一直都覺得攝影是我一生喜愛的工作，
前幾天拿起相機才肯定，
原來只是我的喜好。

五一今日先係，但勞動酒會已經完滿結束，
如果大家看看新聞都會知道長毛又再次向曾特首柴台。

酒會五時半舉行，我五時到達。
在大會堂外早已有聚集數個團體各自表達不同訴求，當中以長毛較聲勢浩大，
門外除了警方，還有勞工處職員在場戒備。
本想向長毛打招呼，可惜勞工處職員早已察覺我既存在，
並加以熱情款待，警察叔叔們亦十分熱情護送上宴會廳，
雖然我唔太明白點解要護送我上去，但佢地職責所在我亦知道的。

董建華時代，禮賓府個3D"勞動節酒會"banner豪華到爆..
到曾蔭權時候，大會堂既2D"勞動節酒會"仲衰過自己整既banner..
是實而不華？還是政府已經唔覺得有需要注意小節？
六時正，曾特首在數十人護送去進場，而長毛亦慢慢行上前台，當曾特首在台上發表講話時候，
曾特首：「各位，首先．．」
「不為最低工資立法，政府可恥．．（下刪數百字）」

在場保安人員亦從四方八面在長毛身邊出現，長毛當然沒有理會，繼續表達自己既訴求。
特首有特首講，長毛有長毛嗌，曾特首繼續致辭，就好像兩個世界，互當透明。
十數秒後，保安人員終於出手，「護送」長毛離開，隨著長毛聲音越來越遠，
曾特首的聲浪亦相對越來越大，嘴角裡面不經不覺流露出自信的表情，是勝利的表情嗎！？

基督徒是這樣子的嗎！？
還是我還未是一個基督徒！？

以前不嬲對社工既感覺都係覺得佢地好有愛心，好有動力，有份使命感．．
但當慢慢對社會工作認識日子耐左、認識深左．．好難再有以前果種感覺。
社會工作最容易較人認識既係老中青幼，
而我自己為例，最想感興趣既對象係青少年，
但有日我係社會工作者其中一個網，睇到而家社工既心態真係有ｄ令心寒．．以下係最常見既問題．．

除左做番學生，我相信在現今社會，真係好難搵到工切合以上既要求，點解而家ｄ社會工作者係咁．．

五月一係勞動節。
今年，同樣被邀請出席勞動節酒會，
零四年酒會在禮賓府舉行，
今年卻在大會堂；
前年係董建華最後一次出席，
今年亦係曾先生坐正後第一次出席。

還記得董伯伯在那天給我的印象是一位既聾又啞的老伯伯，
當與他對話時，他永不聽到我的聲音，
需要在旁的翻譯員轉達我既內容。
同樣當他想發表意見既時候，
他亦透過翻譯員傳遞他的訊息給我。
試問，他又怎能聽到市民的訴求呢！？

曾先生就完全唔同，
他說他是個土生土長的香港人，所以我相信與他對話當然會較伯伯同聲同氣。
香港人又有咩特質呢？
香港人給我感覺係「快．忘」

反應快，
永遠未表達完你既意見，推銷員就會立刻回應，再提供多項華而不實既優惠，封住你把口；
易善忘，
當推銷員推極都覺得你冇興趣既時候，佢會話，「好啦小姐，你番去再諗下，我聽日再搵你啦。」但是他們早已覺得你運吉既時候，又點會再搵你呢，佢寧願繼續努力尋找佢既知音人。

曾先生，希望在酒會入面你會有時間聽我呢番說話吧。

出席過數次酒會，到而家都唔太明搞黎做咩。
（勞動節自一九九九年起定為法定假日。
政府特別為勞動節舉辦慶祝酒會，
充分顯示政府十分重視勞工界為本港經濟作出的貢獻。
獲邀請出席酒會的嘉賓約有五百位，
包括工會領袖、僱主和工商組織的代表，
以及與勞工事務有關的委員會及組織和培訓機構的代表。）

零六年，唔經唔覺過左三分一，
呢段日子裡面大家又有咩改變呢？

我呢？
我有好多野變左，最大既改變係我同祢既關係。

以前淨係識得鬧、怨，完全冇同你傾過，認真去認識過祢。
係呢幾個月裡面，我覺得我對祢既感覺唔同左，
唔再覺得祢係啞既，唔再覺得祢係聾既，
因為祢切切實實咁回應左我之前既問題，
正如我以前真係好憎聖經，我覺得呢本野入面既內容係岩，
但我覺得對我冇乜用，只要我相信祢就夠。

不過係上星期入左camp，
我朋友羊send左個聖經比我save係個電話度之後，
唔知係我開始覺得擰轉頭個動作有ｄ攰，
或祢真係點醒左我令我不自覺去睇祢既往事，
而且再唔會有以前憎既感覺，
反而好似ｄ小說咁好想追落去，
點都好啦，都好感恩，好多謝祢。

p.s. 黎緊既日子，我相信我會有重大改變，希望祢會繼續係我身邊，繼續咁去照顧我.. .. ..

見到維記話佢每年都要入一入手術室，
雖然我都有病，不過醫生話幾年一次，
相比維記我的確幸福得多。
維記，努力呀！

其實無論大病小病都真係幾難搞，
傷風感冒又難斷尾，
手術開刀又驚餐死。

不過有時當你傷風感冒時侯會聽到，
「喂，死仔，叫你著多件衫啦！抵死丫！自己拎黎衰！正乞兒！唔好叫我同你睇醫生呀！」
又或者當你做手術之前聽到，
「冇事架，你放心啦，你一出黎就會見到我架喇．．唔駛擔心，我一定會係你身邊．．一定會．．」

病，的確可以令人好憂心，
但同時亦可能因為病，
你會得到更多關懷、更多既愛．．

好耐冇見喇各位，大家掛住我嗎！？呵呵
係呢段日子冇左電腦既日子我學懂了打電話問巴士路線等，
而我亦相信每一樣野都係由神去主宰，包括我部電腦壞左，
我相信佢一早已經知道．．

呢段日子我係度諗，其實信仰會唔會影響朋友之間既關係呢？

我有個朋友A曾經因為信仰而少左時間與朋友B聯絡，
朋友B就十分唔開心，
佢覺得因為朋友A既信仰霸佔哂朋友A既時間，導致關係曾經差少缺裂。
今日，輪到我同朋友B有少少誤會而導致我地之間既關係完全缺裂，
不過我相信假以時日神會幫我地化解呢個少少既誤會。

FLY，你最近點呀？

電腦，壞左；
時鐘，壞左；
架車，壞左。

當中以電腦最難搞，由出世開始電腦已經同我誓不兩立，我大大同話話每年都要整一整電腦．．唉．．
各位，遲些再見．．

p.s. 維記，今次你真係要幫下我喇．．