到銅鑼灣閒逛水聚，拍下小朋友上台表演的趣怪表情...

跟普照仔Gathering，先到白木屋，食唔飽之下去0左KFC繼續食0野吹水...haha

同朋友去睇戲，見到呢張特別的宣傳板，最特別的係...師兄，你做咩變0左人妖?但又ok得喎...

唔裝防毒軟件的後果...

換完電話仲有多成幾百銀去預繳月費，最精明眼都係今次...haha

朋友找到自己真正的另一半，結束愛情長跑，恭喜哂，0個日我會早D到幫你影張靚相，haha

另外亦想向所有hompian說一聲...抱歉。

因為我將會於短期內停用hompy, 箇中原因...no need to explain la...haha

感謝各hompian的支持及鼓勵...不管你只是過客還是真正跟我成為朋友的你們

亦藉此機會發佈我的新blog：

http://blog.acrossthera.net/

希望日後各好友繼續支持及留言，thanks...

P.S. 這或會是最後一個hompy entry...maybe

前言

我未睇第一同第二集...一睇就係故事的最後一章(相信係)
曾揚言要睇番前兩集...不過而家可以收番喇...haha

What I See and What I Hear

畫面處理做得唔錯(其實係可以用幾好0黎形容)，起碼蜘蛛俠穿梭大廈間，
仍然唔會俾人眼花的感覺(尤其我呢D一睇飛0黎飛去的畫面就頭暈的人)，後期處理應記一功。

打鬥方面不過不失，可能因為今集需要花較多時間於Peter Parker (with Venom)的內心戲，
所以真正的出色打鬥場面只有第一場對New Globin同埋最後的二對二，稍嫌不足，
不過心想如果要再加多一兩場大戰的話，相信套戲會變成三個鐘的悶戲...

音效...合格有餘，唔多講

但係有一個shot我係勁唔鍾意，就係最後一戰時Spider-Man一躍而下，
身後一大支美國旗同蜘蛛俠件衫撞哂色...濃烈的「大美國主義」氣味...

The Story and the Characters

故事交待得唔錯，雖然到中段地下鐵路Spider-Man vs Sandman的一戰，
0個0下睇完心想「唔係咁快KO呀?」，如果可以較早交待番Sandman未死的話
(0向Parker同Auntie May講Spider-Man殺死Sandman之前)會更連貫

另外整套戲的宣傳重點落在Spider-Man與Venom的交戰，但當中的串連做得唔夠好，
俾New Globin同埋Sandman搶0左唔少Spotlight...

選角方面ok，美中不足的係飾演Eddie Brock的Topher Grace唔夠大隻，同漫畫中的佢(Venom)有點距離...
但係個樣真係好鬼似...

其中要讚的係飾演New Globin(Harry Osborn)的James Franco，
雖然佢戲份唔多(Sandman可能仲多過佢)，但飾演失憶前後的善惡交替，
加埋回復記憶後的狠及冷，最後認清真相的「至善」，可謂成套戲最「出」的一個，
不過...下次佢可能需要減一減肥，第一場0個陣個肚腩都幾礙眼...

相反主角Tobey Maguire的戲雖然都交足功課，但可惜於中段身穿Venom Suit的誇張動作(隨街跳舞等)，
自己就唔太Buy，不過0向其他場口就做得唔錯，屬水準表現。

Thomas Haden Church飾演的Sandman(Flint Marko)亦屬戲中重要角色，
雖然整套戲宣傳重點落在Venom身上，但事實上帶起整套戲的係佢同埋Harry，
佢0地與Spider-Man之間的誤會及釋嫌，帶出0左整套戲的重點─「選擇」...

朋友話Sandman係劇中最唔Realistic的角色，唔like，但我話：「Marvel的漫畫不嬲都唔Realisitc架啦...」
這是事實，單是Venom這外星殞石生物體就已經係啦...至於Sandman...都係差唔多啦...

