Q: 九歲神童同乾海參嘅共通點?
A: 大家都係「浸大」嘅!

Q: 九歲神童讀浸大? 九歲標童係咩大?
A: 嚇大!

Q: 嚇大全名係乜?
A: 客家大學!

Q: 妖! 係「嚇」大…唔係客大!
A: 嚇鬼咩，大佬!

爛gag! 但係這些對話像九歲多啲囉!

童心係創意來源, 祝神童入到浸大前程似海參！

願爛gag與我們常在, Amen! 神父賣嘢!

Q: 神父賣嘢?
A: 賣god呀!

小弟杏花LUN已開新鋪, 名為IT有新紀™, 有IT新消息, 當然一樣有爛gag!

當然, 杏花LUN壇會繼續營業!

請支持IT爛gag王™嘅IT有新紀™, 多磨多磨!

請往以下網址：

http://blog.hkcsl.com/p/b5/web/UserBlog.jsp?uid=9711

某幾個星期天在街上逛逛‭, ‬無意看到好幾段實況記錄片‭:‬

經過通利琴行‭, ‬有條拾幾歲嘅懶醒四眼仔‭, ‬喺個鋼琴度loop著彈奏「香港始終有你」‭, ‬一邊四圍望有無人讚賞緊佢…‭ ‬真福佳‭!‬

大好星期日‭, ‬藍天白雲‭, ‬美好嘅柴灣公眾泳池‭, ‬小弟享受陽光之際‭, ‬有把惡死嘅老竇聲突然鬧仔‭:‬「而家叫你嚟游水呀‭! ‬叫你嚟玩呀‭?!‬」

行行吓太古城吉之島‭, ‬無意聽到路人父親跟約四、五歲的兒子解釋抽氣扇空氣對流嘅理論…‭ ‬我今年三十七歲‭,‬‭ ‬我都想學‭!‬

往停車場時‭, ‬一群有錢打扮的母親‭, ‬子女及印賓們也在LIFT LOBBY等著, ‬母親正在「鋤大弟」…

A太：「我呢個兩點去游水‭, ‬四點學畫‭!‬」
B太：「我嗰個兩點半學珠心算‭, ‬五點柔道‭...‬」
C太：「我呢隻‭ (‬留意‭: ‬係用隻嚟做量詞‭) ‬一陣去小提琴‭, ‬跟住畫國畫‭, ‬同埋象棋…」

啲小朋友個個都係四眼嘅…‭ ‬讀小學三、四年級吧‭, ‬而且個個真係成隻啤牌咁‭, ‬目無表情‭!‬

我心裡暗叫：「PASS…AWAY‭!‬」…‭ ‬想死‭!‬

這些親子關係尤像投影機與小銀幕‭, ‬父母只會把「一廂情願之望子成龍」這部電影投播在他們身上‭, ‬長久下去‭, ‬銀幕沒有了投影‭, ‬如何自己發光發亮‭?‬

星期天‭,‬‭ ‬請讓童真作他們自篇自導自己未來的第一課吧‭!

很久沒有寫屋皮, 今天打孖作補償!

別了Lowe, 無得撈的日子, 杏花LUN經常化身"電車LUN", 傲遊灣仔MK各大小玩具CD點, 唔買都睇, 不易樂乎!

既然自稱電車LUN, 當然要自我催眠, 灣仔MK當成香港秋葉原看待!

先說MK, 兆萬, 信和乃必拜之地, 間中一到荷里活商場陳年CD點尋寶, 再去得發地牢逛逛hifi綫材, 一區DVD, 並看看Bluray如何巴閉!

走了一程, 索過一股獨一無二的MK味, 人都醒啲!

但小弟其實會多些到灣仔, 一來不用過海, 泊車方便, 灣仔吃到牛肉乾的機會很微, 而且灣仔道一帶很多咪錶位呢!

二來灣仔區的娛樂層面, 比MK實在豐富...我覺得!

單是灣仔188, 已是一千個精彩! 最新已賣最平價的CD及DVD, 就是這裏, HMV對我來說, 只是showroom! 只供齋睇及試音, 然後到188才買!

除了CD/DVD, 188更是電玩樂園, Wii, PS3, NDS, PSP, 一切都是平通全港!

當然還有玩具舖, 水貨, 老翻CD/DVD, 日本書店...不能盡錄!

去完188, 再往298電腦場, 然後走一轉英皇中心搖擺廊及Discorder, 找長毛哥哥吹吹電影水, 看看最新一區及另類電影DVD...真不錯吧!

肚子有點餓, 便到巴路士街泉昌美食大吃馳名㗎喱魷魚, 螺肉, 臭豆腐, 炸大腸, 炸魚蛋...膠碟, 吸油紙及竹簽奉上, 坐在街邊後巷的木檯, 偷得浮生!

吃了那麼多㗎喱煎炸, 偏偏不喝涼水...皆因好戲在後頭...

幾移玉步到電車路邊, 來一碗只此一家三不賣野葛菜水! 不用發出一言, 放下七塊錢, 一碗冷熱適中的野葛菜水已極速送上, 稍洒鹽花, 生津止渴...無得傾! 好過飲可樂!

MK味夠獨得, 灣仔夠complete!...以上行程, 我每週盡量出發一次!

只要你肯攜心欣賞, 香港也有很多景點, 下下來個真的東瀛遊, 中咗六合彩咩!

...當然...我希望下次會中! 

樂觀對待人生! 樂觀對待香港, 積極對待六合彩!

