仔仔今個月頭已經做左[公公]喇,佢o係診所返屋企時因為麻醉藥未散而矇矇矓矓,我地惟有抱佢上床瞓覺,佢足足瞓左十幾個鐘頭先醒呀!

仔仔o係爸爸手臂上瞓得好舒服,難為爸爸畀佢壓到手都髀埋！

我屋企對仔女真係無野叻,最叻就係捐窿捐隙搵o野玩,好似呢日佢o地就爬o左上廁所個洗手盆到玩,兩個仲玩到唔願走,真係畀佢o地激死!

仔仔：我好惡o架，你o地唔好蝦我呀，睇我個樣就知我好好打啦！知驚就行開o的，唔係陣間Mui Mui o黎到你o地有排驚呀！

這晚，又懶又肥的仔仔和斯文大方的Mui Mui，一左一右站在房門前扮「貓門神」，牠們動也不動，樣子「傻更更」，我馬上找來相機拍下這一幕趣緻情景！

照片拍得還不錯吧？！

嘻....大家望住我個pat估唔估到我係邊個呀？

咪就係我仔仔囉，我呢日有個新髮型呀，靚唔靚呀？

仔仔永遠都讓我擔心！前幾日，我無意中發現早前替牠和Mui Mui買落的兩條頸環，因為之前牠們還太小，所以沒有替牠們戴上，但近日仔仔身形漸長大，頸部已可以配戴到頸環，所以幫仔仔戴上，怎料仔仔非常不喜歡那頸環，由我替牠戴上一刻，便開始咬著不放！

我當時在廳替牠戴上，但牠邊咬邊亂衝亂撞，一路咬著入房，不停咬咬咬....身子又不停撞撞撞....

最可怕時刻來臨了....仔仔竟然想盡辦法把頸環咬在口中，牠以為這樣便可以把頸環咬斷，然而頸環在牠口中唔上唔落，還「卡」在中間，我見狀第一時間上前替牠鬆綁，可是牠可能受驚過度，不讓我觸碰牠且不停爭扎，擾攘了數分鐘，牠依然爭扎得十分激烈，深怕牠會窒息的我已經方寸大亂，惟有呼叫男友幫手，他即時找來剪刀剪去頸環，而仔仔鬆綁後一臉受驚樣子，令我十分內疚！

最後，我被男友罵得狗血淋頭，唉....我也不想的！

仔仔：好o野，又有新玩具玩，我咬咬咬....

仔仔：想走？無咁易，我捉！咬住....

仔仔：哎o也....仲想走，我拗住條肥腰都要捉住你o架喇，睇你走去邊到....

仔仔：嘻嘻....得o左！不過，畀人見到個肚腩仔添，真係醜死怪！

不經不覺，Mui Mui已經長大個很多了，而且還長得婷婷玉立，樣子可愛斯文的她，骨子裏還很溫柔賢淑，細心的她經常為弟弟清潔毛髮，真是一位好姐姐！

至於細佬仔仔就十分享受被家姐Mui Mui照顧，愛向家姐撒嬌的他，經常嚷著Mui Mui陪他玩耍，兩隻小妖怪就成日在家中追逐和跳來跳去，玩得累透又會一齊搵「周公」，名乎其實食完就玩、玩完就瞓，真嘆！

仔仔和Mui Mui好鍾意伏在我們的衣服上面休息或睡覺，每次一放下衣服，兩個就會第一時間「霸住」，然後久久不願離開半步，心怕會被對方佔有，認真搞笑！

仔仔：我好悶呀，媽媽淨係掛住影我相又唔陪我玩，我真係好悶呀....幾時同我玩呀？

仔仔和Mui Mui每次一見我o地入房，就即刻衝到房門外「捕」我o地，一見我o地打開房門就會唔理三七廿一衝入去，然之後就會狂跳、狂追同狂玩，真係捉都捉唔住！好次呢張相咁，仔仔負責「睇水」，Mui Mui負責指揮行動，總之門一開，兩隻小妖怪就會衝入去大肆搗蛋，真係畀佢兩個玩謝！

仔仔和Mui Mui對爸爸這個自製玩具愛不釋手，看看仔仔咬住公仔不放，而Mui Mui對住條繩成個跳起就知啦！

仔仔：我抓、我抓....唔準走，Mui Mui，我o地合力收拾佢，你幫我o係o個邊捉住佢....喵喵！

這對姊弟是我家的心肝寶貝，雖然平時十分調皮又搗蛋，但當靜下來時又十分乖巧，真係對佢o地又愛又恨！