神鵰俠侶終於完滿結束...而家搞到我夜晚呢段時間冇哂精神寄托...好遺憾...我唔可以睇哂咁多集...仲爭一集冇睇到...但係我好堅持唔係網上單撈落黎睇...我唔係一個完全知識產權份子...而因為我鍾意既戲我會尊重佢既產權...同埋無線配音真係好正大陸d國語好難聽架...

呢套戲值得一讚既唔係入面d電腦特技...而係選角...每個角色真係千挑萬選...而小龍女劉亦菲仲係金庸親自點名要佢做呢個角色...楊過亦做得非常出色...郭芙由細演到大...由一個刁蠻任性既大小姐...做到做人地個大姐姐演技方面唔需多講...最近有雜誌show佢既寫真出黎...估唔到原來係咁索既...哈哈...

講返套戲先...入面既打鬥場面俾我想像中冇咁精彩...但係入面既一招一式表達得好好...雖然冇大叫招式名...但係一睇就知道係咩招...好好...唔駛講都知真係...

雖然我冇睇過呢本小說但係我睇過三套神鵰都已經完全投入到呢本小說係寫咩...金庸真係一個好了不起既武俠小說作家呢方面我都唔想多講...

就係因為呢套戲 我先有而家呢個偶像...其實天下無雙係大陸播放係套戲既主題曲...落到無線先變左尾曲...

呢套戲既電腦特技雖然唔夠外國咁好...但係大陸黎講真係算好架喇...資源同技術有限...但係都好大膽用電腦特技...令觀眾視覺效果非常之好...係假就假d...不過將就下啦...

令我可以收工趕返屋企...又或者係公司唔捨得走...到目前為止只係得呢套戲可以令我咁做...慘...冇哂精神寄托...

超級女聲張靚穎俾我一種無法形容既感覺...由細到大我都冇一個固定既偶像之類既東西...因為邊個做戲好...唱歌唱得好...我都會去睇...去聽...到左而家我已經變左一個小fans...係張靚穎既fans...[哈哈好白痴仔]...

天生一把超靚既聲底助佢唱功方面真係冇得彈...精通多種樂器...仲識得多國語言...唱英文歌仲正過d老外...無論低音到高音都唱得好準分得好準...佢由細到大參加多個歌唱比賽都拎到好好既成績...直頭係一個天才歌唱家...直到佢參超級女聲呢個歌唱比賽拎到全國第三名...[我覺得真係有少少做馬囉]...好明顯佢唱功方面係遠遠拋離對手...都唔知點解拎唔到冠軍...到左而家佢已經成為職業歌手出左一張EP...呢個偶像年紀輕輕將來前途真係冇可限量...話埋紅過王菲都唔奇...最慘佢係大陸歌手...黎香港發展真係有一定難度...點解...因為香港人有"岐視"架嘛同埋有少少撞聾...根本時下年青人都唔識分邊D係有實力邊D係唱歌唔得...淨係睇個樣...好彩我個靚穎個相頭都唔差姐...

近期我覺得算係有水準既電影...黎明俾到我一個眼都凸埋出黎既演出...佢扮輕度弱智真係做得好出色...加上有搞笑同感性成份...我夠膽講...係佢從事演藝開始呢部係佢做得最出色既一部...佢由頭到尾演一個輕度弱智者...仲要有喜.怒.哀.樂...七情上面...都做得好好...我不嬲都唔係咁睇好黎明...因為佢黎黎去去都係咁既款冇咩凸破...但係呢套戲令我對佢改觀...你試想下...有邊個紅左既大明星...會演呢d戲先...佢做呢個角色可以俾到一d輕度弱智人仕一種鼓勵...對一d唔認識輕度弱智者既人俾佢地有更深既認識...呢套戲好好...我好鍾意...但係我唔會睇第二次...因為返睇第二次...就會冇咁好睇...我想保留最好既一次俾自己...唔知點解我而家唔鍾意去戲院睇戲...因為去戲院...你miss左少少對白...或者少少片段...你都可能唔會完完全全咁了解到部戲...睇碟可以返轉頭...我要既係完全明白部戲講咩...要了解到...咁先係睇戲真正既意義...!

我MISS係大佬...好正呢套日劇...我全家個個禮拜六瘋狂地追住黎煲...我錄左...又到我阿姐睇...跟住我阿媽返黎又到我阿媽睇...變相左我同一集睇三次...亞視岩岩播完佢既大結局...我阿姐話有第二集...我一定買哂返屋企睇...我覺得日劇有一樣好...佢地拍好多呢D戲係好有教育意義係到...如果無線能夠拍多D呢D戲加上有好多搞笑成份係到...無線真係唔憂做...不過HK地方細細拍劇集可以世界咁多地方知名都算係咁...講返我MISS係大佬先...仲間由紀惠係我讀中學果陣佢已經出道左...果陣我個FD仲買左佢果本寫真集俾我添...哈哈...佢係呢套戲做得好好...仲有超級索女伊東美X拍...真係正...入面D學生又係做得好好...成個故事拍得好好...搞笑得黎又好感人...睇到我又笑又喊...除左長今之外...呢套係我對日韓劇第二套喜歡...

