公司前排新年勁多嘢做所以成個月無寫日記．．．．．

嘻～～～～年廿九個日勁ｈａｐｐｙ，本來唸住無行啦，點知．．．．當然同孖８去行花市啦，開心死．．．．行完仲去咗食嘢．．．之後我同佢坐車返去．．．．．

年初二我以為佢唔出黎啦．．．．但點知佢又出黎ｃｙｂｅｒ．．．．．

琴晚打比佢叫佢星期日去亞一個ｐａｒｔ，但佢又好似怕悶甘．．．．．唉！！！！！希望會見到佢啦．．．．．

今日收工就返去將軍澳食飯，希望今晚都會見到佢．．．．

我真係愛死佢啦．．．．．．．．．

呢幾日公司都無咩野做,可能D人知道加左價啦.........

琴晚收工同呀牛,呀輝,大佬,星哥,呀Lin去左老表到...勁好笑囉,大佬飲到醉晒.....仲要行唔到呀~~~我地玩到成三點幾先走,跟住我地四圍行,琴晚都發生左好多事,當中當然有好多搞笑野啦.........最好笑都係大佬佢將D紙巾周圍掉....

琴晚我唸住打比孖8叫佢一齊出黎去玩,點知佢cut左我線....跟住我就無打過比佢啦!!!

今日我一返到公司就見到大佬死死下咁....真係好搞笑..佢仲返返下公返左屋企訓....正一死白痴黎架.哈哈哈哈哈~~~~

係呢幾日,我都唔知自已想點....對住孖8就好似越黎越失望咁.....真係好唔開心....雖然一開始就無唸過同佢會點,但真係好失望~~~有好多野跟本就講唔出,呢種連自已都唔知係D咩感覺,其實我只係知道自已真係慢慢咁越黎越愛佢,但自已又無唸過想得到佢,可能...根本就無可能無機會啦...如果比我見到佢我都唔知自已會點,可能我會走...唉.........

對住o架仔我仲唔知點...我好怕會比佢誤會我鍾意佢,但自已又唔敢同佢講自已鍾意孖8......唉........死啦~~~想要ge就得唔到唔想要ge就係自已身邊...我都唔知點...身邊好多朋友都叫我同o架仔一齊,但我真係唔想囉....我怕比孖8誤會我!!!!

月老呀月老......快D幫下我呢個毫無方向ge妹妹啦

今日公司都唔係話太多野做.....不過不失啦....

收工我就同呀二出左去尖沙咀,跟住我就同o架仔去左食飯,之後我同大佬,老表,星哥個D去左cyber,正如我唸咁孖8真係無黎到....今晚cyber好似唔係咁好玩咁呀,總之成晚都好似怪怪地咁啦......個種感覺真係唔知點咁,今個星期一係最唔好玩ge hip hop夜....慘啦.......呀lin仲要爆住返屋企呀....佢好似好唔舒服咁,如果我係佢我都唔知會點~~~今晚我地ge首領又唔係度,感覺上好似無左班戰友咁...唉....唔知到幾時我地先可以再一齊去作戰呢......

下星期無假放啦......我唸我地呢隊戰友又要停賽一次囉.....咁我又無得見佢囉~~~~

我開始覺得自已對住孖8有種唔知咩ge感覺.....

星期一我真係好開心喔......但之後呢幾日公司勁多野做呀....日日都做到收工咁....就黎新年啦....我唸公司都有排忙呀..........

星期二三我都有打電話比孖8喔....雖然同佢唔係傾好耐,但都開心架.....但好事永遠都唔會同我有緣,星期四我唸住約佢去食飯啦,但點知打唔到電話比佢啦,跟住我收工就約左呀琳但點知佢未收得工,咁我就自已一個去左搵呀o架仔,跟住我就同佢去左打機,打到啊琳收工過黎搵我囉,跟住我就同呀琳上左cyber.....上cyber都係想見下佢囉......之後o架仔同佢D fd上左黎,大約一點幾我係hiip hop房見到一個好熟悉ga人,望真D,無錯係孖8呀.....跟住我同D fd成晚都係hip hop房玩呀.....佢真係好勁呀....就黎殺死我啦.....佢仲成晚都企係我前面同左右呀....我仲記得佢跳跳下舞唔小心整到我,跟住佢仲不停咁同我say sorry...個刻我唔知點咁囉.....個刻我覺得好搞笑!!!!跟住玩到四點幾我地成班都走囉.....走前我仲捉左孖8出去傾左兩句計....我唸住試下佢啦,點知佢真係記得我係邊個喔....勁爆開心呀~~~~~之後我同呀琳去源記食野,一入到去我又見到孖8同佢D fd一齊係度,,,咁我當然同佢打個招呼啦.....之後佢地坐左一陣就走左囉.....咁我同呀琳就等佢男朋友黎到我就坐taxi返屋企囉....

