... 其間隻狗已經不知不覺咁係我隻手度訓o左覺喇
... 等愛護動物協會其間... 傻佬就襯呢段時間執乾淨部車... 而我就抱住隻狗... 佢訓得好冧呀
... 我點郁佢佢都唔張開隻眼
... 等o左成個鐘... 隻狗仔醒o左喇
... 仲飲o左好多水添... 過多一個字左右愛協架車就o黎o左lu... 佢check過隻狗無咩點損傷... 就放o左佢入個鐵籠度... 好唔捨得佢呀
... 好驚佢會人導毀滅呀
... 愛協個職員就比o左個編號我... 叫我過幾日可以打電話去問下隻狗點樣處置
... 希望有好心人收留佢啦
...
送完隻狗狗後... 咁就兩個鐘喇... 我地行唔到山... 所以就去o左西貢第二度lu... 唔知係唔係太過著緊隻狗仔... 好累
... 不知不覺係架車度訓o左喇
... 仲訓o左成個鐘添呢.... hehe~ 訓完都六點幾了... 跟住就去將軍澳度食飯... 75蚊... 4個餸... 仲有飯同飲品... 抵呀... 個蠔餅仲好好食添... 但太飽喇... 所以大家都食唔晒... 食完就行o左個幾鐘o既商場
... 見到隻玩具狗好得意... 令我諗返起頭先隻狗仔
... 係私底下我將佢改名為『番茄』
....hehe~~~
行完就去將軍澳偏僻少少o既地方... 泊好架車就睇戲lu (psp)... 今次係睇『湊仔刑警』... 我睇o左a片... 到b片我又再一次訓o左覺喇
... 仲係係傻佬個膊頭度訓o左添.... 辛苦你喇.... " 睇完佢過o左o黎我屋企... 邊聽草猛演唱會~ 邊係度傾計喇
... 留o左差唔多成2鐘就走人呢....
今日o既經歷好難忘呢
~ 不過唔知有冇悶親傻佬~
↑就係呢隻狗仔喇... 係唔係好得意呢~~~
↑臨尾緊係要影返張大合照啦...哈哈~~~
January 11,2006
遲到o左47秒~
2006年01月11日 (星期三)
今日好似平時咁起身... 等車期間就叫傻佬起身啦~ 無幾耐架車到喇~ 遲o左o黎囉... 又兜錯兩次路喎~ 踩到百三... 真係有d怯.. 我又坐中間位.. 一轉彎都唔知搵咩o黎扶好...hahha~ 最終都遲o左47秒.... 遲到囉不過都無所謂啦 依家我仲健在已經好好架喇...哈哈~~
係公司係咁check野... check check 下都中下中下喇... 累到我丫... 不過到lunch time我都無訓過... 係度整d野... 睇到我個新 idea就快實現到喇.... 哈哈~~
放工諗住去葵芳找咭數架~ 行去搭車途中... 有架車係度『必必』喎
~ 我望一望啦... 以為係『必』佢隔離個架車啦
... 唔理... 繼續行... 佢又再次『必』喎... 咁我咪行過去囉... 原來係潘生... 佢都係住青衣架... 佢問我係唔係返屋企... 我見有免費車搭... 咁梗係話係啦
... 跟住就上o左佢架車喇... 返到青衣5:30pm都冇... 你話有車幾咁方便丫... 如果我識渣車車就好喇....
返屋企前就買o左d野整o黎食喇
... 今次o既麻婆豆腐整得唔好食... d步驟錯o左...唉... too bad~ 食完又無野做... 係屋企唱歌仔喇... 唱o左個零鐘就沖涼... then上網喇...
聽日就係同傻佬兩個月喇... 歲月不曉人... 希望以後o既日子... 都可以同傻佬過得開開心心啦...
