回想起昨天...走走而踏入玩具城,一起走到毛公仔一角落,望見你拿起個毛公仔裝出傻傻的神情,十分搞笑,然後行行下你又玩bb玩具.真係好天真,天真瀾漫既天真樣,童心未浼.相比之下我就不甚有興趣,由此可見童心早已幻滅,然後我又話要走,你叫我睇多陣,但我已試從迷宮中找出口.

在閑逛期間你不斷問我要不要買東西,我一一說不要、不需要、不用了,實質上真係唔想買,因為有需要既時候先買有需要既野.而我的種種行徑相信令你覺得十分冇隱,我真的不知為我會這樣,真的很抱謙!

You are so gentleness ,I love it.

未去之前預計自己會唔習慣、之後又被打沉意欲、所以睇笑片都笑唔出真係可笑;結果唔係唔習慣,係極度唔習慣.

個衰細佬都唔知係佢聆聽有問題,定係我表達唔清析,我同佢講如果七點未返就唔使等我,因為預咗老豆煮咗飯,我又冇話唔返去食.返到去見到細佬食剩d餸尾,咦?我嗰d呢?佢話:我以為你唔返來食,等我仲好努力咁食哂d飯.O~真係唔方唔"Poly Shit"半夜肚餓既話就煮糊食,係名副其實既蕃薯粉,再煮飯我唔會,有麵包我唔鐘意食.

-------------------------------------------------------------------------------------------------------
原來生理時鐘呢樣野仲準過鬧鐘,前幾日較定鬧鐘六點起身,呢幾日自動自覺咁醒咗,仲要係次次望個鐘都係六時正,原本星期六想訓晏d,但都晨咁早醒咗無法再入睡,點算好...我仲要繼續實行六時嗎?抑或放棄?咁就睇下精神意志.
其實六點都唔算得好早,有d人四點鐘都起到但對於我黎講就真係唔得,又夜訓又失眠,邊有可能早起.

我真係好想笑,因為只會笑得越來越大聲,我冇失常,笑多d係好事黎,當然係偷偷地,雖然老豆聽到又問我係咪傻?我都懶理那麼多,活多一天就偷笑多一天.

我懷疑自己係咪一出世就有孿底.點孿法?.....個頭d頭髮唔直,次次拉完都半孿半直,髮尾彎嘅..激死我,難道要一世伴住孿髪?

哈~講到孿我細佬先至係孿髮教祖,佢一出世已經係孿頭髮,所以比人叫做「孿毛」,但佢始終接受唔到,要去電直,仲話電一次唔直,電多幾次就直,計我話半孿半直先至係最靚,最冇人有,所以我諗兩次夠.

哈哈~講到細佬無理唔講老豆.最近我爸就黎變扁民,(佢唔係鐘意扁),又毎日每時毎刻都睇阿扁,又有個台係無時無刻都播黎for佢睇喎!除此之外,之前都係睇台灣d台&@台.所以寶儀成日話我冇得睇電視好慘;我冇睇電視?我有睇呀..睇d你唔會睇既野囉~算擺,我早已習慣,之不過唔好問我乜鬼糖心又風暴,我唔識,亦都唔好話我out呀.

琴日去海洋公園,天氣好熱,忽冷忽熱,有d同學着錯衫,搞到好辛苦,局住來行.一去到我地6個人分開兩批玩,我一去到就來個刺激既越礦飛車,未上前我完全唔驚,因為已經隔咗幾年冇玩忘記咗咩感覺,玩完之後感覺返哂黎,佢地然猶未盡想排多次,我就開縮沙,好彩話去玩其他最尾先再玩...哈.之後玩滑飛船,排咗好耐好多人玩,要我坐第一個搞到濕唒.跟住寶儀佢地又再排多次,我同May去玩其他,其實我唔識阿May,但同佢傾傾下計都幾岩傾仲發現有共通點,佢問我鐘意d咩?我就隨口咁話鐘意聽英文歌,點知又會咁岩佢都係喎~佢話次次問人鐘意聽歌都係中文歌,冇一個會同佢一樣.我都發覺自己係咁,d人同我講本地最hit既歌名我一d都唔識,我仲發覺一樣我同佢幾特別既野,外表好靜,但會玩刺激機動遊戲,我一d都睇唔出佢外表斯文又靜,係會玩刺激既野,我就問佢,佢話動靜皆宜先可以配合唔同既人嘛~....我覺得佢講得幾岩又幾好.

