有成年冇屎寫過hompy...感覺有d怪怪地......都唔知仲有冇屎人睇?!...

我自己就冇乜大轉變,間唔中都有睇下大家既屎hompy,不過就冇屎留言.....哈哈哈,睇左你地都唔屎會知.

唔知我地响呢個小小既cyber空間入面可以keep contact 到幾時呢?!!!

真係要放長雙眼睇下邊個最屎長................命!!!

p.s. 我delete左我d感情entries ~

噚晚可以話係我最黑仔既一日,....噚晚諗住好開心咁放工收鋪同我個"好朋友"去唱k.......點知上左車(小巴)之後,個屎人alarm響喎,商場d保安打俾我,咁我就要番去熄番去啦....好啦~攪掂左之後,番落去搭車,點知又走左架車喎,咁等等等...等到終於上左車....點知........

個保安又打黎,話個alarm又響過....妖.......人地啱啱至上車(俾左錢),車都未開又要我落車上番去.....今次仲要等埋警察黎至走得(消案),我巳經勁趕架啦....仲要攪左成個鍾至走得....咁都算啦....點知.....

當我去到地鐵站時,先至發現我個銀包唔屎見左....成個心好似停左一樣咁,我就即刻噓噓聲去番個小巴總站到搵啦.......唉.....但係唔見左又點會搵得番呀......至慘既係,我啱啱至禁完錢,d乜証乜card又冇哂,好多有記念既野又冇哂......個種心情,真係好難去形容....

唉,...不過我而家好好多喇~真係要多謝我個"好朋友"

但仲有小小唔開心....

嘩-嘩-嘩~話咁快,我就番左差唔多兩個星期工喇~好好玩呀,d同事又好好喎,又冇乜野做,我又真係做到野俾人睇喎,又free,真係講都講唔哂呀~哈哈哈......

仲有呀,原來d時間過得勁快,一日就係咁,就冇鬼左......最重要既係,仲有錢俾我洗喎,總之就樣樣都好啦.........

生活得好開心,原來"正常人"既生活係咁既...哈哈哈,我真係錯過左好多,而家要好好咁去enjoy下先至得,唔係咩呀~

月尾出糧,我諗我仲開心呀....一定要買番d野俾自己先.......當然仲有我既媽媽,同埋"佢"啦....嘻嘻嘻,諗起都由個心到笑出黎呀~

嘩~攪左咁屎耐~終於攪掂哂~而家可以响新屋度慢慢攪番整齊佢.

住旺腳勁方便,肚餓3分鐘就有得食~哈哈哈

不過我諗都要攪多1-2個月到先至見得人~到時影d相俾大家睇下啦~嘻嘻嘻~

我既第2個目標.........就係搵工囉......都唔知搵咩好~........到時再睇下有d咩先啦~都係.......

啱啱玩完聖誕....除夕又到....YEAH~又有得玩~哈哈哈~

聖誕我都冇去大家既HOMPY到講聖誕快樂....咁我响樹同大家講新年快樂啦~都係一樣姐.....HEHEHE.....

呢排我真係好小ONLINE.....BUT I HOPE 大家唔好唔記得我呀...知道咪呀....

啱啱整好個hompy~暫時收住貨先啦~遲d再整好d

今晚去咗海洋公園,勁好玩,雖然去之前,我係勁累,因為我冇訓過,但一去到,就精神哂...緊係啦,有得玩喎....hehehe...但因為太屎多人,所以都係玩唔唒....

鬼屋勁正,個氣氛勁好feel,好掂呀~正

玩完鬼屋,就上去玩機動遊戲啦,嘩~點知,d人仲多過你去輪米囉,排排排,排到我屎都黎埋,我本身巳超累架啦,仲要我排成個鍾~累

"失而復得事件簿" : - 話說我玩完第二間鬼屋時,行咗出黎成十分鍾,先至發現我唔見咗條T & co 手鏈,shit,man?!!!....我成個人即刻down哂,於是拿拿聲去搵啦,一路搵,搵搵搵,搵到番鬼屋個入口到,都搵唔到,咁諗住入番去搵啦,但由於太多人排隊,於是我就問個姐姐 : 姐姐呀,我唔見咗條鏈呀,可唔可以俾我入去搵番條鏈呀?

姐姐 : 咁唔得架喎

我 : 但係我真係好想入去搵番條鏈呀,條鏈對我黎講好重要架,唔該你呀 (我個樣嗰時200%認真,仲有小小淚光)

姐姐諗咗一陣 : 咁呀....唔....不如....我入去幫你搵啦,你條鏈係點架?

就係咁,姐姐就入咗去幫我搵,但我心諗,點搵呀?裡面又大,又黑,諗住都係冇架喇,算把啦....係呢個時候,姐姐行番出黎,手裡面攞住條我最想見到既手鏈問 : 係咪呢條呀? 嘩...當時我真係好想攬住個姐姐,太.....勁喇佢,咁都俾佢搵到,(強調:入面又大又黑),睇得出,個姐姐佢,真係有用個"心"去搵,俾我都未必會搵到囉.好感謝嗰個姐姐,你真係好好人呀,你一定係好多人鍾意架喇,最少我係先啦,thanks SO much

咁海洋公園有冇咩唔好既地方呀?

有,d野食勁難食,又貴,排隊超耐,勁多人

But after all,it was a night with fun and excitment,it's another unforgetable experience of my life,nice

p.s. 唔知今晚個ding's BBQ 攪成點呢?我諗你地都一定玩得好開心

冇野呀,見咁耐都冇寫過野,咪…....屎下囉