起身了..經過了一個通宵.回家抱頭大睡直到現在...哈哈哈.

輕談果然不是一件易事.太多地方仍然做得不夠好.失望.真的.我真的估不到會這麼大壓力.

其實我用了很多心機去準備今次呢個節目.一個電台中算是最長的節目.一連四小時.雖然自己一直覺得應該不會太難.平時都做二小時節目.只不過是將他變作兩倍.沒什麼難度.而且早在二日前已經開始準備了八十首歌曲.相信一切應該會順利呢.但當真正做的時候.一切原來真的很不同...

我早四小時返到電台.準備一切.在這四小時.心中一直也很緊張.整個電台沒太多人.因為已經開始入夜了.在這麼寧靜的環境下.我腦中開始想一陣究竟如何做節目.壓力慢慢開始侵襲我的心.真的很辛苦.有點透不過氣來.這感覺就如同我當年第一次online.而且我第一次真正online的時候會有較多時間.因為下午節目會有一些短環節必需要播.但我昨天一看我的節目表.沒有太多宣傳聲帶.沒有任何短環節.每小時只有兩個政府宣傳聲帶.每一個只有三十秒.那就是說我只得一分鐘後就正式開節目.之前一切的準備突然離開了我.

節目開始了.首先聲音方面要作調節.平時下午節目可以大聲笑.嘈吵地叫.但夜了.我的聲音要調低.第一首歌開始了..中途不停地抄粉.播錯了東西等等..終於四小時過了.

感覺不太再想講.只是想下星期真的要做得更好.不好的已經過了.不可追回.下星期不要再錯.那就証明你進步了.不再停在今個星期了.

近期每日都是從不安中渡過.真的.我回想起由讀書至今其實算是一個小小的幸運兒.讀書成績雖然不好.但keep住有工作做.人工亦不算太差.而且得到很多不同的朋友照顧.但幸運總會開始減弱.或者唔應該咁講.應該開始講.現實開始走近了自己.這個殘酷的社會終於走了我的身邊.

怕?一半半呢.可能本身我是一個樂天者.每每發生什麼不好的事也好.總會有少少不開心.但亦相信有解決方法.只要你肯去解決和實幹地去做.呢個是很樂天正面去面對問題的我.但我都總會有弱的時候.近期弱的我不停出現.可能開始有些問題真的不懂去解決.怎辦?我問得更係諗唔到點好啦...

呢個社會真的.講名講利.很現實.你想為了自己的理想作戰.最首先的敵人就是這些.你不得不面對.

遲陣子開始做深宵節目"輕談"說真.不太想做.做是為了向現實低頭.向我的高層低頭.雖然我好享受做節目.我亦很想做音樂節目很久了.但在這個不平等的情況下做.總是有點不是味兒.唉.但既然做.我定會盡力去做的.結果我都不太想諗太多太多了.希望可以盡快解決現實的束縛.去我的理想進發

吳浩康 x Nick x 阿感
感：大家點睇香港嘅文化？
Ｎ：好多人都覺得香港文化係抄其他國家做出嚟，不過另一方面可以話咁樣只係將其他地方嘅優點融合一齊去創做另一樣嘢，都唔算係抄人嘅，呢種會係香港嘅另一種文化。
Ｄ：香港文化好懸殊。有的人根本吾注重文化，有的人又會不停去創做一的新野，如果要一概而論會好吾公平。香港人唔敢大膽嘗試，無自己嘅style。
感：音樂文化又如何呢？
Ｄ：其實香港年青人接受能力同分析能力會比上左年紀嘅人高。以前的人只會話外國音樂係得，根本吾會去聽香港音樂，但係佢哋忽略左香港其實係進步緊。
感：其實真正識聽一首歌，係要明白首歌嘅真正意思同個用心位。點解香港咁多人會download，都係因為佢地吾係用心去聽，純粹想有的聲嘈下。
Ｄ：香港人成日都會帶有色眼鏡去睇。其實創作歌手唔一定就係叻，但肯定會係有誠意嘅一班人。
感：我覺得香港既歌手因為要付合市場既要求去打做一個形象係觀眾面前，但呢個未必就係佢地自己既真性情，唔似得外國咁樣，行出黎就係佢地最真嗰一面，而大眾亦好願意去接受。
Ｄ：大家應該要有返自己嘅主見，從自己主觀嘅角度出發，雖然呢樣嘢未必迎合到大家，但起碼俾大家多一樣嘢選擇。
感：其實而家係多左的年青人識得欣賞音樂，音樂文化係一路進步緊架啦，但係潮流文化你哋又覺得點呢？
Ｎ：其實已經追緊上黎架啦，係進步緊。
Ｄ：有好多人都嘗試緊嘅，我覺得而家多左好多年輕人參加一的設計服飾嘅比賽，其實係好事，係一個勇氣嘅表現。
感：其實好多本地品牌都好有心，只係未被大众所接受、發掘同欣賞。好多歌手都慣性著外國品牌，而無諗過，甚至係無機會去認識、接觸香港都有呢樣嘢。
Ｄ：係大家唔願意打開雙眼，用心去接受啫，其實香港嘅嘢先係新嘢，因為未曾有過。
Ｎ：同埋香港設計嘅衫先係最適合香港人著，無論係size定cutting都係專為香港人而做。
感：大家作為音樂同潮流界嘅一份子，有無諗過要點樣去推動香港音樂同潮流嘅文化呢？
Ｄ：以身作側，自己先行出第一步。