之後同佢一齊去玩瘋狂過山車,試過人人都話冇野,我覺得一d都唔瘋狂,只係個頭係咁狂被搖.我樣樣都唔驚,但坐海盗居然會驚,個個舉手,我就點都舉唔到,因為我未上前預咗冇野,但發覺預咗冇野係會有野,越係預咗會驚但上到去唔驚,唔知點解有咁問題,因為我最後玩既係跳樓機,未去排隊之前問定同學越礦飛車同跳樓機邊樣刺激d,話係跳樓機,我就開始諗唔玩,但經過個度就諗點都要試下,而家唔試等何時?而且要理行自己講過既野,所以玩啦,我同May兩個人排完隊入到去,三個位中間比個男人坐咗,我地只有一人一邊啦,一升上去我都冇咩理到有幾高,因為要顧住心理返應,落個陣我冇叫又冇笑,因為聽到隔離個男人係度笑,幾yeah...有冇咩好笑.但落一半唔落一半又升返上去,我仲以為呢次真係會一次過跌落地下添,但上上落落兩下就完咗,落到地面我仲問阿May咁就完咗啦!我諗如果一次過跌落去既話心臓暴發.

玩完再坐一陣就兩點幾三點,個個都話想走,捱住肚餓想快d出去食野,入面d野貴又多人排隊,所以搭攬車過去點埋名,出到門口塔的士過CWB食野,最好既係搭車加食埋野計過仲抵過係園內食,返到屋企成晚腳酸,訓到今朝起身,仲有d攰又谢.

今日係咩日子?11-11-08.11+11發生兩件好彩數的一天,第一件我認為是細微的東西而又算是碰巧的幸運,第二件事是真正僥倖的幸運,事沿今日放學個陣,行去某商場買野,行行下見到到個人企係堂梯上面整野,似係整天花板,唔知係發泡膠定係木抑或整緊電線..唔知無理到,好唔為意咁行過去,因為個度係角位好窄,所以我係好近咁行過去,就係要行過去既一刻,聽到d危機既聲音,自覺地用手遮頭,但又傻的冇即時彈開,嘩!d石頭係我頭上面飛過,跌落地下再彈落我隻腳,我個心當堂跳咗一下.舊石頭跌落來隔開幾十尺都聽到,行係我右邊既阿婆愕然咁望住我話真係好彩.

有冇搞錯呀...清理石頭?封路啦唔該,罔顧人命!嗰條友顧住整佢既野已經忘記自己整既石頭跌落地下,冇睇下有冇人受傷或整襯,持住冇人受傷就若無其事,實質彈到隻腳已經可以鬧佢,但我居然冇出到聲,可算係我好彩時,你好彩,如我唔好彩時,你就大臒.由此教精我任何時候見到咁既情況都要行開d好.

YeahYeah!星期五旅行日去Ocean Park,唔知點解個個好心,(包括我在內)又唔係第一次去,唔知道,我只知道我未試宏全部刺激遊戲,我玩過越野過山車,仲欠高空跌盪嗰個同埋36o。嗰個,點解我會冇玩到,因為要排長龍係一件麻煩事,所以呢次玩唔到都唔返屋企,但聽人講話高空嗰個更本冇乜野只係for畏高症嗰d人,那豈不是沒可挑戰?玩玩玩咪以為我唔驚,我只是尚有膽可挑戰,因為我記得我玩過山過個陣同普通人沒異,大聲嗌,隻手捉緊死都唔放,就快跌個落去個陣就只有望住隻腳,所以現場有咩風景係唔知.

日子過得快不快時間也是這樣飛逝,面對著緊迫的現實不能逃避,真的教我無言以對.

覺得自己未進入作戰狀態,尤其管理時間方面,一團糟.個個禮拜六都要返學校補習,有時真係唔係好想,上佢一堂好似打扙咁,落咗堂消化唔到於是掉哂腦,派d紙多到....我分唔清邊張打邊張.

