星期六好開心可以同男朋友去睇草蜢演唱會,勁正,玩得好開心,成晚都手舞足動,好勁都未試過玩得咁high,對上一次起碼有10年了,講真而家冇其他歌手演唱會人人都咁投入去享受過程,玩完一晚成身散晒,星期日仲要汁屋,呢個星期6就送電視黎,咁大個女第一次有37寸大lcd大電視,打機勁正,好開心~

唔開心既係,我而家呢份工返左2個多月,都仲係覺得好吃力,我真係覺得d政府大機構d人個個都好Q煩,一陣又話咁,一陣又要轉過D野做,十時花五時變,佢地D大哥大姐咩野都話唔想做叫我做野,咁佢地出緊政府5-12萬糧就咩都唔想做,我果D合約文員仔得果幾千蚊就做到死,又唔見我出埋佢地份糧,初初就話我做D野好易,點知做下做下就多好多野,都唔緊要,係佢地個個都好煩,呢個要咁果個要咁,根住我大佬就話我唔睇下內容,我O左咀,講真我只係做Interfaces既野,有咩黎我咪轉咩走,我又唔係做開呢行,都唔知佢地做緊咩,咁點知佢地內容有咩岩咩唔岩呢?果時我大佬又話好明白我完全唔識佢地d工作流程,so見到有咩就做咩,點知今日佢又突然覺得我咩都應該識-.-,如果我咩都識我就出佢地d糧喇,成日都比我大佬屈到好火,佢自己唔記得同我講轉左方法做,到我做錯先出聲,根住就依依鵝鵝,

你估我好想做錯嫁咩,我都唔想嫁,呢d都唔知咩人,係我心目中佢地全部都係煩人

今次終於買到草蜢演唱會喇~~$400第13行,第一次睇咁貴飛,好興奮,好想快d到2月3日呀~~~~~~~

草蜢的新年~

FOREVER

歌手：草蜢 | 作曲：蔡一智 填詞：林夕 | 編曲：王雙駿 for double c music group 也許傻瓜 花瓣撒下 你總要嫁 forever……… 我 如何得到這福氣 在沒感觸的世紀 我卻做到感動你 華麗地將你 抱起 活於一起 拿甚麼比 如風之谷裡飛 情人如期求變佳話 愛到深處負責吧 面對天命也不怕 病困也不怕 自會擔起一個家 如何才成全這佳話 在枕邊才互訴吧 如火年華 如水年華 到垂暮了同樣要永永遠遠地肉麻 你 為何偏心縱寵我 自問懂得不夠多 要建立個最溫暖的窩 是你給我更多 捱些苦楚 值得慶賀 熬成經典的情歌 要世界更美靠佳話 愛到深處負責吧 面對天命也不怕 病困也不怕 自會擔得起一家 你我靠那裡變佳話 在枕邊才互訴吧 如花年華 如草年華 就算垂暮了遲鈍了永永遠遠地肉麻 終此一生上山涉水也都永不心花 一起遍走天腳下 說夠了笑話 再和你說一點真話閒話好話傻話情話 至少 今生 會令你生氣別說話 到老了亦能扶持大家 forever…………

隻歌我勁鍾意

關楚耀~守護者

歌手：關楚耀 | 作曲：陳振邦 填詞：陳振邦 | 編曲：Ted Lo 火海裡有浪暗湧 風吹也震憾半空 天災禍劫繼續失控 要被迫接受這傷痛 不相信快樂告終 怎可以去讓這幸福都斷送 閉目忍痛 只希望愛長留心中 要快樂原來絕不輕易 惆悵也沒意義 不如和你拼命試 覓個方式戀過不止 人始終難逃一死 明日會和誰可一起 從人海中覓到你 銘心刻骨越過生死 長廝守同捱悲喜 蒙著眼看世界 總也是甜美 當中不少驚喜 地球多得有你 不相信快樂告終 怎可以去讓這幸福都斷送 閉目忍痛 只希望愛長留心中 要快樂原來絕不輕易 惆悵也沒意義 不如和你拼命試 覓個方式戀過不止 人始終難逃一死 明日會和誰可一起 從人海中覓到你 銘心刻骨越過生死 長廝守同捱悲喜 蒙著眼看世界 總也是甜美 當中不少驚喜 地球多得有你 橫越世界百千里 從沒有人可媲美 我決心守護著 從心底愛著你 長廝守同捱悲喜 蒙著眼看世界 總也是甜美 當中不少驚喜 地球多得有你