January 10,2006
有新袋用喇
2006年01月10日 (星期二)
今日傻佬遲o左叫我起身... 唔緊要啦... 辛苦你喇.... 起身o既時候都仲係好凍凍囉... 15度喇喎... 係唔係病呀 但又唔係丫... 仲可以打屎傻佬幾個添啦... 呵呵 ~~
返到公司... 係咁做野... 做完先食我o既早餐咋... 不過都唔係搞o左好耐姐... 一個鐘姐...he~ 跟住就打電話叫傻佬起身喇... 我發覺我次次嗌佢起身o既時候... 都好似趕住收線咁... 你唔可以咁無禮貌架... 知道未呀
....
放工去行o左陣... 終於都忍唔住買o左個playboy袋喇
... 至於價錢就唔好講啦... 我呢d playboy點同傻佬個d Burberry比丫... 只要咁樣諗個心就無咁傷架喇... 哈哈~~~ 買完就返屋企lu... 終於都記得按錢比媽子喇.... 返到屋企食飯飯啦~ 食完飯都好鬼凍
... 發覺自己都short short地了........
好野... 有新袋袋用
....he~~~
January 10,2006
名曲滿天星~
2006年01月09日 (星期一)
傻佬有叫我起身喇... 好開針 今日仲係好凍凍呀... 幾唔想起身呀... 又要行一段路... 比d風吹到我好似比人打我咁... 今日多返d野做喇... 時間好似過得快d喎
『開show~』一聽到呢句野... 就諗起汪阿姐... 今日原來好平常日子咁過... 但係lunch time.. lily打電話比我... 話今晚有function... 問我去唔去... 見有時間... 咪去囉.. 但係傻佬唔比我去... 咁難得先一次... 唔聽佢一次話咁多啦....hehe~~~ sorry呀... 傻佬~~~
放o左工本來去交收... 但賣家唔得閒... 唯有下次啦-~ 跟住就搭返去九龍塘... 約o左lily係上車位等... 好多阿姐阿婆呀... 汪阿姐o既威力真係幾驚人喎....hahha~~ 7:45pm o岩o岩好上車... 坐好位... 慢慢等睇show喇... 今日郭晉安著o左件白色衫...好型好靚仔呀... 又同我地say hello喎 佢仲望住我添呀... 哈哈~~ (癲o左喇)... 今日都幾多嘉賓喎~ 有joey啦~ 何韻詩啦~ at17啦~ 草猛啦~ 黃耀明啦~ 仲有千嬅添呀~ 唔怪得特別多人睇啦....哈哈~
阿姐唱個首新歌... 嘩... 幾難頂呀
... 打晒冷顫~ 仲唱o左4-5次囉.... 救命... call白車丫唔該 安仔同阿姐唱歡樂年年... 仲好多時望過o黎我地個面添
...呵呵~~睇完都10:30pm喇... 上車無幾耐傻佬打電話比我... 我叫佢接我... 佢竟然肯囉...啜啜~~ 諗住去食d野... 車到去荃灣見到d野好似好多油咁... 咁咪諗住走啦... 後尾我叫佢車我一轉長發... 買o左5蚊雞o既雞翼尖... 仲幫家姐買o左好多野食囉....恐怖... 買完傻佬就車我返屋企喇....
p.s. 今日真係唔該晒傻佬呢.....
January 09,2006
充實的一天...
2006年01月08日 (星期日)
今日傻佬點半打電話比我... 佢爸爸唔用車.. 所以今日又可以同圍兜下喇... 佢車o左過o黎青衣先... 因為我仲有d水餃未食... 所以就整埋佢... 係青怡同長發買o左d小食... 泊埋一面就食lu.. 食到好飽飽添...hehe~
跟住就去o左阿嫂屋企... 傻佬早前買o左件衫仔送比個b... 經開個頭... 就順便探下佢地喇... 個dd大o左好喎... 我仲抱佢添... 人生第一次敢抱bb... 個b仲無喊添呀... 佢一定好鍾意我啦
.... 哈哈哈~~~ 逗留o左個零鐘... 影o左好多相... 仲食o左薑醋囉... 唉... 好慘....
