嘩, 丟空o左呢度十世, 不過無乜人睇, 無乜所謂啦~~

暑假開始喇, 玩到咁上下, 開始起垮搵工, 奈何我七月又要出 ward, 唔知出邊間醫院事少, 最大問題係唔知返乜更, a 定 p 都好影響份 part-time, 搞到我而家都唔知點搵好......

於是無所事事下, 呢期迷上睇動漫, 近期煲緊 , <櫻蘭高中男公關部> 漫畫, 動畫就有 同 <櫻蘭高中男公關部>, 可能係俾小金影響o卦

咁都好, 人地睇波, 我咪睇漫畫囉

無奈架, 屋企條街有炸彈囉~~ 係喎, 搵到o個五百八十八個炸彈咪就係o係我條街, 再過多條馬路o個位搵出o黎架囉, o個日好好笑架, 我食返工食 lunch 時, 肥婆 send o左 sms o黎, 話屋企有炸彈, 以為佢講笑, 點知坐坐下大家樂先聽日講到好大件事.....

問番佢地, 原來引爆o個刻, 成家人o係晒屋企, 阿媽就o岩o岩放工, 封路令佢出o左 Emma 個出口, 再逼番去屋企樓下, 點知又俾警察攔截, 話前面有炸彈, 無得過, 阿媽行o左咁多冤枉路, 經已躁底到爆, 大叫o左句 "我住呢度架!!!!", 但我好奇怪囉, 點解疏散o左咁多地方, 但唔疏埋我地棟大廈呢??? 咁諗住算爆十六個, 個威力應該好勁架~~

肥仔話引爆o個時真係好響喎, 大聲過行雷好多, 我都想聽呀.....

突然間, 竟然決定聽日 quit.....因為 vava o既一句說話, 無錯, 我無得再衰架喇, 我寧願好衰女咁問屋企拎住錢過活, 等考完晒試先搵份一個月o既工, 都好過而家咁溫唔到書, 係咪返工返工, 返晒我 D 時間, 日日搞到自己鬼咁 支力, 返到 hall / 屋企, 除o左訓, 乜都都唔想做, 書都無溫過, 但係日日望住個 calendar 又驚餐死, 都算, 話親邊日邊日唔返得, 又俾人話我 cre 假 cre 得多, sor 囉, 我係 part-time, 唔係日日得架......

咁多不滿, 再做落去有乜謂~~~

其實我可以為錢補番習, 咁樣就算七月出 ward, 都仲有收入嘛~~

岩岩上 Jiuis 睇o岩好多份, 補習社o個 D 咪可以穩定 D 囉,

真係 yo 死, 邊有公司個 annual dinner 係落 pub 架?? 仲要係 Hei Hei 囉, 聽到都 O 咀, 講真, 想去好耐, 但身邊無 friend 陪我去, 而家, 咪當熟下環境咁囉~~

其實個場好細, 我地好好彩咁霸到個梳化位, 氣氛就真係麻麻, 係到後尾跳舞先 high 囉, free drinks 五杯, o野食任拎, 仲用o左廿雞買 Bingo 咭玩下, 無奈地講o左十個 number, 中得o個一個, 吹漲~~~

飲o左輪, 玩o左輪, 終於到 Lucky Draw, total 三十份 gift, 尾獎都有二百幾蚊o野架, 頭獎就恨死隔離, 係現金六千蚊, 嘩, 俾我中o左丫, 真係儲夠呢個 summer o既錢囉~~ 我覺公司好大手筆架, 頭十個獎都起碼值千幾, 有 ipod suffle, nokia 手機, osim 按摩xx, D&G 手錶, PSP, video cam, 仲有我最恨o既 Sony Ericsson W900i 手機, 可惜抽唔中囉, 我淨係中o左第十九咋, wahahhah, 好好笑, 無諗住中獎架真係, 點知, 又會邪到咁, 我中o左 catalog 現金券 $800 , 嘩哈哈, 好勁呀, 咁o岩, 我又真係想買波鞋, 短褲同波衫, yeah~~

拎o左獎仲搞笑, 發現 shops 中獎o既, 大多數係 part-time, 激到 Emily, Carman, Hannah 佢地扎扎跳, 係咁叫我將 D cash coupon 嘔出o黎平分, wahahha, 其中一個 part-time 仔仲係o岩o岩入o左o黎一個星期, Hannah 仲話下次唔叫 part-time o黎喎, ahaha~~~

跳舞環節, 終於俾我見識到 Irene o既絕技, 一個四十幾歲, 毫無姿色o既女人點 tat 著 CEO, hahha, 不過, Carman 佢地話 Irene 今年收歛o左, 叫我公司帶上年 annual dinner 隻 VCD 番屋企睇, 仲激喎, 期待中~~

好忙呀今個星期, 忙完 mid term, 聽日又要去酒樓 D 聯歡會, 地點係會展, 好似好 high 咁喎, 之後就係咁返工......星期五就食樓飯, 星期六, 同同事去石澳 BBQ, 下星期三又 High BoBo, 嘩, 到 3/4 又  test..........