再說一次我愛你一出碟我即買黎睇...呢套戲可以話劉華咁多套戲入面最悶既一套...but...好似好有深度咁...華哥一人演兩角...有少少似無間道三咁...好似有精神分裂症咁...睇睇下唔知以為係王家衛拍咁樣...呢個故事係好好...但係唔知點解會拍到咁...反而童幻緣夢華哥真係拍得好好...估唔到佢既演技再更上一層樓...有左新既凸破...而家睇戲唔可以再睇套戲係咩類型...應該留意埋演員既演技...攝影...同埋劇情...希望華哥再一次拍多d戲俾我地睇下...暫時黎講...我覺得佢做雷洛一 二集...係做得最好...

尋晚睇完903個頒獎禮...好開心啦陳奕迅做左大贏家...

好奇怪英皇竟然係最少獎...不過我覺得903呢個真係好好...公平d同埋佢真係頒俾一d有實力既歌手嘛...

衛蘭真係冇睇錯佢...佢拎女新人冠軍係實至名歸的

可能今年同期既新人真係冇乜...同埋衛蘭既唱功真係有返咁上下...係一個好有實力既歌手...

而家慢慢發覺呢個樂壇開始注重一d有實力既歌手...再唔係硬salen一d偶像派...偶像派已經過時喇...實力依然係最重要...

903連一d作曲人 作詞人 同埋連 歌曲監製都頌埋獎...真係好好...因為佢地幕後既人真係出左好多努力花左好多心機...呢個係一個好好既鼓勵...

陳奕迅今年總算爭返啖氣...雖然古巨基今年係做左好多野...唱左好多歌...但係唱得多不必好...真係好既歌...幾隻已經夠...陳奕迅一隻大碟已經橫掃哂...我問你死未...古巨基我覺得佢真係有少少濫...不過呢d唔關佢事既...全部都係佢公司幫佢安排...

我希望呢個樂壇出多d好歌俾我地d小市民聽...

除左Janice之外Judi係令一個我比較留意既女歌手

第一隻EP 我一個睡 到第二隻...同小春合唱既停電...我諗都已經有人開始識呢個女仔

我覺得佢真係好有實力既女歌手...同樣佢都係有一把特厚聲線...呢樣野同JANICE好相似...大家都係似實力入樂壇並唔係靠個樣...

希望聽歌既朋友可以留意一下有實力既歌手...唔好淨係掛住睇靚女靚仔...^^

我真係幾鍾意音樂...以前聽歌...我只係睇歌手...呢d就真係唔識欣賞音樂既睇法...

而家聽歌...我會聽隻歌作曲...填詞...melody...最緊要就係歌手既唱功...感情...聲線...

其實而家hk既樂壇真係幾悲哀...除左好多人單撈mp3唔買cd之外...就係個個都要靚...以前行實力為主既...而家已經要變到偶像為主...完全唔理果個人唱歌好唔好聽...

話你聽...你唱歌幾咁唔好都好...你有個樣就得...同埋你有冇一首好歌...

有邊個係唱歌好聽...個樣係靚既...冇....有邊個個樣係靚....唱歌又好聽既...冇...點解joey會咁hit....咁好...我個人睇法就係...因為佢有一首首既好歌...佢個你話佢靚...又唔係...你話佢唱歌好聽...又未至於話十分好聽...因為JOEY已經成為HK既潮流...個個都聽佢D歌...連一隻改編歌都可以話拎黎做校歌...因為佢身邊...不斷不斷有一隻隻既好歌...呢D歌...如果你俾第二個唱...都一定會咁HIT...一間唱片公司決心要果個人幫公司搵錢既...又點會冇好歌...你搵到錢既自然會有好歌...搵唔到錢既...俾幾多歌你都係冇用...

我好服果D唱作歌手...又作得又唱得...台灣既F I R係我近年最鍾意...佢地自己制作...作曲...填詞...仲要唱埋...台灣就有呢一樣野好...唱得好聽...自然會多人鍾意...好似周杰倫咁...一D都唔靚仔...但係就有萬千少女鍾意...而男既都唔會執輸鍾意埋一份...

而家HK既新歌...點解冇以前果D咁好...一來...唱片市低迷...二來而家D人唔識欣賞音樂...搞一班作曲既...作詞既都冇哂心機做歌...

而家D人要求低...自然出品既品質都會低...我真係好希望D人可以用心去聽歌...唔好埋沒一班制作人既才華...