走o左之後... 就行o左陣新城市... 買o左份禮物比周茵... 而傻佬又買o左honda車o既模型~ 成個大細佬咁...hahha~ 跟住就渣o左去旺角... 佢買d野整下架車... 再去葵芳食飯...又行o左成2個鐘就走人了... 係青衣度hea下... 傾下計... 咁就一日lu... 呢一日d時間過得好充實呢....
唉... 聽日又返工....(傻佬o既口頭禪)
January 08,2006
驚喜一天
2006年01月07日 (星期六)
※6:45am※『只要完全和你合眼緣~ 無悔生命太短不可照甚完~ 明知都不敢愛~ 不如..............』e.... 電話響喎~ 原來傻佬今日終於都記得叫我起身喇.... 不過佢講o既內容都係得呢個字....『唔........ 唔.........唔........』搞到好難為佢咁囉... 吹漲.......
今日係星期六... 臨出門口之前特登唔帶PSP... 因為有樣驚喜比佢... 咩驚喜... 一陣話過你知...he~~ 返到公司... 大怪獸8點都返到o黎喎~ 原來佢地公務員係近新年o既時候如果開OT o既話... 係有錢比架... 而我地呢d... 係無架囉... 激死
~ 同大怪獸傾o左好耐計... 做下hea下... 咁就收工喇... 諗住係葵芳買禮物比阿佩同周茵啦... 點知間舖頭仲未開喎... 兜下兜下... 咁就一點喇... 拿拿臨搭地鐵去荃灣接佢收工喇... 時間o岩o岩好喎~
首先去佢屋企拎車匙先啦... 去之前又買o左d小食當係午餐... 去到佢屋企...佢媽咪唔舒服呀
... 真係要小心身體喇... 傻佬約o左個fd係荃灣個頭等... 因為佢個fd架車有d問題... 佢諗住幫下手啦... 搞完都兩個鐘頭後o既事喇... 諗唔到去邊好... 就車o左去APM行下喇... 仲係無印良品度買o左d零食添~ 然後又渣返去荃灣攞返隻戒指... 再去沙樂美鋸扒....(肥死我了) ... 食完時間尚早... 就去o左葵芳度行喇... 佢仲飲o左兩杯西瓜珍珠添... 驚驚....
行o左個零鐘就走lu...不過車我返去屋企先... 拎PSP... 我就係屋企呢段時間... 呃佢話我去'大大'... 然後就九秒九整我今日o既野比佢... 搞晒都要成三個字... 無破綻...hehe.....
上返架車之後... 就開始去大帽山喇... 渣車期間... 我話我今日講o左個大話... (好凝重咁講)... 佢係咁不停咁問我... 我話去到目的地先啦... 架車泊好之後... 佢好嚴肅咁問我... 我話：『如果我唔記得up套片落去.. 你會點呀~』佢：『哦~ 無野架... 咁咪hea下囉...』 扯.. 我以為佢會好無奈添~(當時)... 跟住我就拎o左一個兜出o黎... 就同佢講喇...『其實呢... 頭先我返屋企唔係去大大架... 我係為o左整呢兜野出o黎... 所以就講大話囉...』佢呆o左一呆... 係我手上拎住o左兜野... 而兜野係裝住好多隻水餃.... 而我尋日個篇日記話好用心做個一件事... 就係呢件事喇... d水餃我包得好有心機架~ 但係就咸o左d囉... sorry呀.... 跟住我地就一路食... 一路睇黑社會喇... 嘩... 悶到爆頂囉... 垃圾一套
... 我無睇到就訓o左喇... 一訓就訓到點半.... 天氣太凍喇
... 所以就早d返屋企lu....
唔知傻佬今日開唔開心呢... 我比o左呢個surpris佢...
↑呢兜就係我整比傻佬o既愛心牌水餃喇... 哈哈~~ e~ 傻佬隻手都影到播...呵呵~~~
