恭喜發財！新年快樂！

今日係咭數deadline，我大懵唔記得咗，所以夜晚十點都要去一趟吉之島，順便去超市買吓嘢，落到街至知道無帶鑰匙，即刻打電話叫囡囡唔好瞓住，等我門，點知返到屋企按極門鐘都無人應，打電話加按門鐘十分鐘都無反應，擰住兩袋冷藏食品，都唔知點算好，真係企咗響度。正諗住要搵地方借宵一宿時，記起妹妹有我屋企錀匙，即刻飛的去攞，當時已經十一點半了，真係唔好意思。返到屋企，全屋的燈都開著，阿囡就瞓到隻豬咁 ，激鬼死！  呢個教訓我下次記得一定要check 清楚先好出街......

一個聖誕節加新年，我的減肥計劃又泡湯了，上過磅完全無輕過...... 現在還要四出尋找可以遮蓋我水桶身材的衣服，好應付老公公司每年一度的團年飯局。真淒慘！都唔明三四百元一件衫都無得試，可知道對我地呢啲肥人嚟講，唔試過真係唔敢買，試過好幾次買咗返屋企一試...... 試完！送得俾人，真係唔知邊處有啱著有fashion既衫買。

呢排日夜顛倒，今早六點先瞓，所以瞓醒已經三點，食咗數片芒果乾，一杯水，晚餐就好豐富：周打蜆湯（只係罐頭湯，嘻~）、芝士帶子併魚柳糙米飯、肉醬意粉。

今年聖誕Party，每人負責一種食物，今年我整甜品 — 蛋糕。自從學懂做海綿蛋糕後，我開始學做 mousse cake，所以順理成章地今次都會做 mousse cake 喇，諗住做個 chocolate mousse 、藍莓批再加個朱古力海綿蛋糕，但見到食譜到個榛子香蕉芝士餅好靚，忍唔住就去整，不過整完出來個味道麻麻，忍唔住又整多個藍莓芝士餅，又因會double 咗個藍莓批，所以又改做蘋果批，如是這就做咗五個蛋糕出來喇~ 幸好銷情唔錯，無乜食剩，哈~

可惜我影咗啲相放極都放唔到上嚟，唔知係咪要升級做豪宅玉得呢~ 嘻~

Happy New Year

老公放假例必大魚大肉，今日都唔例外，又係打邊爐，已連續第四個星期日了...... 點解佢咁鍾意打邊爐

早餐：無

午餐：牛肉意粉、檸檬茶

下午茶：半份雞蛋仔

晚餐：肥牛、腩片、羊肉、魚蛋、牛丸、水餃、雲吞......

又係飲茶......

早餐：一盒牛奶、八份一個海綿蛋糕

午餐：兩個雞包仔、一件鴨腳扎、半碟油菜

晚餐：半碗飯、一小塊魚、八塊炸南瓜、一碗湯

今日偷懶無去做gym，走咗去同人飲茶~

早餐：一個雞包仔、五條腸粉、半碟菜心

午餐：一個魚柳包、一盒麥樂雞（真罪過......）

晚餐：小半碗湯麵、八分一個海綿蛋糕（我又唔記得影低我handmake個蛋糕喇... >_<