再一次既是是非非

我都唔知是非是對.....

係想挑戰我對你既信任

定係自己做左傻瓜?

從第一段既關係到現在

我自己話過一次傻瓜都唔可以做

朋友話當一次傻瓜又如何?

但係我就係唔容許

因為我知道有一次就有第二次

我唔知咁係執著

定係有如朋友所說你段關係太淺

何謂淺?

我覺得我自己對比現今社會

對愛情既唔尊重, 玩弄手段, 得一想二, 妄想, 自私, 仆街.....

講到呢到

我堅持我自己既想法"是對的"

唔通發現有人對自己不忠

仲要淚洒當場

定係成舊望夫石咁等佢回頭?

我呸呸呸

不過原來, 我都係一個經常成為朋友之間既傻瓜

說起淺    我頓醒覺

呢位朋友叫我心傷

有人叫我唔好太上心

但係我知我就係太care佢先會上心

我會試著let it go

我都唔知係你人緣太差?! 樣子太普通?! 定係真有其事?!

一次, 兩次, 三次, 四次

如果去到第十次時

我可能已經神經衰弱

我淨係想簡單少少

我唔追求浪漫, 唔追求刺激, 唔追求名利

只係想要一段簡單而又長久既愛情

可能因為你真係好忙
好大壓力
所以心情好差
語氣都極差

但係我都有盡量去體諒去容忍

我唔知由幾時開始
我將屋企人放係第一位係錯既
亦唔知係由幾時開始我問咩講咩都好似係錯既

係由最近呢半年?定係由你開始搬屋?

我唔會好似你咁諗
覺得我屋企人係個包袱
我只會覺得呢個係我既責任
有d責任係一世ga

我原以為呢個係我既優點
但係原來對你黎講一d都唔係

我以為你會明

有次我 2日無訓
第2日再去參加你個小表妹既生日會
我以為你會感動
我以為你會明白
我對我屋企人好
我都會對你屋企人好
但係你好似無咩感覺

e家我覺得問你野 甚至同你講野
我都好驚
我唔知自己幾時係適合問你野
幾時又會講錯野令你嬲
好驚你同我講野既語氣

我都唔知幾時開始
自己有個習慣
同你講野之前會問下你
係咪忙緊?我可唔可以同你講d野?!

我知我唔可以將所有野推晒係你身上
可能問題係我到
但係我實在無辦法係你同埋我屋企人身上拎到一個平衡
屋企比我既野太多
我唔係想還
我只係想盡力付出
而我同你 如果係一世既
我唔想我地有可能經歷唔到呢短短一年 兩年又或者三年既風波

我希望呢一切一切將會慢慢放晴

!!! 完畢 !!!

繼續做自己想做ge事

好想要一個平靜

但係平靜又好孤獨

好想要一個改變

但係又有太多焗限

一路其實係為自己而活

定係為其他人而活

我開始感覺到迷茫

天氣一直都好好

但係估唔到呢一刻

個天同我既心情一樣

行起雷....仲好似想落雨咁

祈待而久既呢一刻平靜....我竟然覺得孤獨

可唔可以還我一個"我"

"我為左你做咩都得"

呢一句係我識左你咁多年
最開心同埋最甜既一句說話

雖然唔可以講得係永遠
同埋唔知將來會係點

但係，最重要係今日，
你真係講得出做得到

今日係我最近過得最開心既一日

多謝你

對唔住

我知你無放棄我
係我選擇放棄左你

其實我真係有諗過呢一生呢一世都要擁有你
但係我無勇氣 我怕承擔唔到將來既一切

而且係我身邊 我最需要"佢"支持我既"佢"
比我感覺到"佢"自己一早有左決定
要我一個人去面對
我真係無把握

對唔住

一直都以為自己可以好硬淨
但係忍到今日終於都爆發喇

一路都忍住唔同任何人講
但係日子愈來愈近
我真係好辛苦

我要求自己一直要忍
唔好喊
一定要堅強面對

最終今日我選擇講左比我最值得信任既姐姐聽
因為我知道佢係唯一一個
我做錯任何事 佢都可以原諒我  支持我既人

不過我內心覺得好對佢唔住
我知佢個心好痛
我好殘忍地要佢幫我分擔呢一切

我真係以為自己可以唔聲唔聲咁解決晒成件事
甚至唔想見到任何一個人

我容許自己失控1次
喊埋今次就當咩都無發生過
要好好生活落去
要做好自己