23/7/08

成功補鐘, 向會展書展去。

一行就行左四個幾鐘, 好攰呀, 買左好多本書呀, 勁呀, 本本都係厚書, 未入去時諗定想買既全部都唔覺眼無買到, 得黎既係一堆呵呵呵呵電影小說, 有排睇喇, 呵呵! 原來係書展都要格價架, 過份呀, 買貴書添!! 好開心呀, 不過又好傷心, 荷包肝硬化加衰竭喇!

書展後, 去油麻地食米綫, 跟住睇戲, 《天水圍日與夜》家住天水圍喎, 點會唔睇丫。嗯... 哩個故事寫左D天水圍比較正面比較好既一面, 鄰里本來就互相幫助, 後生既和和諧諧成長, 其實本來就係應該咁簡單架喇, 點解而家既天水圍會係咁複雜架呢?!

21/7/08

想買相簿好耐, 放工一心諗住去睇相簿, 又又又一次無一本啱心水, 諗住去city super碰下運氣, 睇下可唔可以搵到本心頭好, 搭搭下西鐵, 係元朗落左車, 去書店搵, 買左兩本, 雖然唔算心頭好, 不過算係過得去。但係... 返到屋企發現, 其中一本係好舊好舊相簿, 竟然係放3R! 激死!

返到屋企, 掛住整理相簿, 到十二點, 少有地進入昏迷狀態。

20/7/08

放工攰住去搵小琛拎餅餅, hehe, 好味道, 多謝呀!!

19/7/08

超好瞓, 呵呵!!!

又到星期六, 又係餅餅時間, 曲奇第一堂, 又同小琛約會, 再加小嬌, 呵呵, 三人約會。

臨出門個時, 特登搵d相出黎帶比佢地兩個睇, 斜陰丫, 飛快咁睇個百幾張相, 都係小嬌好d, 慢慢睇既, 抵鍚!! 今日又推介越南喇, 哈哈!

今日既餅餅, 甜甜甜, 我明明好鍾意食甜野, 但呢, 哩d甜... 太甜喇, 朱古力個個係甜, 可以接受, 因為係朱古力嘛, 無花果卷上左糖, 又浸過糖水, 甜我又可以, 係d曲奇甜哩個我就接受唔到, 個堆什錦nuts曲奇... 我地三個一致覺得甜, 阿sir仲話打後d曲奇更甜, oh, my god, 唔駛食喇!! 個堆野, 都係迫細佬清左佢!! 拎番工又唔夠分, 唯有係咁啦下!

近排, 都唔只係近排, 哩幾個月, 都無咩睇過其他 hompian既hompy同其他朋友既blog, hehe, 無計啦, 我懶呀, 只係updates下自己個hompy, 時間都拎左d去facebook, 或者, 休息多d, 出少d街, 學少d野啦!!! hehehe!!

斜陰同學話人唔updates喎, 咁updates囉!! (咁人地不嬲PAN都唔會login架嘛!!)

哩兩日PAN都無咩特別事發生, 唯一最特別既... 再一次證明哩個WARD係relieving ward, 下下都係我地度開刀, 次次都係搵我地救火, 咁我地要人救火個時, 又有咩人理我地丫!!! 過份, 討厭。我可以好大聲咁講, 如果要我去ICU, 即刻resign!!! 最多咪捱到完contract, 到時你死定我死?! (個個都係咁講, 我都識講架!)

經理assign基本上最低個兩個人做mentor, 貪我夠新呀, 做得哩d位基本要求就係senior加有料, 我... 自問, 咩都無, 多得經理咁睇得起!! 亦都多得經理咁睇得起, sleeping要十二點半起身, 返去上堂, 唉, 話唔勉強我地, 但又係咪真係丫, assign左唔去好唔比面喎! 去到見到樓上ward同我同年appt既同事, 一齊坐一齊傾, 呵呵, 大家都係抱住resign既心, 勁啱傾, 因為... 目的...一樣... 呵呵。聽聽下書, 聽到一句, student nurses唔會去infectious ward, 呵, 咁咪即係唔黎我個ward, 咁我仲黎上堂仲咩呢, 呵.... 算, 都到左, 聽下啦。

原來TMH nursing school既環境比起QEH nursing school好好多, 起碼 lecture hall 大, equipment新, 枱chair都有軟墊, 比起QEH既木板好得多, 燈光又好好多, 洗手間既格數又多, 總之比起我間school好, 不過... 我都係慶幸我係QEH長大, 但死蠢地走左去TMH做。

落堂後, 放好份notes就去元朗拎相拎contact lens, 又忍唔住行左兩間stores, 噢, 購物, 噢, 今個月呀唔可以再買野喇, 聽到同事出發前要儲既target $$, 我都要再計下先。

d 相好重, 二百幾張, 都係即係拎番屋企, 放低d野再出去, 出到去, 無時間去francfranc添, 今晚試銅鑼灣私房菜- secretland, 菜式其實都幾特別, 十道菜既味道有d好好好good,  有d就一般, 環境都幾好, 每人190, 價錢合理, 嗯, 算可以去食下。如果有個好d既甜品就更good!! 一班中學同學四十人, 今人出黎既, 七個!!! 唉!!!