我們至愛的囡囡:
12月23日你離開了我們,現在你在天國生活好嗎?你現在係咪同緊嫲嫲一齊生活得好開心呢?
在12月23日之前1,2日你開始唔食野唔飲水只係躺在我們床邊,我知你已經就黎走到人生盡頭了,但你依然見我們起身返工會叫我們,放工會叫我們,就算在12月23日早上我在床訓覺時,我聽到爸爸同你傾計,你好努力想起身走近爸爸,雖然你只係係我地家住左3個幾月,但我地已經當你係我地自己愛女一樣,希望你係我家可以感受我地對你既愛和溫暖,你之前一生都冇咩人愛你,直至被helen嫲嫲收養左你就過著開心既日子,一過就20年了,直至嫲嫲上年上左天國,你的日子又再難過,終日只可以住在細小的洗手間裡,食冇得好食,水都冇得好飲,因為helen姐姐家有一隻狗所以唔可以接到你回家,而我之前一面都未見過你就一口答應了helen姐姐接你返黎,當9月尾去接你時,我覺得好震驚,我重未見過一隻貓可以廋到這樣,好可憐,接到回家我好努力咁照顧你,起初我知你會唔開心,之後你就開始對我地好好了,就係這樣我同爸爸都不知不覺咁放左感情落去,起初我都會同自己講囡囡好可能好快就會上天國,好好彩佢一日比一日精神,一日比一日走得快,你係我地咁多隻貓最乖的一隻,到了12月23日中午我叫埋helen姐姐同姑姐一齊黎睇下囡囡,一見之下其實都知佢已經唔得了,最終快定我地唔想佢咁辛苦,佢唔食野唔飲水再過幾日會仲辛苦,所以打左電話比善終服務傾過之後都係決定你安樂的去天國,當下午5點善終服務我車黎到我家,我抱住囡囡無力的身體到樓下,見到工作人員叫我將囡囡放左籃時,我的眼淚就不停流了,最後都係我自己抱上車,到了診所,我的眼淚重未停過,打左針後你好安詳私離開了我們,我同helen姐姐同如姐一直陪在你身邊,我無辦法可以控制自己唔流眼淚,過了一會我地便抱你上車回到善終服務那裡,在車上helen姐姐一直抱著你的身軀,一直不停的流眼淚,當我一抱你回我身上時我真係好唔捨得,爸爸一早放工就到了火化場等待我們回去,到了後他們要求將囡囡交給他們,我見爸爸見你最後一面時我知佢唔係好相信呢個係事實,佢2眼通紅,我好唔捨我放手比他們,當給了他們等了一會,我地便去火化場見埋囡囡最後一面,我呢次係最後一次摸囡囡,爸爸都摸了幾下便一直低下頭沒有出聲,一個多小時後我地便取回你的骨灰回家,起7我地想在我地後山搵個好地方給你,但最後我地都係無做,晚上同helen姐姐,她老公,姑姐吃過飯復侯回家,回前我想返到家便收好晒你的東西,但爸爸話放多幾日先等你回來時都會應得自己個家,晚上我心情開始平靜時,你爸爸突然同我講佢好掛住囡囡,好唔捨得囡囡,我知佢都好唔開心,因為囡囡係我地心目中真係一齊生活得好開心,雖然佢係一位老婆婆,但佢仲好行得走得食得訓得,時時伴在我們左右,第二日早上我見你爸爸返睇佢手機的相,全是囡囡的相,我知佢都好唔捨得你,好排住你,中午你爸爸同我講佢想通了,你現在應該是同嫲嫲一齊生活我好開心,我們亦決定把你留在我家,因為我地唔想你自己一個係山,怕你悶,所以留你在家.
囡囡:
難忘你每天早上都叫我們起身;
難忘你每晚放工回家你都會走上前叫我們;
難忘你每次爸爸舉啞玲你總好老心住在啞玲之下;
難忘你每次開餐你總是守衛廚房不讓其他貓貓進入阻擾我;
難忘你每次我們坐在看電視你總是用你qq的大眼睛望著我們;
難忘你每次開飯你總是跑得可愛的黎跟住我;
雖然我們相處只得3個幾月,希望你能收到我們對你的愛和關懷,希望你感受到我地家的溫暖,你現在要好好在天國生活得快樂,咁我地就滿足了!!
                                                WE LOVE YOU FOREVER
                                              愛你的KAKA媽媽和華華爸爸

作曲：Christopher Chak (澤日生)｜填詞：林夕｜
編曲：陳珀/C.Y. Kong｜監製：Alvin Leong

攔路雨偏似雪花　飲泣的你凍嗎　這風褸我給你磨到有襟花
連調了職也不怕　怎麼始終牽掛　苦心選中今天想車你回家
原諒我不再送花　傷口應要結疤　花瓣鋪滿心裡墳場才害怕
如若你非我不嫁　彼此終必火化　一生一世等一天需要代價

誰都只得那雙手　靠擁抱亦難任你擁有　要擁有必先懂失去怎接受
曾沿著雪路浪遊　為何為好事淚流　誰能憑愛意要富士山私有
何不把悲哀感覺　假設是來自你虛構　試管裡找不到它染污眼眸
前塵硬化像石頭　隨緣地拋下便逃走
我絕不罕有　往街裡繞過一周　我便化烏有

情人節不要說穿　只敢撫你髮端　這種姿態可會令你更心酸
留在汽車裡取暖　應該怎麼規勸　怎麼可以將手腕忍痛劃損
人活到幾歲算短　失戀只有更短　歸家需要幾里路誰能預算
忘掉我跟你恩怨　櫻花開了幾轉　東京之旅一早比一世遙遠

