已經唔想再打Hompy...始終Hompy會令我諗起好多好多野...所以我諗Hompy會停止更新...

假如大家仲有興趣睇我既日記...不如黎我既Xanga / MSN Spaces睇啦...

Xanga: http://www.xanga.com/rick1412

MSN: rick_1412@hotmail.com

今朝一早比個好無良既人打電話黎嘈醒左...由8點幾打到10點幾...每隔一個鐘一次...果個就係麟伯...原來超人同阿邦去左佢屋企...叫我去鋤Dee=.="""玩返慣例計分...由11點鋤到3點...超人成為今次最高分果個...竟然過唔到三百分囉~差8分...激死...如果玩多局...除非我贏...如果唔係我自己都過200分...所以決定唔上訴~哈哈...之後發現極之好天...所以同麟伯去踩單車...而阿邦就去租單車同我地一齊去...

今日目標踩去大圍...好耐都未試過踩吐露港啦...D海風吹過黎勁舒服...已經成7年無踩過吐露港...所有路都唔同哂...或者係因為多左個科學園啦...而且條單車徑好闊...真係好正...但去到城門河係單車徑窄得要緊...而且又無風...完全唔想踩落去...直至踩到大圍邊就返轉踩另一邊單車徑...雖然闊左好多...但係D路好凹凸不平...踩得好唔舒服...幾經辛苦終於都返到吐露港...之後仲上左隻船食野...食完野踩返大埔果陣...有個阿伯突然講就黎落大雨...見到D雲黑左好多...之後我地就極速踩返去...踩到半死=______=!!...之後返到屋企沖涼就累到趴左係張床訓著左=0=||||...不過好似都唔覺有雨落~唉...被騙了~____________~|||

肥陳號~哈哈..(唔覺意影到阿邦添~XD)

尋日中伏=.="諗住停雨踩單車出去入錢...點知到踩到半路落大雨...結果變左落水狗一隻返屋企...呢D係咪叫做出師未捷就中伏=.=""

今日出去睇戲順便剪頭髮...諗住預早個半鐘咩頭髮都剪完...點知上到去要等兩個先到我...足足等左成個鐘=.=""結果同Guys講唔剪住...第日先剪...叫佢幫我臘返個頭就閃左...不過珊姐同金姐遲到...算啦~反正入到去岩岩先開始...我發覺而家好鍾意睇左最新果集先...然後再睇返之前果D~哈哈...我又要搵返第一集黎睇...呢集OK好睇呀~講特技真係無得頂...不過其他都OK...聽聞而家仲有蜘蛛俠3睇...仲有無人未睇呀=_=?! 睇完之後我聽到既係一堆外星文...完全唔知佢地兩個講乜...一定係我太正常...唔識同d唔正常既溝通~哈哈...

仲有兩日...只要過埋呢兩日我相信我可以得到重生...呢幾日咩都唔諗...咩都唔做...我相信久而久之就會忘記...只要我過埋後日...就會完結...希望黑雞幫我攪到野啦~其實我並唔係想打麻雀...我想果晚可以醉死...

已經係第八次睇呢隻碟啦...對我黎講呢一套係我最鍾意既電影...雖然個故事好簡單...但係好現實...因為無誇張既場景...就只有演員既出色演技...比我既感覺並唔係一個故事...而係一種經歷...每一次都抱著唔同既心情...唔同既問題去睇呢套戲...而每一次都會有得著...

每一次失業...最想做既事就係踩單車...之前果次就問我老豆借左部單車踩去大美督...但係極之唔好踩...又無得轉波...踩到勁辛苦...今次就約左麟伯出去買部新單車...連埋D燈同鎖都要成五百蚊~心痛><...不過就好鍾意架車...踩落都幾隨心所欲...買完單車醒起要去大中拎返件衫...之後因為落雨返左屋企...停雨無幾耐麟伯約我去踩轉海濱...勁爽...比起上次問我老豆借車去劈洒果次差好遠...踩左個半鐘乜都夠皮...不過始終無出吐露港唔知點咁...如果呢幾日好天D既話...我諗會一條友踩出去...

由尋日開始就展開左我既悠長假期...而第一日就call左麟伯過黎幫我搬走舊傢私...之後就係油漆...因為阿麟讀過建訓...所以突登搵佢幫手...再加埋超人本來應該一日攪掂...可惜因為唔夠油所以今日我要買油再油過...今晚超人因為返夜所以無黎...所以就臨時拉夫拉左自己出黎做~哈哈...話哂咁大個仔都係第一次...都還好啦~不過發現買錯左漆黎油...同廳完全唔o岩色...不過呢隻色睇落都幾醒神呀~哈哈...

