星期日晚巿炒得好好地，竟然無啦啦停電，當堂呆左！

我第一時間去檢查電箱有冇跳掣，哥哥就去找管理處。答案是全幢大廈停哂電。當時全場「坐滿人」，死啦！啲單入哂電腦，點埋單呢？廚房冇電扒爐同焗爐點運作呢？冇冷氣，啲客可以忍受幾耐呢？一時間滿腦問題，唔知點算！好彩七哥十分鎮定地吩咐所有伙記立即走去同客人加水，等佢地冇咁熱。我叫佢地向每一枱客人解釋現在發生什麼事同道歉等等，而所有已落單的客人亦十分合作，沒有離開，耐心地...

我發覺我開舖以來，除左生活習慣唔同左之外，個人變得好兇狠！以前遇到人事問題，都會採取息事寧人的態度，但發覺這只能換來一時的風平浪靜，殊不知...

呢排食得宵夜多，昨晚磅重，嘩！不得了！一定要減肥啦！若果唔係！呢個冬天都唔知點過？

的起心肝，用我認為最有效的「游水 + 勁食蔬果」方法，今晚開始已經係咁去厠所小解，呢個方法果然萬試萬靈。班細路見我一個人去游水覺得好出奇，我想講，其實我一個人都可以做好多野，例如：睇戲、食飯、行街、做運動......，唔一定要有伴先做得。如果樣樣都要有伴先去做，我乜野都唔使做lu！

幾經辛苦，終於炒哂要炒的人，點知團隊中仍然可以有人搞事。比七哥笑我：「你依家先知煩哩！」佢話呢度算係好，總算冇立壞心腸的人。但我卻不認同，可能對人格的要求，已去到執著的程度，硬係討厭有人搞是搞非。咁係啫！放手不理，只會令到做得野的人離開，這種危機感，是從我響信義會訓練出來，說實在，見得太多人因此激到「唔x做」，包括在下。

我同七哥講，睇下我幾時又忍唔到手，就算之後我會喊，我都會堅持咁做。事實上，每次我炒人我都...

同下屬出街可以做D乜？行街？買野？

非也！剝智慧牙是也！

一剝就剝左兩隻，發現有一隻打橫生，所以非常難剝，依家仲腫到似小新咁！

我係唔會影相比你地睇架！啍！

七哥被熟客黃醫生召入院做全身檢查，聽說因初步報告有異常情況出現，突然間少左七哥坐陣的確有點亂，不過班細路好生性，更加比心機做野。請各位都為七哥祈禱，希望只是小問題啦！

之前因為兩個經理「BENZ BRAKE」(辦事不力)，比我炒左，家陣都唔敢再請經理，費事做唔到野之餘，仲要比人激死，情願自己辛苦D啦！但點都好，主唔會睇住我死ge，仲有飲食界老手「七哥」照住照住，班細路依總算聽聽話話，仲知我好辛苦，唔敢遲到。

但係上天梗係嫌我未夠辛苦，本店員工「論盡王」響屋企PK，甩左手較，要休息五天，佢通常幫手開早。唉....所以依家我要開早踩到收夜。我知婆婆仔...

舖頭終於可以上網啦！因為買左部新NOTEBOOK，以後唔使返到屋企仍然要用電腦做野啦！又可以時常上網同大家聯絡啦！