我想去澳門o者, 咁多阻滯o既 

發現佢地對我真係好好, 今日遲o左少少, 照當我準時, 唔使扣錢, 知道我尋日十二點先收, 仲要中途無 break, 問我今日使唔使早走, 食飯時仲可以食個半鐘, 結果同 Carmen 去o左大快活o既梳化坐低, 舒服死, 哈哈哈~~

踩o左九個鐘, 但放工又好精神, 因為有街去嘛~~

約o左十世無見o既阿敏, 知佢聽日返九半, 所以就佢, 一齊入屯門稻香打邊邊, 屯門分店個 recep 阿姐真係好好笑容, 好好禮貌, 心情俾佢感染埋, 好過旺角o個間囉, 又唔係好使等位喎, 等o左四個字左右已經 ok~~

食到十二點幾, 突然醒起要趕搭尾班車, 點知....車長叔叔話已經開o左, 問我想去邊之後, 就指我去搭小巴, 去到o個度, 發現都唔係o個架車o既......諗o左好多方案點樣返屋企, 最後, o係我決定搭去銅鑼灣時, 發現有架去美孚o既 N 車, 拿拿聲追巴士, 去到美孚, 一時醒唔起仲有 MTR 搭, 走左去搭的.......蠢o左添~~

睇到 <<梁祝下世傳奇>>九大金句 , 對呢句好有共鳴~~

梁祖堯：係架,
　　　　每次我都以為我已經忘記左佢架喇…
　　　　以為佢已經消失得無影無蹤架喇…
　　　　但係
　　　　食食下飯，
　　　　搭搭下地鐵，
　　　　聽聽下歌，
　　　　睇睇下戲，
　　　　訓訓下覺，
　　　　沖沖下涼，
　　　　無啦啦佢就好似隻鬼定老鼠竄返出黎 ~
　　　　我想避都沒得避呀！咁可以點樣喎！

何韻詩：係無得避架喇。所以諗起起佢o既時候，咪由得佢…繼續諗落去囉
　　　　聽到一首同佢聽o既歌…咪同佢唱落去囉~~

原來就係咁簡單~~~

Currently Playing:

新鮮滾熱辣 Joey 新碟新歌, 除左兩首歌之外, 其餘八首都好鍾意~~

陪你一起　不是我　和你分手　不是錯

連睡覺都可以滅盡痛楚　這個至像我

無謂擔心　今晚怎麼過　今天總算笑著過

只因　沒有心火　沒有花火

還是抽身於聲色好過

轉身一眼再睡過

分手　沒有光火　沒有心火

我要以快樂睡眠渡過

我認我係 "淋", 好易俾人烚, 俾人呃, 但係今次我唔會再忍, 由呢條友第一日呃我錢開始, 我唔應該再咁和顏悅耳咁對佢, o係o個個情況下, 我俾佢 乙水 多次, 透露o左個地址, 咁我蠢o者, 最後俾人鬧我都明白, 諗住隔o左成個月, 可以無憂無慮地生活, 但近來又再收到佢電話, 點呀又 !!!!!!!!

 今次我話過唔會再理佢, 頂o丫, 我只可以講真係呢個金額, 你最終袋唔袋到落你袋係你o既事, 唔該唔好再煩我, 打我手提都算, 仲要係咁打我屋企搵我, 不過, 我知o個條賤友一定唔敢講件事出黎, 一搞大, 係佢無 so, 唔係我~~

肥婆, 靠你撐喇~~~

各位朋友, 所以暫時唔好用無來電 no. 打俾我, 我一概唔會接聽~~~

憎自己咁蠢............咁易俾人 乙水........

多謝你的問候, 多謝你還想起我這個人的存在, 可惜, 纏繞了一個夜晚, 只想到 <<必殺技>> 這首歌, 永遠只靠人家傳話, 相信只有幾個原因, 既然難為, 何不不為??

無可否認, 你仍是我心繫的那位, 在心中暗處或多或少總有你的位置, 以致能牽動我的情緒, 只是, 對你, 看來, 只餘下恨意, 和淡淡的遺憾.....

不要擋著我的去路, 可以嗎??? 當初選擇權在你手, 現在的我也有選擇權, 我不要受你困擾.......

聽完 Eason 隻新碟, 爆鍾意裡面兩首歌, 到底係 Eason 唱得好, 定 Wyman 寫得咁有深層意思呢??

最鍾意呢幾句歌詞:

" 講分開　可否不再用憾事的口吻
習慣無常　才會慶幸
講真　天涯途上誰是客
散席時　怎麼分 "

_~~~~~~~~~~~~~~~~~~~~

" 流水很清楚　惜花這個責任
真的身份不過送運
這趟旅行若算開心
亦是無負這一生
水點　蒸發變做白雲
花瓣　飄落下游生根

淡淡交會過　各不留下印"

_~~~~~~~~~~~~~~~~~~~~

好一句淡淡交會過, 直情聽到時可以聯想埋個畫面囉!!!

落花同流水, 好一個情比喻, 唔知點解, 諗番起文學 "落紅不是無情物, 化作春泥更護土", Wyman, 你係咪由呢度發大o黎搞架???