之前一路打緊既故事,放低左太耐喇,

真係要繼續喇!

不過有好多印象都唔係太清晰喇............

上次講到BB細個既乳名篇,

今次講下爸爸同媽媽啦!

爸爸...........係一個大男人,

不過佢好愛錫呢個BB,

就算BB已經長大,已經識得句句同佢頂到恆哂都好,

爸爸始終都好愛佢!

不過0係呢個女孩子十多歲既時候,

佢真係好憎佢爸爸,

因為佢打媽媽,

每次聽到媽媽既喊聲,

佢都好嬲,但係又好驚,

令到呢個女仔0係18歲既時候離家出走,

因為佢再冇辦法忍受,

雖然離開左屋企,

但係佢仍然每一晚都發惡夢,

佢亦開始話畀自己聽唔可以畀男人踩0係自己頭上,

就係咁,憎恨就跟左呢個女仔7,8年,

其實憎恨一個人真係好辛苦,

不過佢仍然唔可以放低過去,

其間好多時會同爸爸爭論,

有時甚至可以將一個大男人鬧到聲淚俱下,

但係畢竟係一家人,愛始終唔會離開........................

呢個女仔亦開始明白....................

媽媽...............0係呢個女仔心目中係SUPER WOMEM!

媽媽係一個幾嚴厲既女人,

細個既時候,小女孩已經唔敢同媽媽傾計,

有時可能因為一件好小既事,

媽媽就會打佢,而且次次會用衣架呀籐條呀咁,

所以一定會有痕,

好細個已經冇再手拖手出街,

因為媽媽始終係媽媽,冇可能會變成朋友,

不過媽媽廚藝相當精湛,

有時星期六一家差唔多廿人都會返到婆婆屋企食飯,

咁當然係由大廚師媽媽煮啦,

以前小女孩唔知一個識煮飯既女性原來係咁了不起,

煮飯都小兒科,

有時屋企有人生日或者D咩節日要攪大食會,

一樣難唔到大廚媽媽,

到宜家屋企人仲好回味出自媽媽手既美食,

仲有一煲充滿愛心既老火湯!

以前小女孩從來唔會逆媽媽意,

到佢長大,開始知道咩係道理既時候,

就開始會同媽媽爭論,

有時甚至要第三者調停,

畢竟佢地性格太相似,

女孩離開左媽媽幾年,

但係母女倆人感情比以前更好,

女孩亦開始學會媽媽既絕技,

煲咩湯好,煮咩餸好慢慢成為左佢地每一日既話題!

直至媽媽有病,

媽媽就由果時開始送左一份非常珍貴既禮物畀女孩,

兩個人一齊分享呢份禮物,

一齊經歷,一齊面對,

雖然能夠相處既時間唔多,

但係已經改變左女孩既一生,

女孩到今日仍然記得2004年2月22日受洗當日與媽媽既擁抱,

仍然記得2004年母親節同媽媽一齊影既相,

仍然記得04年6月28日媽媽最後既一個吻,

仍然記得04年6月30日媽媽離開時既面容,

仍然記得當時媽媽既餘溫..............................

在天上的妳能安息主懷中,

在地上的我會永遠懷念妳!

好攰呀,兩點幾起左身,

匯報左琴晚既戰況之後,

都唔係好想起身,一訓就6點喇,

肚有d餓tim...................食野lu!

琴晚相當ok,

質數非常高,

haha...........................

我同祖兒都十分回味呀! (>.<) !

琴晚彤彤見到一個男人0係窗外面呀,

(佢地住31樓架.......攪到BB好驚,係咁喊呀!)

污鬼,真可惡..............>.< !

主啊,

求你派多d天軍天使保護彤彤,

叫一切屬黑暗既要因為你既榮光而膽怯,

奉耶穌基督之名,我斥責所有屬黑暗既污鬼,

並命令要離開ben同mimi既家,

又奉耶穌基督之名,我宣告,ben,mimi同彤彤一家都有  神既榮光覆蓋,

包括佢地既家每一個角落,

所以污鬼要立刻返去耶穌基督命令要去既地方,

主啊,

你用你既慈愛,你既溫柔保護佢地一家,

縱然佢地未跟隨你,

求你都看顧佢地,

尤其係彤彤,求你保守彤彤遠離黑暗,

健康成長!

多謝讚美你,榮耀都歸畀你!

奉耶穌基督之名,AMEN!

果邊多d野睇呀!

南丫島一日遊 + 大事回故(第二集~乳名篇)

五月喇,時間過得真係好快,

想停都停唔住,

喂,各方好友留意,

過多兩個月係本宮既大壽,

請好好準備喇!

(講笑咋!同我d family一齊我已經滿足喇!)

不如自己整個蛋糕畀自己,

好似好耐冇整喇,唔知有冇生疏呢!

_{黎一黎大事回故}

 25個年頭都就過喇,應該執一執d野,

80年既7月22 (大約下午3點零鍾啦) , 有一個好可愛既baby(係呀,正是本宮!) 跟住果日既8號東南烈風喬伊一齊登陸香港!

(勁呀,唔怪得我都幾烈啦!唔上網查一查都唔知 tim ! )

之後就正式開始左佢既征途!

爸爸本來係black人,不過佢寶貝女既出世,改變左佢一生;佢由柴灣一搬,就搬左去當時仲係鄉村小鎮既新界 (宜家都唔好得好多!); 佢亦搵返一份正職喇! 揸車, 一揸就揸到佢寶貝女26歲喇!

今次講住咁多,想知道故事既發展,唔好錯過下一集喇  (*3*)  !

good news!

http://www.xanga.com/home.aspx?user=peggielovefamily