其他都係平均表現唔多講，最後一提的角色係飾報社總編J. Jonah Jameson的J.K. Simmons，
戲中唯一的搞笑位...冇佢咁0既表現真係唔會咁好笑...當然秘書小姐都要記一功...haha

The Right Choice

看罷這戲，看到戲中最重要的兩個訊息(maybe)─ Misunderstanding and The Right Choice

我們一直亦會在測想對方的言語行為背後的動機，往往都會出現誤會，
就像Peter Parker誤會Flint Marko是故意殺死Uncle Ben，
Harry Osborn誤會父親是被Spider-Man殺死而銳意復仇，
我亦經常會誤會對方的心意...是想得太多吧...haha

人生充滿選擇，如何在需要選擇的時候作出the right choice是非常重要，
就像戲中主角，Peter Parker知道真相後，縱然對方是確實的兇手，但亦選擇原諒，
Harry Osborn認清其父之死的真相亦最終出手相助Spider-Man，甚至捨身成仁...
這一刻，我亦(希望)作出我的right choice...我選擇不放棄，但選擇退後，
因為...讓你愉快是最重要的...
我亦希望我身邊的所有人亦可以作出佢0地的the right choice...

仲有就係...請珍惜機會...times is running out

0向朋友的xanga留言，得到的回應是：

「謝謝。我知道最無私心的朋友該是你。」

我可以話俾大家知：我一樣好有私心。

腦內不斷的計算、測度，說出自己認為最佳的答案，做出認為自己最需要做的事。
為的不一定是對方，其實是為自己建立一個所謂nice guy的image，或是滿足自己其他方面的desire。
當然，某些情況下對對方而言，的確可能係幫到佢。

但我知道，自己是一個甚麼樣的人。

當有人成功撕開我的外在，自然會發現我的真正本性。

雖然到呢一刻，能夠進入斷層後方的人，單手已經數得哂。

這個人，是你嘛?如果是你，你一定會知。

但有時，私心係需要收起，不被人發覺。
縱然這可能會令自己的快樂減少，但這是必需的。

我不喜歡將自己的快樂建築在對方的痛苦身上。

如果因為自己的私心，而令對方受傷害，我可寧願stop，當我未失控的時候。

曾經有些時候失去理性的控制，無形中傷害了不少人。
無法後悔，因為這是useless。

只希望日後不會再傷害任何人。

要完全滿足自己的私心，首先要讓對方亦感到滿足，不會因為自己的私心而受到傷害。
雙方的平衡，好難，但，正在努力。
不管是對朋友、老死，還是知己、情人也好，亦有這個必要。

我是一個完全唔懂得處理情感的人。

就像自己的身體一樣，只懂如何跑得最快，不懂如何跑得更持久，更長的時間。

心情起伏，大起大落。

現時，平靜下來，知道需要甚麼和需要做甚麼。

原諒我的測心及誤會。

我，就是我，站在一個屬於我的位置，做我這位置需要做，而我又想做的事。

我的內心需要甚麼?我都未知，haha

沒有壓力下繼續生活，是我現時需要學的。

三大材料，盛惠 $17.5

完成，麵質還好，牛肉太熟，味道可以接受。首次炒公仔麵，算係咁。

4月22，地獄再臨。

今次到西貢行長咀，570分鐘的行程，真係「到地獄一遊」。

天氣尚算可以，但係實在太累，影0左好少相，真正出得街的真係唔多...

今次只post幾張相，請見諒。Enjoy the photos!

Impossible Is Nothing

今朝訓唔著，起身，去0左adidas的網站無聊一下，看到近期推出的Flash廣告，
click0左入去，一睇...

對，impossible is nothing。

0個一刻，眼淚無法停止。

雖然只係一兩滴，但，我是哭了。

男人老狗為個ad而喊，真係...

但，當你看到人家的問題，再回想自己的問題...
就好似一隻螞蟻見到一條藍鯨咁樣...

自己的問題，仲係問題嘛?

"forget it la!"

我流淚，除0左因為感到自己的無知，
亦感動0向呢一刻，有朋友願意同我一齊分擔。

朋友，你知道，這是你嘛?

無言感激。

P.S. 其他朋友別要問我問題是甚麼，當我認為可以跟你說的時候，你自然會知。

放假幾日都去0左玩，星期三就同兩個朋友去0左大嶼山一日遊。

昂坪360 / 大佛 / 心經簡林 / 大澳，勁豐富的行程。

天氣勁好，影0左好多相，亦同朋友渡過愉快的一日假期。

到底何時才可以再像這天般無憂無慮去玩?希望可以不遠。

Enjoy the Photos!