吳浩康 x 阿感 
感：你對音樂達人呢四個字有咩感覺？
D：達人係人名黎架嗎，哈哈。
感：你新碟個名叫《Nowhere》，有無咩特別意思架？
Ｄ：《No where》意思係指你只可以係呢一個地方先可以聽到我嘅歌；如果解《Now here》就代表每次演出都係唱live，只會喺此時此地發生，表現出我對唱歌嘅熱誠。
感：你呢隻碟用左一光一暗做主題，有無咩特別意思喺到架？
Ｄ：我想做ｄ概念性嘅野，然後公司同事就提議用光暗嘅效果。其實個出發點幾好，因為對比大，係揀歌方面有ｄ會好有陽光氣息，好襯日頭，有ｄ又好啱夜晚。
感：喺你呢一隻碟或者下一張碟有無咩嘢係想自己去做架？
Ｄ：唱一ｄ自己唔鐘意、唔會唱既歌囉。因為做音樂如果太主觀，靠一個人嘅眼界做落去只會越嚟越窄，會兼顧吾到所有聽眾。
感：你首新歌點解會叫〈第三者〉嘅？
Ｄ：我覺得ｄ歌詞寫得好仔細，好能夠講到做第三者嗰種心態，個melody又幾好聽，就想自己改歌名，我試過改做〈見光死〉同〈黑箱作業〉，不過最後都係交返俾李進一負責。
感：如果有機會俾你同潮流界合作，為下一張大碟出一Ｄ產品，你會想做Ｄ乜呢？
Ｄ：我覺得貼紙幾好，不過太多既時候我會選擇出銀筷子，幾有意思同埋我本身又鐘意銀；或者T-shirt都幾好，買嗰個人著咗上身嘅感覺都會大Ｄ，不過由於自己不諳潮流，所以設計起嚟會有Ｄ吃力。
感：咁有無諗過想同邊ｄ潮流品牌合作呢？
Ｄ：如果係我會揀返本地嘅設計師，唔會選擇大品牌，因為佢哋好多元素都係參考外國元素，但其實香港都有佢自己嘅味道喺到。
感：介紹下〈第三者〉呢首歌呀
Ｄ：第三者係我自己比較喜歡嘅歌，歌詞又會講到大家曾經試過或而家經歷緊嘅一Ｄ感情故事，會係一首年青男女都有共鳴嘅歌。