廣告業第一個發明, 或提議用Photo Montage做Layout (又稱砌相)的人, 應該判以死罪, 推出午門斬首!

罪狀如下…

1) 令layout製作時間加長
2) 令Art Director對製作layout卻步
3) 製作layout前要花大量時間找素材
4) 上得電腦就有得改, 所以不停改!
5) 頭駁頸, 頸駁身, 身駁股, 股駁腳, 腳駁鞋…Art director跟瘋狂博士製造科學怪人基本上無異!
6) 有些內部高層會對科學怪人作修改, 但係多數係話…唔夠靚囉…唔夠真實同唔夠自然囉! 請問有無人見過自然, 真實兼夾靚嘅科學怪人!
7) 以上情節, 在客戶層重演多次!
8) 客戶豈只一層…
9) 往往皆因過了這麼多關, 當execute的時候, 請把你的baby盡量以科學怪人為藍本!
10) 終極罪行, 乃是砌相做storyboard! 如不能自如地找到合適素材, 我真的想像不到如何靠它們說故事!
11) 此舉更令新一代, 以為懂photoshop就是Art Director!
12) 難道以後沒有Photoshop便沒有layout? 你們的雙手廢到那裏去?

剛好數了一打! 還有…

Copywriter可以在layout內放上假字, 為可Art director不可以present假layout呢?
Art Director的layout越來越高解象度了…電腦越來越要多花memory了, 時間浪費得太多了, 公司開支又大了, 又要裁員了…客戶被寵壞了, 不finish的layout看不懂了, foamboard噴膠用得越來越多了, 地球更快完了…當客戶寵壞了…更難服侍了, Agency失客了, 又再裁員了!

反觀一個手繪得精細而神似的main visual或storyboard, 不是更到題而順眼呢!

請思, 思, 思,!

上星期六晚, 老婆跟同事們敘舊飯局, 於是小弟獨個兒在灣仔188巡視業務, 晚飯在附近找間茶餐廳, 草草了事!

這晚飯雖然有點孤單, 但精彩絕倫, 殊不簡單!

不要誤會, 為我解悶的並非卡樂B薯片, 而是坐在我後面卡位的四個師奶!

她們其貌不揚, 但其中一位樣子有點像阿扁老婆, 面化淡妝但遮不了一雙大眼袋, 頭戴黑皮帽, 身穿大粉紅少貼身毛衫, 絕對是out得來帶點in未那一款…

這位“灣仔扁太“乃是師奶們的中心人物, 只有她在高談闊論, 何其大聲!

從她所發表的說話中, 原來…她是…練神功的!

在沒有次序整理之下, 灣仔扁太說過以下的幾番偉論…

“師傅話…人腦係最複雜嘅器官…愛因斯坦都係開咗8%咋…但係用氣功就可以慢慢開得晒!“

“我早排開咗天眼, 睇到好多嘢, 連病菌都睇到, 個個都搵我醫病!“

“幾年前…師傅帶我地去廣州練天眼, 我地上咗一個山頭, 我地用天眼睇到唔同顏色嘅光…師傅話, 山腳就係第日嘅新白雲機場喇!“

“早排有個朋友懷疑自己生cancer, 我話無丫! 我一睇丫…就知佢唔係啦…扁桃線之嘛…我一運功就知啦!“

究竟灣仔扁太係高手…還是騙術老手?

嘩! 我真係成餐笑住嚟食, 有幾個位真係險些噴飯!

而我也有一刻衝動拿出手機偷拍兼Youtube一番…奈可人聲嘈雜, 眾目睽睽, 成不了事!

再想一想, 萬一被扁太發現, 她以“天眼死光”把我射瓜點算! 俾佢射爆我部手機都唔好啦!

弊啦…有啲肚餓添…可能扁太知道我寫緊佢, 正在向我作法…唉! 食晏先!

各位…寧可信其有, 不可冇厘頭! 天眼一開…報應即來!

(P.S.: 話時話…食飽開始眼瞓…唔飲水仲會口渴…好驚呀! 高手饒命呀…最多唔話俾警訊知囉!)

只要是好的電影, 小弟也勢必入戲院捧場! 就算家中有齊超級靚聲兼特大投射, 那種大場闊落感也是欠奉!

何況香港的戲院, 那份獨得的surround 5.1, DTS立體聲大包圍真實感覺, 我相信是別處找不到的!

有一次在銅鑼灣某大戲院, 有以下經歷;

左聲道: 一對內地男女不停剝花生…女的間唔中驚叫一聲…

右聲道: 坐著一對年青男女, 女的不停問男友劇情, 即係點呀? 吓? 死咗喇? 男友細聲回答時, 更以右手不停在左手握著的大爆谷杯內不停抽獎…

前中置: 沒音效, 但有連體嬰視效阻礙大銀幕…

後置: 阿叔看得很投入兼感情豐富, 劇情有事發生或有死傷, (不幸地, 那套是情殺懸疑片) 便會自動波說: 摺! (SFX) SHIT !

低音喇叭: 我正在心裡低聲地小緊喇叭! 點解次次都係咁…

其實在電影播放前, 已經有一段提醒大家尊重別人的短片, 偏偏大家正在講電話!

香港政府除了拍電視廣告, 嘗試教我們一家人如何相處, 老公如何不打老婆之外, 可否拍一條如何不防礙別人入戲院睇戲呢!

奉政府喻, 請做一個好的公共電影院使用者…得唔得!

小學社會科有一句課文, 你一定印象深刻!