呢排好忙，因我家多了一位新成員，攪到晚晚無覺好訓。不要誤會，我不是添丁了，而是多養了一隻小狗，佢媽咪係「靚靚」的表姐，所以「靚靚」以榮升為表姨。我地叫小狗做「BB」，BB媽咪不肯餵奶，所以BB未滿月便來我家，我都是第一次揍咁細BB，感覺就好似當年我揍仔果時咁，每隔幾小時餵一次，等佢大小便，每晚最小起一次身，真的很累。不過見到佢日漸長大，身體強壯活躍跳皮我就放心安慰，更開心是靚靚都好鍾意BB，會跟她玩，還幫她清潔身體，見到佢地有個伴，我好開心。
尋日參加了一個長跑比賽，我只是初哥試玩，
跟我那多次獎的姑姐見識。
地點剛在我家附加，跑大美篤堤壩來回兩次
共十公里，平常跑步減肥的我都只跑三四公里，
所以我都擔心自己跑不到全程，
尋日的確跑得很辛苦，我抱住一定要跑畢全程，
不要包尾，的確提升到我的意志，
用了八十五分鐘完成，我好開心呀！原來我都得！
一早係東莞以經預祝了生日，上星期六朋友也跟
我慶祝生日，所以尋日生日就好平靜地過，
今年阿仔沒有買禮物給我，佢話唔知我喜歡甚麼，
改為給我現金，可能佢現在搵到錢，但我都係喜歡
收禮物多點，尤其有一年佢親手做的陶瓷豬豬，
不過算啦！都是一份心意。
上星期很順利地完成回鄉探親，阿很開心，
其中有一天我們去唱K，順便替我預祝生日，嘩！
常平的K場好in呀，香港的新歌都有，我對仔女玩得很盡興。
D親戚好熱情，請我們出外食飯，
還自製了花蜜給我們帶回港，現在交通方便了，
下次去得深圳玩，不如花多廿分鐘車程去常平玩，
消費平又可順道探親，
一舉兩得，唔錯！
老豆想同阿中秋返鄉下探親，
順便玩兩三日，當然少不了我一家大小 ，
我鄉下好近係東莞市，
但十幾年無去過，只得阿跟那些親戚熟，
老豆自己跟人家不熟，就要我打電約人，
嘩！幾尷尬！我要同人地（我應該叫表叔）講，
「我係你姑媽個孫女」
幾驚佢話我白撞，係度認親認戚，
好在我講得清楚明白，
佢話到時會來接我們，總算約好了。
現在要為靚靚安排，應該留佢係屋企，
請鄰居幫忙定時餵佢，定係托管係別人處好呢？
開學兩日就發生中二女生因小事自殺，
時下青年真是身在福中不知福，
小小事就話唔開心，係要用放大鏡放大佢，
咁有勇氣去死，點解無勇氣生存下去，
人地面對疾病痛苦都要掙扎求存，
點解佢地話放棄就放棄，
為了報復？佢地知道家人愛佢，
就用自己生命作控訴，有用嗎？
就算父母幾想疼你，都沒有機會了。
做事唔好咁絕，攪到無灣轉，
有無掉轉想想，若果離開的是你們的父母，
你會心痛傷心嗎？你會的話你父母一樣會，
不過那時你什麼都做不到了，
請你們愛惜自己生命，
不要令愛你的人傷心。
一向每朝早餐都是跟老公一同到茶餐廳食，其實食
到有點悶，九月還開始加價，
為了健康及省錢，我們開始在家食早餐，
最初怕老公飲不慣我沖的奶茶，
但佢話OK喎，咁就好啦。