Nick　ｘ　阿感 
感：對音樂達人呢四個字有咩感覺？
Ｎ：覺得係音樂最潮嘅人
感：React呢個名字既由來有無特別意思架？
Ｎ：其實係取自一本書裡面其中一句fashion is a chemical reaction，我做時裝嘅，所以就抽左佢後面嗰個字出嚟。
感：呢個品牌面世左幾耐呢？
Ｎ：剛好五年
感：五年前應該未係好hit本地創作架，點解你會開設潮流品牌呢樣野呢？
Ｎ：因為想做一Ｄ創作出黎俾香港人認識，做一Ｄ出面無嘅衫，等佢地吾駛咁枯燥，同埋想介紹潮流應該係點樣將一件衫著得靚Ｄ。
感：你嘅品牌有咩特別之處或者style？
Ｎ：而家出面多數賣D鬆身，但我地主要都係細細件同貼身嘅，甚至乎可以話乸乸地。因為我想帶動中性ｄ嘅潮流出黎，呢樣嘢比較少人做。
感：要將一個品牌推上市場未必會受到認同，咁你會點去平衡呢？
Ｎ：因為我地Ｄ衫唔係咁多人接受，所以會用中性style去改cutting就返香港人；又或者有Ｄ款覺得好靚，又怕賣吾到，咁就會做少Ｄ，當係限定版囉。
感：香港嘅潮流開始慢慢冒起啦，你作為潮流嘅先軀，會點睇未來嘅香港潮流呢？
Ｎ：我地黎緊會堅持中性，會係hi-end少少去迎合返呢季，同帶少少軍味。
感：對於自己嘅品牌有無咩目標或者定位呢？
Ｎ：想多人認識我呢個名，想係宣傳方面做多Ｄ嘢令東南亞地方嘅人都認識。

連續兩日突如其來的颱風.雖然對香港無咩影響.定晒都只係影響到的車比較塞.返工既朋友都照常上班.我就更加唔好諗啦.一定要返工呢.為人民服務嗎.

呢幾日真的有點不知怎算.心情是.工作也是.為了很多不同的事而煩惱.回想一下自己由小五開始.一邊工作一邊讀書.當然最後讀書不成.中五就叫做畢業了.讀書對我黎講我不太重視.反而工作我非常重視.因為我比較喜歡從工作中學習更多東西.但近期工作上真的遇到大問題.真的好苦惱.咁多年來未試過遇上咁大難題.有點不知怎解決.好想搵到解決方案.但倫不到我控制.怎樣才好?到呢一刻我都未知道..回想小五至今.咁耐無好好休息過.好想停下來.但害怕停下來之後的後果.

呢幾晚睇返一套日劇.LoveGeneration.當然想從中拿一些設計上靈感.但每次睇返的時候.真的有不同感受.今次細心地看木村在工作上伏線.原來劇中的他也遇上很多工作問題.亦因時間.他的工作態度亦變了很多.剛巧佢亦25歲.有點感同身受.

究竟有時順應老闆要求係叫成熟了定是做到個人滑了啞?過份有自己的主見就變得幼稚?入面的木村由開頭太有主見.經常和同事有衝突.到後期為了大局著想沒了太多個人意見.但又吸同事說很沒意思.究竟點做先好呢?

我自己一直都比較喜歡hi fashion.因為覺得少年時已經穿得太多闊袍大袖的Tee.另外一個原因就是可以同時出席高級場合之餘.你就咁行街亦不太誇張.完全乎合我個人的品味要求..可是本地品牌大部份的設計都比較街頭風味重.有時真的很難搵到一件合適的.但世事無絕對的.一眾街牌亦開始走上hi fashion的大路了.

今次要介紹的Tee.從外表看上來.有了現時最流行的dot點.你見藤原浩經常身邊重有一件就知dot點有幾流行啦.但好似無乜特別之處播.重好似係抄人地播.傻啦.我阿感介紹得.更係唔會啦.你要細心留意呢件衫胸前有一個袋.呢個袋口位上面就是呢件衫的精髓所在.設計師在袋口位上用了多粒閃石去代替了dot點.遠看真的不知道.但近看就知設計師所花的小心思就係呢個位置了.

呢件衫近日成為了我自己的隨身物.真的做到了不太高調之餘亦有其獨特之處.Pack!

呢幾日都好早起身去開會.返到家的時候總是有點累呢.但今日無得訓.因為返到家的時候已經見到Bizz.這一隻貪玩的狗總是不停地要我同佢玩.哈哈.其實我有時覺得佢同我都幾似樣呢.哈哈哈.大家都有長長的半金半啡頭髮.長長的.所以我好鐘意同佢玩

頭先趁佢訓左既時候.同佢一齊影左張相.哈哈.感覺上好像一對懶洋洋的老人與狗呢.

感 : Bizz好悶呀.搵的野攪呢

Bizz : 你睇你呀.一個人係到.無人陪你呢..

