好耐冇寫過個BLOG喇！UPDATE下先！

其實我識聽你地講野架！每次聽到「痾」字、「屎」字、「痾屎」兩個字，我就會即刻吠！因為我知道細佬會出來，我一於吠到佢入返個籠為止。

如果我係地板痾尿，當我聽到「痾尿」兩個字，我又會發惡，咪蝦我喎！

而家個籠放左係電視機下面，成日都有得睇電視。有時聽到D歌星唱歌我就會睇下，我鍾意睇TWINS同古巨基。

波仔

前日媽媽帶左我去沖涼之後，就帶我去漁農署打瘋狗針、拎狗牌同入晶片。

媽媽話我打針時坐定定，好乖乖，返到屋企有餅餅食！不過我已經累到對塊餅冇乜興趣喇！我決定訓飽佢！

HERO仔

好耐冇寫過BLOG喇！

上兩個禮拜我返去同爹爹媽媽細佬一齊住，又冇得周圍走，好唔開心呀！

夜晚我見到佢地訓，我就吠，結果要媽媽走出來客廳陪我訓。

最近佢話我成日吠，又打我，我反咬佢地，就我要拎我去閹……我會唔會變左隻太監狗？

波仔

好耐冇見喇！我最近開始換牙，己經甩左幾隻牙仔，仲流好多血添！

前日係我第一次行街街，又熱又曬，想入去D舖頭涼冷氣，不過爹爹次次都扯住我，唔俾我入。

有D人拎住一袋袋野，裡面好似有D好好食的食物啊！我只係想睇下入面裝住D乜，同埋食左佢D食物，咁就被爹爹同媽媽話……

總括來講，我今日行街街的表現係……曳！

HERO仔

我HERO仔前晚同今朝流牙血，原來我開始換牙仔，仲食晒D牙仔落肚添！

哥哥前幾日來陪我，不過尋日又走左喇！

爹爹媽媽買左條狗帶俾我，我可以去街街喇！

又係我波仔呀！寫返尋晚點樣過生日先。

夜晚，媽媽帶我出去接爹爹，之後坐的士去九龍城，最後係一間寵物店買左個背囊仔俾我，以後出街就可以帶埋D零食出去喇！^^

係寵物店入面爹爹放我落地俾我周圍走，不過我驚到標尿，又有個姐姐叫我個名，我都唔識佢既，好驚呀！

之後返屋企食蛋糕，媽媽買左隻雞髀仔俾我。今日好開心呀！

我有雞髀仔

又有背囊仔。

今日係我生日呀！媽媽接我去新屋一齊住，好開心呀！

媽媽話有生日蛋糕食，唔知係點樣架呢？好心急呀！

第日再打過啦！再見！

波仔

尋日媽媽來探我呀！不過一陣間又走左喇！又唔係帶我去沖涼，我唔要污污糟糟過生日呀！幾時先有得沖涼？幾時先有得同爹爹媽媽細佬一齊住？

波仔