噚日下晝放工同老細去食粥 , 間粥舖係老細個dee友開嘅 , 因為佢哋下晝有局 , 咁我又去換信用咭禮物 , 所以咪跟埋去食囉 , 橫掂食完又唔使比錢嘅 , 不過佢間粥舖都幾貴o架 , 閒閒哋我諗兩個人去食都要100蚊~ 我睇過個餐牌 , 如果跟足價錢去計我哋三個人食咗差唔多400幾蚊

食完就梗係自己閃咗去啦 , 跟住就去換信用咭禮物 , 去完就去咗玩具街 , 咁啱比我見到藍色變形金剛b呀~諗都唔諗就買咗喇 , 因為之前得上網有得買 , 仲要賣400幾 , 而家300幾就買到喇 , 同埋仲買咗架橙色b仔 (tomica出嘅)

今日車咗小黃同佢家姐去掃墓呀~回程嗰陣仲接埋佢媽咪呀 , 難得你哋都咁鍾意阿b , 好開心呀

今晚同咗大王同表妹食飯 , 大王仲送咗份生日禮物比我tim呀

份禮物係1:24嘅灰b呀~食完飯我請返佢哋食糖水 , 禮尚往來吖ma

英超嘅super sunday令到我哋一家人除咗媽媽又可以走埋一齊食飯嘞 , 食完飯之後見仲有時間就同家姐阿哥同埋阿家嫂一齊玩咗陣wii同埋睇佢哋結婚嗰陣嘅video(都有成幾個月,而家先有得睇) , 不過雖然玩wii sport我羸咗 , 但係我支持嗰隊利物浦就輸咗lu.......不過阿爸就睇得好開心 , 咁就算啦

不過今日下晝隊南華就完全相反喇 , 估唔到今日tvb都有直播 , 過程都好精彩呀 , 最後南華仲反敗為勝 , 正!!

你咁快就賣咗p女 , 阿b未同佢影過相呀.......

今日同小黃一齊睇咗套好好睇嘅電影<<我的最愛>>,睇完大家都有唔同嘅感覺 , 雖然我睇完有d不安 , 但係你反而冇 , 哈哈  ,不過見你睇完咁開心又咁鍾意套戲我都好開心

跟住睇完就去咗山頂晚餐~不過係食burger king沿途我哋一路欣賞人哋啲大屋呀 , 不過今晚太大霧lu~都唔係睇得太清楚個夜景 , 希望下次再睇嘅時候會好啲啦~同埋多啲時間行吓就好嘞

今日又一個唔留神又差啲有意外 , 我下次唔會o架喇

仲有6期就可以贖返阿b喇~唔經唔覺經已供咗24期 , 望見家鄉喇

今日唔知點解老闆突然間主動要求放棄呢工假 , 將全公司轉為銀行假 , 不過其實公司都經已轉型 , 又唔需要喺呢d時間開工 , 改制度都合理嘅 , 同埋以後到呢啲時間又唔使問幾時放邊日啦

天天都是情人節

幸運地 我有你
連發夢也能想起
今世已經 化成傳記
假若有下世仍想擁有你

如做戲 最夢幻是在戲院初吻你
效法主角愛到死
陪著你 天天都當作慶祝這日期
就算再忙忘不起

情人節真締 原為起誓
一天感動一世
鉛華流逝 遺忘時計
愛會叫人美麗
環遊塵世 並沒路軌
隨便到哪裡都安慰
活著為獻禮
期求甚麼得到甚麼 亦不計

最自負就是懂得怎吻你
讓愛昇華成回味
曾害怕 單身一個最記得這日期
直到有情人一起

情人節真締 原為起誓
一天感動一世
鉛華流逝 遺忘時計
愛老了才美麗
環遊塵世 並沒路軌
隨便到哪裡都安慰
活著為獻禮
期求甚麼得到甚麼 亦不計

逐日地 吻過你
才証實有緣一起
不會再分 我還是你
只願每人也能有這運氣

(我覺得首歌好正,佢好少唱呢類歌)

小雲同小吉好重要

星期三我就會帶佢哋返屋企喇，唔知你想唔想同我分享呢份喜悅呢？

今晚同阿榮一齊食飯傾咗好多將來會做嘅嘢，希望我哋過多三幾年都可以做到啦．．．不過冇叫大王一齊，都係唔話比大王知比較好 , KEEP SECRET

呢幾日你又唔知去咗邊喇．．．．有時真係有啲灰心．．．．

噚日放咗工同小黃去睇戲呀~但係我又買唔到最好位置嘅飛喇又要你就我去港島區睇戲 , 我又過唔到o黎接你 , 真係唔好意思呀.....下次唔會咁o架喇

仲有呀~部ipod如果你想買過部就話比我知吖 , 但係我都想整返好而家嗰部 , 因為我始終覺得嗰部嘅意義會大過買過部新嘅 , 同埋好似就咁唔要好似好嘥咁 , 希望你會明吖今日放工我去咗問埋價錢o架喇 , 不過原廠整返仲平過出去整......同埋我買咗4gb嘅usb喇

P.S. I LOVE YOU

一連兩個星期六都有去做運動呀 , 上星期去咗踩單車郊遊 , 而噚日就去咗踢波 , 不約而同嘅係兩次嘅中途都有落雨所以兩次都顯得好辛苦咁

上星期同啲朋友去咗大圍租單車踩，成三點幾先出發，不過可以7:30先交車，不過我哋為咗慳每人二十蚊而唔喺大埔交車，所以我哋去完目的地大美篤就再踩返大圍交車，踩完之後真係腳都軟埋不過之前差唔多有十年都冇踩過單車lu.......今次一次過踩返夠本

噚日就去咗踢波，好耐都冇試過咁大嘅體力勞動，因為我哋之前嗰個時段冇人BOOK場，所以早咗開波，一路踢又一路落雨，仲愈落愈大，到咗休息時間大家又覺得太凍，所以又決定早啲再開波，而我就好耐都冇試過全場不停走動咁踢足全場，所以搞到今日週身骨痛，不過都踢波幾好玩嘅～HEHE