感 : 車~你好我幾多呀.你咪又係自己一隻野係到.你的主人唔理你啦

Bizz : 唉..同時天涯倫落人.

感 : 唉..

Krusty　ｘ　子洋　ｘ　阿感
感：覺得香港嘅文化呢？
ｊ：我覺得香港人唔係唔夠膽玩同試，只係太過拘謹，處於敢試同吾敢試之間，去唔盡。
ｃ：其實香港都有好多本地文化同創作，但係Ｄ年青人太注重名牌，好少留意其他創作同本地文化。其實做本地創作嗰班人係好熱心架，只係無機會被人賞識。
子：的確好多人都只會崇尚外國牌子，其實本地品牌都好有水準，只係欠缺一個人可以出黎表現呢樣嘢，我相信只要大家團結用心去做其實係ok架。
感：咁香港嘅潮流文化如何呢？
ｊ：某程度上係好跟外國，同本地創作個比率會係８比２。
ｃ：而家同以前分別好大，就算係初中生都好追求名牌，太過物質主義，同埋Ｄ年青人好易被身邊嘅人影響，無咗自己嘅風格。
感：咁香港嘅音樂文化又點樣呢？
ｊ：我覺得太過著重ｋ歌啦。可能有好多歌手想轉大膽Ｄ路線，但係又要顧及賣唔賣到碟，最後想試都唔敢試。
ｃ：而家好似成個音樂風都轉左，越黎越多創作歌手，多左好多實力派同創作歌手走左出嚟，會有一個幫助。
子：有Ｄ似香港品牌嘅形勢一樣，無咁著重本地品牌時，好多牌子都係抄襲人哋，但呢一兩年越嚟越多有實力嘅人去創作，係一件好事，香港人識揀左，成個路線都係向一個健康嘅方向走緊。
感：喺音樂或者潮流方面應該要點去推動本土文化呢？
ｊ：香港嘅潮流文化其實好明星效應，有Ｄ牌子本來寂寂無名但因為有明星著過就會將呢件事帶起。
ｃ：我覺得可以兩方面互相溝通同合作，一齊帶動呢件事，因為如果單單靠自己力量根件做唔到。
子：係大家團結嘅時候啦。透過之前ＷＷＦ件事將唔同單位嘅歌手同設計事聚埋一齊，其實幾感動，同埋有咁好嘅成績都幾開心。

Krusty x    阿感
感：點睇「音樂達人」呢四個字？
ｊ：分開黎講，音樂係一樣每一個人都不可缺少嘅野；達人係指好潮嘅嘢，將佢哋拼埋一齊講，就係指唔同年代唔同嘅音樂。
ｃ：音樂達人係指時下年青人鐘意嘅音樂類型。
感：你哋即將推出嘅大碟會走咩方向，會唔會加咗Ｄ自己嘅元素喺裡面呢？
ｊ：好似第二首歌〈morning sir〉，我地加咗好多怪聲叫聲落去，係一Ｄ平時我哋都無為意會發出嘅聲。自己好鐘意隻碟，好似為我地度身訂做咁。
ｃ：大碟名叫《hello krusty》，同我哋都幾貼切，因為我地成日講hello，用呢個名會幾新鮮同幾common。
感：咁你地收到〈孤戀花〉呢首歌嘅時候有咩感覺？
ｃ：非上之易上口，令我諗返起以前Ｄ歌，有Ｄ懷舊風格，歌詞唔會淨係講情情塔塔，用詞又好華麗。我哋第一次聽嘅時候係無中間music break嗰段，之後再聽返好surprise，竟然粵劇都可以變做流行曲。
ｊ：覺得有Ｄ悲情，不過都係好嘅，可以有唔同嘅嘢喺裡面。
感：要演繹得一首歌有感情，某程度上首歌都會包含咗自己嘅故事喺裡面，咁呢首歌又會吾會係寫咗你地嘅故事喺裡面呢？
ｃ：都有架，首歌講個女仔喺出面時好華麗，但返到屋企就變返做平凡人，好lonely。
ｊ：我諗所有artist都會係咁，成日要以最高姿態表現於人前，但每當返到屋企，或者對住朋友嘅時候其實都係一個普通人，一樣會有寂寞嘅感覺。
ｃ：同埋歌詞講到唔再相信愛情，其實都會係。入咗呢行之後好多人都會對我哋敬而遠之，驚高攀唔起，但其實我哋都係普通女仔，世俗眼光會令我哋錯失好多機會。
感：介紹一下你地首新歌“孤戀花”
ｊ：呢首歌我最surprise係可以將以前嘅曲風加落而家嘅流行曲裡面，同埋唱呢首歌嗰陣要諗起自己寂寞嘅感覺，等聽眾聽嗰陣都會感受到我寂寞嘅感覺。
ｃ：撇除咗我哋嘅唱功，其實仲可以留意下個曲風同其他方面，因為首歌唔係淨係我哋嘅功勞，監制同有份參與製作嘅人都放咗好多心機落去，唔應該抹煞咗佢哋嘅心血。

