得閒就黎睇下啦
|
||||||||
 |
|
|||||||
May 29,2005
朝十晚十二龍鼓灘
今日行程非常緊湊，早上十時多已經到了龍鼓灘，開始馬拉松式的打蝶行動，之後還約了一班攝影新朋友燒烤直至晚上十二時多。對於平常早睡的我，簡直不可思議啊！
朝十晚十二龍鼓灘-風景編
http://www.kelvinsze.com/cecil/cecil050521
朝十晚十二龍鼓灘-蝴蝶編http://www.kelvinsze.com/cecil/cecilbut050521
April 12,2005
亞烈比長今好命
亞烈用相反的治理方式為連生安胎，差少少就令連生流產，呢舖吾係有陰謀係乜？居然只係掉到惠民處就當係處罰。我吾係o個個醫官，都知道呢d 係死罪啦，邊會咁易放人呀。件事揚左出去，分分鐘自己人頭難保喎。
相反，長今和韓尚宮娘娘單流磺鴨case 咁多疑點，都要捉去義禁府用重刑問話啦，最後吾清吾楚咁就話佢地有罪要流放到濟州添，長今苦命定亞烈好命呢？
閔大人又係既，知道長今比人屈就博晒命咁去救長今。但知道連生貴為黃帝既女人，知道佢又比人害，都係講左句：「下！原來亞烈係d 咁既人...」之後就當冇事發生咁....閔大人對吾同既人所獻出既正義感，都係有多重標準。
April 10,2005
簡單飲水減肥法
一早起身可以郎郎口，然後就立飲兩杯滿滿的暖清水，先再洗面擦牙or等兩杯水都落晒格之後食早餐，有幫肋身體機能正常運作。
呢頭入左兩杯水，擦下牙洗下面好快就排番兩杯水出黎，咁樣咪可以同身體refresh 排毒lor。
飲左兩杯水，個肚又冇咁肚餓，吾使食咁多野，幾好架。
跟住對大便都好有幫助，價錢低，不妨試試。
同樣，食飯前15分鐘都飲兩杯水，落晒格先食飯，一樣有好處。
切忌飲左水之後立即食野or 一路食一路飲。
April 09,2005
自由安排星加坡+馬六甲五天之旅
照片分享
自由行程安排
1/4 由香港出發，飛左3.5小時到達星加坡機場，飯都吾食就急急腳坐地鐵再轉巴士上馬來西亞。到了往muar 的巴士站已經6點了，食了一件kaya 三文治便上車了。到了muar 漁村已經晚上10時多，吾理三七廿一，食左個海鮮晚飯，之後就沖涼訓覺。
2/4
今早還有少少雨，食完早餐後於10:30出發到馬六甲。搵左幾處先搵到酒店。當然要食番餐勁啦，吾知點解d 野咁好食既。一路行一路食，大約6點幾已經倦到不得了，搵間fruit juice bar 坐坐，不久又到日落，又急急腳跑上山影下相。晚上又有好節目，一個晚飯分開 3 part 食，周圍試下d 地道好野。
3/4
早上在酒店食完早餐後 check out, 放低行李在酒店，前往蝴蝶公園。好猛太陽，晒到頭暈。
走時好彩遇到兩位中國人，車我地到較近的地點坐車，闆走時仲幫佢地影左兩張相添.....
但我發現部相機有d 問題，結果佢地張相吾見左.... 慘啦! 應承左佢地email 番比佢添....希望佢地吾好嬲啦。
返酒店羅番行李，跟住就去另一間 resort ，過下寧靜一天.... 點知去到resort ，發現吾夠馬幣，間resort 個exchange rate 又高，要找換就要再坐巴士出市區，但天氣越來越差，跟住仲行雷添，結果都係留係resort 找換算數。
間resort 得一個浴缸大少少既泳池，並無其他野可以做，又落雨，只好在餐廳跟waiter 傾下偈或者留在房內睇 d 自己吾明既電視，咁又一晚。原來relax 和悶係等號。
4/4
中午check out，又急急腳咁坐車去馬六甲市，再轉車到星加坡，過程都幾順利，大約六點先到達星加坡，跟住就要食飯及遊覽印度廟、唐人街和魚尾獅身。我居然叻到可以自己行路返酒店喎，呵呵!!
5/4
今朝可以自己羅住地圖到附近景點行下，中午食完飯就去機場了，4點鐘上機，拜拜!