星期五.....今日我放假呀,三點幾就比o架仔吵醒左之後同佢傾左一陣我就同兩隻小魔怪去左沖涼囉,之後呀奇就打比我,我就叫左佢黎搵我,呀奇黎到之後我可能掛住同o架仔傾電話所以佢(男女男)我,好在最後佢都無(男女男)到....跟住佢陪我接番兩隻小魔怪返屋企,之後fu就過左黎搵我地再夜D我地同捚呀就—佢地去左食飯.....跟住就各自返屋企囉,途中我打過比孖8,但佢無聽到我電話....唔知佢係唔係感覺到我鍾意左佢呢,所以我好怕.....

星期六今日.....唔知係唔係因為孖8琴晚無聽到我電話所以我今日無打過比佢,我怕佢會唔鍾意呀....唉.都唔知點算....收工我就同左呀二去左食飯,食完我地就返左屋企囉....坐車途中我同o架仔又傾左一陣電話.....其實識落左佢我都覺得佢幾好人呀..佢同我都幾傾得埋...不過佢呢兩日都要返工所以我都唔敢同佢傾咁耐....我怕佢起唔到身喔..

我好想打電話比佢呀...但我又怕佢會唔鍾意....都唔知點算....你地救下我啦....我就黎死啦....咁耐以黎我都未試過對住一個男仔咁ga....今次大鑊啦.....中曬蕉....唔知可以點先同佢會玩得熟落D呢...咁耐以黎佢都無打過比我.....慘啦...

今日星期一呀.....我又同我D戰友去左Cyber呀......我今日勁爆開心囉.......今日Cyber終於都似番Cyber的Hip Hop夜,今日係勁多人呀.....最重要的係我見到孖8呀!!!!!呵呵呵......我當然第一時間就問佢要左電話啦.......哈哈哈哈哈哈哈.........我雖然係勁緊張但都好過無呀.....跟住我地仲成班同孖8一齊跳舞喔.......跳到Hip Hop房收時o架仔問我話同我一齊去食野好唔好.....我都唔知點咁囉...

唔講啦天日再傾啦

今日公司都幾多野做......唔知自已有幾多個山呢.....

今日Fu過左黎捚我食飯但我媽咪生日所以我就無同到佢地去食飯囉.....但有D野會令到我唔知點咁囉.....都唔知自已咁做係好定係唔好呢!!!!

天日雖然係星期一,但我唔知點解無左個份力量囉......唔知係唔係因為太多次都見佢唔到呢~~~~我都係覺得天日都係唔會見到佢囉.....有好多野身邊的人都會有但自已無就會覺得好舒服......唔知咁係唔係叫做比較享受呢.......

係度同媽咪講聲生日快樂喔......

琴日公司都唔係話咁多野做,跟住收工我就同大佬一齊坐車去上水...跟住我返到屋企就接到老表電話佢話佢收工囉!!!!!!!!出到去我就見到老表同輝輝都好似好火咁呀......跟住佢地就話左比我聽發生D咩事咁囉.....跟住我地三個就上左去cyber玩啦......但D野唔得......完全唔得呀.....玩到三點幾星哥就出左黎啦........當然同老表就無野啦......本來我同老表話玩一陣就走,點知一陣就玩到六點幾7點囉....跟住我地就去左食早餐,食到成8點左右我同呀蕉就坐車返屋企囉........

今朝一返到黎9點,一沖完涼就訓呀......唸住訓到三四點就同兩隻小魔怪去沖涼架......點知一訓就訓到依家十點先起身......好耐都未試過咁勁啦!!!!!!

唉...........去左六次但只係見得佢兩次,睇黎我都係得個睇字架啦.....難得有D咁好ga事發生,我都知唔會咁容易架啦......睇黎要再接再黎啦~~~~~

今日返到公司唔知點解好想食粥.....咁我就叫左碗粥食啦.....但唔知點解碗粥好似食極都食唔完咁囉????

跟住下午我就同大佬Ken去左睇電話,我就買左部電話,第一部買左返黎有少少唔係好得咁我就去換啦.....點知第二部仲衰!!!!我都係唸住天日去換個部....依家部電話好似成日都收唔到咁囉唉.....我呢排真係好黑仔呀~~~~~

今日妹妹過左黎搵我,點知就收工時我地見到呀奇,個種感覺好似唔知點咁......妹妹又好似唔係咁開心咁啦.....佢唔同我講我又係唔係好想問佢.....希望佢可以快D無野啦!!!!!!

難得換電話.....點解咁黑架~~~~~救救我啦