子洋   x   阿感
感：點睇「音樂達人」呢四個字？
子：係潮流方面，創作嘅時候會加入一D音樂元素，唔同嘅音樂會有唔同嘅服裝style，所以某程度上潮流同音樂已經掛勾，會係幾相付相乘嘅一樣野。
感：介紹一下今次同Panda-Z合作嘅衫呀
子：Panda-Z其實係日本嘅character再融合咗鐡甲萬能俠。呢個character喺日本好受歡迎架，今次同合作單位傾左好耐，好開心今次可以將呢個產品帶俾本地嘅客人。
感：RVSR呢個名係點出黎架？
子：RVSR 裡面嗰２個R分別代表Revolution同Rebellion，有革命同叛變嘅意思，咁中間VS即係reserve咁解，其實兩個都係有同一意係，又帶一ｄ吾同極端既意思嘅。我幾鐘意呢兩個R字，所以就用RVSR啦。RVSR亦都係舖頭名crossover英文字序掉轉revossorc嘅簡寫。
感：RVSR呢個牌子主要係走咩風格路線架？
子：今個秋冬會D興迷彩同帶少少軍味嘅嘢，我哋會出軍褸、迷彩褲同一系列有迷彩paten嘅product，同埋今次幾突破係有Ｄ boxer出，用一ｄ迷彩圖案做成，比其他牌子出多少少lifestyles嘅野。
感：今次同panda-Z合作設計一系列crossover嘅產品，你係點樣加入自己嘅概念落去呢？
子：呢個系列嘅設計主要係配合返panda-Z想俾多ｄ香港年青人認識，成為一D潮流嘅icon，我就將panda-Z潮化咗。今年會幾興old school style，興返牛角tee，我會將panda-Z放落件牛角tee到，再加ｄ水鑽同閃石等唔同嘅物料，俾人嘅感覺會潮流D同trendy D。
感：黎緊本地潮流會興D咩呢？
子：嚟緊會興ｄ歐洲或者英式嘅野，比較注重detail位多D，唔會再咁濶袍大袖，我自己幾鐘意嚟緊target個logo。喺洗水、噴染方面會採用歐洲、意大利嘅手法。

一個品牌的成功.除了講求實力外.膽量亦是很重要的.你細心去睇吓現時一的比較成功的品牌.它們一定會有自己一個非常特別的特色.例如會有自己的一個花紋或迷彩花.街頭品牌的就一定要數猿人啦.至於成熟高級的就一定要數LV啦.它們都有自己的花紋.猿人就有自己的迷彩.而且重出了很多不同的顏色.LV就有將自己logo變成了Monogram.而且每之推出一定會買過滿堂紅.今次要介紹的品牌.它在香港早前以水貨出名.上年它們小試牛刀.初之推出自家品牌.今年更決定要創出自己獨有的花紋.似乎決定要講給香港人知它是誰.

Grand呢個今年新起的自家品牌.正式開始為本地品牌盡一分力.首先推出的一件Tee.不用什麼特別的圖案.竟然用上自己鋪頭的牆紙花紋.而且更寫上英文字GRANDIOSITY.意思是指誇張或浮誇.完完全全張自己的風格話俾大家知道.呀!又攪到我幾Buy呢.

其實好多本地品牌成日都覺得低調.但有時都要有適量的高調作一個平均.太低調的話,點將自己想講的訊息俾人聽呢?你有冇見日本既設計師唔行出來影相呀?