眼瞓死我喇!!! 下星期書展喇, 又要抽時間去添, 又要捱眼瞓添!!! 終於同媽講左要OT, 佢無特別追問, 只係講句, 如果你做得好, 我都想去OT埋喎。死喇, 開始有D緊張添。

15/7/08

今日...... 好充實呀....

尋晚夜媽媽先約今日既outing, 本來諗住係屋企瞓足一日, 但咁難得, 瞓少d都要出去, hehe~~~~

難得方生大佬(妹男友阿哥)有時間, 緊係要跟佢去影下相啦, 調查一下點解影人out focus哩件事。眾所周知, 我鍾意影景多過影人, 點解唔鍾意影人既最主要原因係~~影得唔靚囉, 又唔識平衡背景同人物比例, 而早排方生大佬話我張張有人既相都唔sharp, 老實講, 我都好想影好人架嘛, 咁就要請教下佢啦!!! 影左幾張, 大家比對下, 發現左一個問題, 大家setting 一樣, 又無手震, 主體真係化化地喎, 之後試用佢支鏡, 再影, setting都係一樣, 無事喎,  相反, 佢用我支鏡, 就出出地事, 第一個結論... 支鏡有問題!! 之後再慢慢試再諗下, 支鏡最sharp既位只限於50-70mm, 咁就諗, 一支算係萬用既鏡永遠最sharp最好就係中間位, 或者又係哩個原因, 但都叫我拎去比人check下, 再玩下玩下傾下就估protector會唔會有影響, 再一對比, 又真係會喎, 唔通就係哩塊protector影人就有咁大影響?! 無咁sharp, 化化地, 佢話可能哩個原因湖南d相就出左哩個效果, 而影人既, 就差少少....... 不過點都好, 遲下拎齊單同機拎去tune下check下先, 又或者問下其他人有冇哩個問題先!! 今日又學左好多野, 即影即有人教同問真係唔同, 又學野, 從今以後要努力學習用m mode影相!

之後坐低食少少野就散, 方生大佬返工, 我就繼續我既outing, 啱啱好趕得切睇《I served the King of England》(我記唔到個中文名呀, 唔好問番我呀!!), 幾得意, 又好睇, 由一個窮人變成百萬富翁再入獄放監更生, 雖然全程唔知講咩, 但睇住d人物表情都可以完全明白, good, 無白費我哩兩個鐘呀!! 總算係愛住巴黎既暫代品(唉) !!

咁啱就收到首領電話, 原來係元帥打黎架, 於是去吃飯也!

encore旦王花, 但今次... 無生蝦刺生, 無聖子, 噢, 當場失色! 之後再戰炒冰, 芒果卷, 香蕉船。

首領...... 好飽呀...... 而家仲頂住頂住呀!!!

友人問我有冇興趣join苗圃既甘肅行, 老實講, 有少少想去, 但團費好貴, 夠買英國機票加eurostar去歐洲, 又加上出發第一日係"阿媽" (renal時代preceptor, 兩次旅行partner)大囍日, 唉......

後記.... 原來支鏡真係有問題!! 係支支18-135都有哩個問題!!! 嗚嗚......

今日乖乖地出左去聽書, 一直都以為係sheraton, 去到搵極都無, 問完人都話無, 即刻打電話返ward問, 原來係ymca, 噢, 報完之後就無睇過地點, 一入去, 都唔知professor講咩, 聽得個尾, 完全唔知佢講咩!! 不過, 我既興趣係第二個lecture, 簡單直接易明, 又common。

上完之後......魔鬼呀...... 又係嗰個人話去d唔駛駛錢既地方, 但但但....... 我自己避左哩間store唔入架, 但有人入左去喎, 呵呵呵, 咁就又駛錢, 呵呵呵, 近排先諗緊買對拖鞋/涼鞋, 咁咁咁就睇中左, 好靚呀, 又買多件衫, 係貴左d, 不過我鍾意喎, 呵呵, 再諗番, 不嬲係嗰度問d野都好come著, 豪比佢, 呵呵。之後就去食面面, 小琛話買杯奶茶就上去, 但又去一轉懷舊家居店, 呵呵, 又買野, 大家又一次滿載而歸咁去上堂lu。

第四堂芝士課程呀, 拎走既全部都係曲奇, 聽日返去派餅餅, 高音姐姐真係靚, 兔兔又好可愛, 呵呵。阿sir話我, 四堂囉, 你無問題咩, 仲問左兩次, 我真係無喎, 次次都係聽同做, 有咩問題呢?! 臨走個時話我, 梗係無啦, 你都無做過, 呵呵, 係呀, 唔比咩!!!!!