誰都只得那雙手　靠擁抱亦難為你擁有　要擁有必先懂失去怎接受
曾沿著雪路浪遊　為何為好事淚流　誰能憑愛意要富士山私有
何不把悲哀感覺　假設是來自你虛構　試管裡找不到它染污眼眸
前塵硬化像石頭　隨緣地拋下便逃走
我絕不罕有　往街裡繞過一周　我便化烏有

誰都只得那雙手　靠擁抱亦難任你擁有　要擁有必先懂失去怎接受
曾沿著雪路浪遊　為何為好事淚流　誰能憑愛意要富士山私有
何不把悲哀感覺　假設是來自你虛構　試管裡找不到它染污眼眸
前塵硬化像石頭　隨緣地拋下便逃走
我絕不罕有　往街裡繞過一周　我便化烏有

你還嫌不夠　我把這陳年風褸　送贈你解咒

我家有一位新成員,佢叫阿囡,但我成日叫左佢做囡囡豬.我覺得好聽S佢黎左都有個幾月了,佢之前比一位老人家唔識兼唔想養而攪到囡囡豬差D死,佢好大年紀嫁喇,有成20幾歲,我未見過佢就要左佢,第一眼見到佢真係好心痛,佢好廋生活環境好差,完本佢有位婆婆好錫佢,同佢一齊生活左20年,婆婆上年過左身,佢老公就唔理囡囡,我睇唔過眼就二話不說話接佢返黎等佢安享晚年,點知返到黎經過一段時間照顧,佢一日比一日精靈,起初連行都冇力行到現在佢可以跑到幾下,我都好開心,睇佢個樣都應該可以活多幾年,阿華成日見我同阿囡講野,佢覺得好好笑,因為唔好睇阿囡咁大年紀,佢好硬脛嫁,佢要做咩我講幾多次佢都仲要做,佢最鍾意入洗手間玩水,我地沖完涼OR我拖完地,佢就一支箭沖入去玩到成腳水再行晒成間屋比佢激死,但講真佢真係好鍾意跟住我地,我地睇電視佢又坐係我地腳邊,我煮飯佢又係我腳邊,打機又係我地腳邊,就係因為佢跟得我地太貼,時時都踏到佢條尾,佢而家個樣好得意嫁,時時都整個好Q既樣望住你,你都唔忍心話佢,佢初初黎個樣好唔開心嫁,希望佢可以係我呢個家活得開開心心喇~星期日同阿華家人一齊去馬鞍山食飯時,買左件好令既衫衫比囡囡豬,因為我怕佢會凍,買定好D,而其他貓我就冇買到衫比佢地,因為佢地一黎唔鍾意著二黎佢地好肥,佢地凍會一齊訓,SO我唔擔心佢地,好~比大家睇下囡囡豬既花生SO喇~~

平時佢就係咁望住我嫁喇

件新衫好保暖嫁,仲好FIT TIM

型唔型呢?

幾年前去台灣旅行,食過鼎泰豐後,一直都好想再食,好食都係其次,我最懷念係台灣旅行,我好鍾意果度d生活,好正~~星期6同阿華去食,佢第一次食,起初佢驚唔好食,食完之後佢都話好好味呀~~

蟹粉小籠包...好好味

呢個小青瓜係送既,但連平時唔食青瓜既阿華都覺得好好味

呢碟我同阿華都係第一次食,一個字[正]~~~~

我的最愛~~~唔洗講都知好味喇

呢碟炒飯D飯係用珍珠米好咬口,D虾勁正勁甜又大隻,正正~

清炒時菜一碟,有90%比阿華食左,佢話好好味

呢個好味到爆[鮮虾蒸餃]每隻餃都有一隻好大好大既虾,好好味

仲有一個排骨麵都好正,我地食左咁多野都係$280好好味又好滿足,仲好開心

[chapter1 牆角位下的反抗

要一段感情持之以恆,永遠不要高估自己在對方心目中的重要性。

你不要以為他曾經很愛你,你便永遠佔有上風。他愛你時,上風的位置是他賜予給你的,不愛你時,你不知不覺變成下風,他不會發信通知你。

他曾經好需要你,不代表他永遠都會。你以為自己對他已經無微不至,亦不要以為他沒有你便不行。

他為你讓一步,不等於要為你讓十步。讓路十步後,下一步他可能是調頭走了。]

睇完令我諗起我身邊幾位朋友既情侶,好多女仔真係以為自己就係男朋友既全部,當男朋友因為多野做陪唔到佢,佢就發晒脾氣又嘈交又嘈分手,有d仲要當自己男朋友好似狗咁,鍾意就叫黎,鍾意就叫走,有d就豪不比面比男朋友,當男朋友d朋友面前破口大罵,點佢做呢樣,點佢做果樣,呢d女仔成日就以為個男仔唔會同佢講分手,所以得寸進尺,當個男仔真係講好累要分手時,就黎問我點解,我只會同佢講你真的迫得你男朋友太緊要了...