所以琴日更本唔係好想返,於是導致遟遟先出門口,跟住又同寶儀遲到,去到門口好似做賊咁,我真係唔想再係咁...因為毎一次唔係我遲,就寳儀遲,可謂堪稱遲大到姊妺花,真係小羞都冇咁樣衰!

之後走人,同寶儀去行返一輪,又同佢去食佢不解情意結既KFC,行路沿途中我發覺到我地講野講到好開心,無論講咩都咁好笑~唔係講笑話,更加唔係講心事,這樣正常嗎?哈哈~我諗一個共通點,大家內心有不快,所以要大嗌.其實咁都好呀~無咩唔妥.

 煩呢樣,煩嗰樣......
顧得東,顧不到西.....
做這樣東西又想到其事.....
不知由那時候開始有精神不能集中症...
無啦啦收到告票,唔知搞乜鬼....
無啦啦老豆入咗院,第二日自己走返出黎....
無啦啦又要碌牙,仲未去碌.....(我無講大話)
點解我咁鐘意煩惱..........我係咪問題少女?
唔係呀....事實上日子就是一天比一天糟糕.

*************************************************

    真 的 很 煩 惱,不 想 做 吃 力 不 討 好 的 東 西,
這 樣 做?那 樣 做?還 是 不 做?不 知 道. . . .亦
  不 知 道 為 什 麼 一 定 要 似 是 提 醒 我 要 怎
樣 怎 樣 ,,去 到 那 裏 總 有 問 號? 浮 現
   難 道 我 不 知,我 當 然 知, 亦 知 道 這 是 前
世 欠 下 的 ,天 注 定 的 啊!天 意 弄 嘛!
         不 知 要 為 此 耐 磨 到 那 時 ;
不 要 緊 青 春 已 過 時、早 已 拋 開一切.
    我 奉 陪 磨 練 到 底 、至 多上不 到 天 堂 落 地 獄.
                  貫  徹 我 悲 劇 人 格.
   
                

今日下晝放學,同寶儀一齊走,行行下行去地鐵站個ok前停咗係度,寶儀話想我陪佢一陣,唔返得屋企注,於是真係唔好彩轉呢個時候個頭一轉見到d唔鐘意見到既人同人,不過都好亦可以驗証到嗰句:C.H.E.A.p,好cheap,cheap到爆...之後問寶儀個人係咪有掉轉頭望,話冇.但我就見到人拉門個陣乘機反望過來,正常人推完門係直入,但佢個動作相當怪,一邊推同時頭帶身反轉彎向後再轉返前面,話唔定人地心虚,要睇下你有冇啤佢.而且你會發現兩個人係用兩度門?正常呢個情況唔係咁...哈哈彈開咗d心有屎.一個為做戲卑我睇而行近我隔離再直行過去,另一個心有野,驚被你挖瘡疤而臨推門要反視,但呢d動作一一敗露於我眼裏.
 
轉入正題,今日真正發覺到自己最強既記憶係記人樣,因為同寶儀一齊入去零食乜語個陣發生有趣的事,一入到去我見到個售貨員就覺得好面善,咁似寶儀嗰師姐咁嘅?望真d唔係,兜完一輪走人,我又冇問到.之後寶儀又兜返入去買野,我越睇就越覺得有疑惑?雖然化咗妝,但冇理由似得咁緊要,於是悄悄咁問:呢個人咁似阿邊嗰咁嘅?喔~原來佢師姐個家姐.

其實同樣的事,都唔係第一次.另外一些例子,我記得好耐之前有一次搭地鐵去到觀塘線咁上下,見過一個人.之後隔咗好耐放學搭小巴返屋企,係車上一見到個人就極之面善,諗咗一陣諗起係呢個人,又會咁橋嘅..

仲有一次就係去惠康,又係見到個好似係邊到見過既人,但諗到似樣都唔出奇姐,跟住隔咗一排又係去個度附近地鐵站個陣,真係又見到係呢個人,好肯定,因為d衣着從網上某某地方所見一模一樣,冇抵懶.

有d仲更為有趣,不過都係唔講啦...@