灰喇...... 每次返A都返到灰晒...... 唉......

再咁落去, 只會加速離開既決心......

同事話, 為左錢點都要繼續做......

但而家既我, 無野比做得開唔開心重要!!

每個人都有把口, 每個senior都有佢做既原則, 下下都將個原則同把口放係我身上, 有冇諗過我既感受丫, 次次都係最忙最煩既時候再加d野係我身上, 做junior都有junior既感受, senior有把口, junior都有把口, 我把口同我既手絕對有能力講出一d有影響力既說話 (雖則只係經理驚架啫)。junior又唔知點解有咁多assignment!

放工, 發洩完一輪, 曬相, 剪頭髮, 做埋個負離子, 正, 即刻爽晒, 係好唔捨得長長既頭髮, 都要搞搞, 同阿泉(人地而家叫ricky) 傾完一輪旅行偈, 又講下醫院, 今日三個鐘頭就可以離開, 勁正呀, 呵呵, 隔離嗰位太太呢, 到我走個時, 似乎仲有成個鐘要搞, 呵呵。聽到隔離個stylist話加左價, 但好似一樣既, 呵呵, 咁咪...抵呀, 哈哈!!

搞完個頭, 一心諗住去洗手間, 跟住就行下, 諗住買本大相簿, 點知, 變左買stitch products, 呵呵, 一支stitch 粗身 nds筆筆, 一對家用拖鞋, 一個化妝袋, 呵呵呵呵, 本想買埋比妹, 但妹話我低能喎 (豈有此佢), 之後再行, 自己衫又睇唔啱又唔想比錢買, 就轉移視線, 行上個mall, 睇上眼唔係我著既野, 而家細路仔野, 好得意呀, 同個sales媽媽又傾得開心, 好自然就買呀買呀, 買左三件貨品, 都係送比竹君兩個寶貝, 哥哥生日當然要收禮物, 妹妹呢, 太可愛喇, 忍唔到唔買, 呵呵! 買得咁爽老闆娘即刻比個折, 又比埋卡片, 一於得閒再去睇下有咩靚野先, 呵呵! 再去配contact lens, 就返屋企。估唔到, 上到巴士, 見到阿泉呀!!!!!

未買細路仔野之前, 路過平價書店, 走入去買左本color book, 實在太忍唔住只係多女仔卡通人物既color paper, 其實返工又唔應該帶錢返工, 不過氹掂d小朋友係我既工作樂趣, 都係十蚊啫, 我開心時, d小朋友又要以畫得開心, 最多個原稿我自己keep番!

為左做小朋友野唔高興, 但又為左d小朋友野而開心, 好矛盾呀可!

返左兩日工啫, 就攰到爆, ........ z z z z z......

返左兩日工, EQ指數又打回原型...... 嚴格黎講, 係做到好想喊......

今日又... hehe... 駛錢, 眼見停左雨, 但又拎起把直遮去比錢...... 算啦, 買野鼓勵下自己啦!!!

(激死我喇, 打完未save, 咁就咩都無晒)

6/7/08

今日無聊之作~~

假期去到尾聲, 係時候要做番少少野, 哩少少野咪就係執野!!

畢左業三年, 三年都未試過再拎番notes出黎睇過, 既然係咁, 就dump晒三年HD notes, 兩年bachelor notes, 有d係dump個一刻好唔捨得, 有d就恨不得即刻消失, 最後, 留起左兩份同而家工作有關既notes (唔知係咪會睇?), 而d 書, 實在唔捨得, 以前中六七d書又係唔捨得清理, 一心諗住比人, 點知係搬屋個時, 無人理既情況下, 留左係舊屋, 早知係咁, 一早就拎去買啦, 話晒都可以買到少少錢丫, 淨係兩本biology都值錢丫, 激死! 但d nursing 書, 又會唔會有人賣買呢?

以前放notes個位, 而家放左書, 書既位呢, 就放相簿, 相簿既位呢, 就放旅行書, 旅行書個位, 就放書仔, 床尾d書仔終於可以上架喇, 呵呵!! 仲有多餘位放小精品, 呵呵! 史迪仔亦都上架, 好靚呀, 原來早幾日買買買, 明明都check過架嘛, 點知都有五隻係重複, 激死! fion, 你要邊隻架?

原來, 唔覺唔覺, 兩年多少少既paed工作裏面, 已累積3、4吋notes, 可怕呀!!!

執左一日野, 只係執左半間房, 唔知另外個半, 幾時先會執呢, 呵呵呵!!