今日阿章打比我...話阿Joe搵我叫我搵返佢...一開始都係問D野做成點...交代哂之後問我搵到野做未...仲有搵唔搵到人比佢...擺明車馬想我返去幫手...不過佢果邊出糧都唔準...返去咪等死~不過真係好想比自己放下假...聽日會約埋麟伯買架二手單車...等我呢排得閒一次過踩盡佢~哈哈...同埋當然要比心機搵工啦~

好一個唏噓的背影~XD

第一部~油天花~

呢個就係主角"臨時拉夫"~哈哈

睇下油得幾似樣...成個專業既油漆師傅咁...我可以轉行啦~哈哈...

臨走前麟伯留字係我個就扔既櫃度...不過唔知係咩文黎既...

終於都脫離魔掌...兩個禮拜既承諾已經做左...我終於都離職啦...不過而家仲未搵到工...仲諗緊以後做砌稿好定跟單好...我會懷念以前跟ESPRIT, red earth, sasa既單...因為真係好有成功感...由接到份job開始排版, 安排印刷, 加工, 到最後出貨一手包辦...途中當然有唔少同事既幫忙...最記得係上年年底ESPRIT既大job...果段時間雖然難挨...但係完成後係得到回報...

而家好努力執緊屋...希望聽日可以清哂D野...然後油過間房...過多個幾禮拜...我就會真真正正擁有一間屬於自己既房間...配合自己既需要而做既房間...

還記得去年的今天...那一通電話改變了我...直到現在仍然不變...那天所說的每一句說話都是真心的...但是自己卻未能做到...只因為我還是太固執吧.........

今日去左荃灣見工...一個我覺得好偏僻既地方...見左一份未能令我有鬥心既工作...還是算吧...行左兩條街到愉景新城...再經一條天穚返到地鐵站...然後搭小巴返工...

每行一步...就心痛一下...每一個商場...每一條天穚...每一條街道...都幾乎擁有我跟你的回憶...直到現在仍然欺騙自己..."我已放低了"...

尋晚出尖咀同黑雞慶祝生日...同傻仔行左去寶勒巷等黑雞佢地...點知傻仔拎住罐可樂行到間酒吧門口比條女叫住：「入黎飲杯野啦~飲咁多可樂無益架~」跟住我同傻仔就係度笑~之後join埋黑雞, 仲文, 包同卓就去左一間吧...今次覺得環境OK喎~坐得又舒服...一開始都係同黑雞果班玩...之後無端端傻仔撩我私片...就係咁比佢隊左我好多杯...跟住就開始撈亂黎玩...在場我都唔知邊個打邊個...不斷玩partner...發覺自己好鍾意好鍾意呢種環境...起碼呢度少左好多不必要既廢話...同埋係度個個都一樣都好無拘無束盡情咁去玩...不過好失敗既係...全場最早訓低既人係我...醒返之後已經係3點半...見到D人開始走...但係傻仔都貓左~XD...一路玩一路等到佢醒先走...原來我地兩個已經係最遲走...送左傻仔搭的士我就去搭火車...返到屋企已經係6點半...之後索性熄電話訓教~哈哈

想起從那本書中看到的一句名言：身處深淵的我，命中注定以此為天堂，火紅的天空如地獄的火把，但這終究是我的天堂。

P.S. 我開始討厭以前既自己...討厭以前無聊, 幼稚, 默守成規既自己...而且...我喜歡了"北極"這個名字~哈...

今日後記...

當瘋狂過後回到一切平靜既生活...一切都變得無所適從...無聊至極...幾乎係公司悶死...我終於都睇完《100下》...同本身既感受一樣...瘋狂過後回到一切平靜...成個人都靜落黎...結果係架巴士度訓著左=______=!!因為梅麗莎既勇氣...佢終於搵到佢既愛情...而亦因為愛情...佢終於可以脫離佢果個瘋狂既愛慾世界...故事完結...最後能夠帶比我既野...我會好好留住係心入面...小琳講得好...如果有興趣既話...呢一本書絕對值得用錢買黎睇...睇完之後係時候比自己冷靜落黎...好好諗下之後自己應該要點做...